2025 – جىلعى ءدارى – دارمەكتەردىڭ تىزىمدىگى تۋرالى كەلىسسوز وتكىزىپ كەڭەسۋ ءساتتى اياقتادى

ورتالىق تەلەۆيزيا تورابىنىڭ حابارى: مەملەكەتتىك ەمدەۋدى قامتاماسىزداندىرۋ مەڭگەرمەسىنىڭ ۋيشين تەكشەسىنىڭ حابارلاۋىنشا، 10 – ايدىڭ 30 – كۇنىنەن 11 – ايدىڭ 3 – كۇنىنە دەيىن، مەملەكەتتىك ەمدەۋدى قامتاماسىزداندىرۋ مەڭگەرمەسى ۇيىمداستىرىپ ورىستەتكەن مەملەكەتتىك نەگىزدىك ەمدەۋ قامسىزداندىرۋى كولەمىندەگى ءدارى – دارمەكتەردىڭ تىزىمدىگى تۋرالى كەلىسسوز وتكىزۋ، باسەكەلەسە باعا كورسەتۋ جانە ساۋدالىق قامسىزداندىرۋ كولەمىندەگى جاڭالىق جاراتىلعان ءدارى – دارمەكتەر تىزىمدىگى بويىنشا باعاسىنا كەلىسۋ قىزمەتىن ورىستەتىپ، ەل ءىشى – سىرتىنداعى 120 كاسىپورىن ناق مايداندا قاتىناستى، مۇنىڭ ىشىندە، نەگىزدىك ەمدەۋ قامسىزداندىرۋى كولەمىندەگى ءدارى – دارمەكتەر تىزىمدىگىنە قاتىناستىرۋ ءۇشىن كەلىسسوز وتكىزۋگە، باسەكەلەسە باعا كورسەتۋگە اتالعان تىزىمدىكتەن سىرت 127 ءتۇرلى ءدارى – دارمەك قاتىناستىرىلعان، ساۋدالىق قامسىزداندىرۋداعى جاڭالىق جاراتىلعان ءدارى – دارمەكتەر تىزىمدىگى بويىنشا باعاسى جونىندە كەلىسسوز وتكىزۋگە 24 ءتۇرلى ءدارى – دارمەك قاتىناستىرىلعان.

الدا قاتىستى تەحنيكالىق، اكىمشىلىك جانە زاڭدىق تارتىپتەر ورىندالعان سوڭ، جاڭا نۇسقاداعى نەگىزدىك ەمدەۋ قامسىزداندىرۋ كولەمىندەگى ءدارى – دارمەكتەر تىزىمدىگى مەن تۇڭعىش نۇسقاداعى ساۋدالىق قامسىزداندىرۋ كولەمىندەگى جاڭالىق جاراتىلعان ءدارى – دارمەكتەر تىزىمدىگى 12 – ايدىڭ ءبىرىنشى اپتاسىنىڭ سوڭىندا گۋاڭجوۋدا ينتەرنەت ارقىلى جانە ينتەرنەتتەن تىس فورمادا بىردەي ۋاقىتتا جاريالانادى، كەلەسى جىلى 1 – ايدىڭ 1 – كۇنىنەن باستاپ رەسمي اتقارىلادى.

كەلۋ قاينارى: حالىق تورابى