بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.12.03 09:00 كەلۋ قاينارى : حالىق تورابى
شينحۋا اگەنتتىگىنىڭ 11 ـ ايدىڭ 28 ـ كۇنى بەيجيڭنەن بەرگەن حابارى. شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭ ديپلوماتيا يدەياسىن ۇيرەنۋدى، دايەكتىلەندىرۋدى ۇزدىكسىز تەرەڭدەتۋ ءۇشىن، ورتالىق كوميتەت ۇگىت ءبولىمى، سىرتقى ىستەر مينيسترلىگى 2021 ـ جىلى باسپادان شىققان «شي جينپيڭ ديپلوماتيا يدەياسىن ۇيرەنۋ باعدارلاماسىن» جاڭالاپ قايتا باسپادان شىعارىپ، «شي جينپيڭ ديپلوماتيا يدەياسىن ۇيرەنۋ باعدارلاماسى (2025 ـ جىلعى باسىلىمى)» (تومەندە قىسقارتىلىپ «باعدارلاما (2025 ـ جىلعى باسىلىمى)» دەلىنەدى) اتتى كىتاپتى ۇيىمداستىرىپ قۇراستىردى، حالىق باسپاسى، ۇيرەنۋ باسپاسى بىرلەسىپ باسپادان شىعاردى، سول كۇننەن باستاپ بۇكىل ەلدە تاراتىلدى.
پارتيا 18 ـ قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى جاڭا داۋىردەگى جۇڭگو مەن دۇنيە ءجۇزىنىڭ دامۋ زور اۋقىمىن تەرەڭ يگەرىپ، سىرتقى ىستەر قىزمەتىندە ءبىر قىدىرۋ كەلەلى نازاريالىق جانە امالياتتىق جاڭالىق اشىپ، ەلىمىزدىڭ سىرتقى ىستەر قىزمەتىندە تاريحي تابىستارعا قول جەتكىزۋگە، تاريحي وزگەرىستەر تۋدىرۋعا باسشىلىق ەتىپ، شي جينپيڭ ديپلوماتيا يدەياسىن قالىپتاستىردى. شي جينپيڭ ديپلوماتيا يدەياسى — شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى، ماركسيزمنىڭ نەگىزگى قاعيدالارىن جۇڭگوشا ءىرى ەل ديپلوماتياسى ناقتى امالياتىمەن ۇشتاستىرعان، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرعان كەلەلى نازاريالىق جەتىستىك، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل باسقارۋ يدەياسىنىڭ ديپلوماتيا سالاسىندا شوعىرلى بەينەلەنۋى، جاڭا داۋىردەگى ەلىمىزدىڭ سىرتقى ىستەر قىزمەتىنىڭ ءتۇبىرلى بويسۇنۋ ولشەمى جانە ارەكەت باعدارناماسى.
«باعدارلاما (2025 ـ جىلعى باسىلىمى)» جيىنى 14 تاراۋ، 50 مازمۇن، 132 تارماق، 103 مىڭ ارىپتەن تۇرادى. جالپى كىتاپتا شي جينپيڭ جاڭا ءداۋىر جۇڭگوشا سوتسياليزم يدەياسىنىڭ سىرتقى ىستەر سالاسىنداعى ءتول جاسامپازدىق ۇلەسى مەن ەڭ جاڭا دامۋى جان ـ جاقتى بەينەلەنىپ، شي جينپيڭ ديپلوماتيا يدەياسىنىڭ داۋىرلىك استارى، تەرەڭ ىشكى ءمانى، نازاريالىق قاسيەتى جانە شۇعىلالى امالياتى جۇيەلى بايىمدالىپ، قالىڭ پارتيا مۇشەلەرىنىڭ، كادرلاردىڭ، بۇقارانىڭ شي جينپيڭ ديپلوماتيا يدەياسىن ىشكەرىلەي ۇيرەنۋىنە، دايەكتىلەندىرۋىنە قۇزىرلى كومەكشى وقۋلىق ازىرلەدى.
ورتالىق كوميتەت ۇگىت ءبولىمى حابارلاندىرۋ شىعارىپ، مىنالاردى تالاپ ەتتى: «باعدارلامانى (2025 ـ جىلعى باسىلىمى)» پارتكومداردىڭ (پارتيا باسشىلىق گرۋپپاسى) نازاريا ۇيرەنۋ وزەكتى گرۋپپاسى ۇيرەنۋىنىڭ، كادرلاردى باۋلۋدىڭ، پارتيا مۇشەلەرى ۇيرەنۋىنىڭ ماڭىزدى مازمۇنى ەتۋدى ىلگەرىلەتىپ، ىشكەرىلەي ۇيرەنىپ شىنايى سەنۋدى، دەن قويا وي جۇگىرتىپ ەگجەي ـ تەگجەيلى ءتۇسىنۋدى، تانىم مەن ارەكەتتىڭ بىرلىگىن جۇزەگە اسىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن اناعۇرلىم جەتە ۇيرەنىپ، جەتە يگەرىپ، شىنايى تياناقتاندىرىپ، شي جينپيڭ ديپلوماتيا يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى جۇڭگوشا ءىرى ەل ديپلوماتياسىنىڭ جاڭا جاعدايىن ۇزدىكسىز اشىپ، جاپپاي سوتسياليستىك وسىزاماندانعان قۇدىرەتتى ەل قۇرۋ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا قۇلشىنا كۇرەس جۇرگىزۋ كەرەك.
