ينتەرنەت ەكولوگياسىن باسقارۋدىڭ باياندى مەحانيزمىن اقاۋسىزداندىرىپ، ستيلى پاك، سالتى دۇرىس ينتەرنەت كەڭىستىگىن ۇزدىكسىز قالىپتاستىرۋ كەرەك

شينحۋا اگەنتتىگىنىڭ 11 ـ ايدىڭ 29 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 11 ـ ايدىڭ 28 ـ كۇنى تۇستەن كەيىن ينتەرنەت ەكولوگياسىن باسقارۋدى كۇشەيتۋ جونىندە 23 ـ رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: ينتەرنەت ەكولوگياسىن باسقارۋ — ينتەرنەتتە قۋاتتى ەل قۇرىلىسىنداعى ماڭىزدى مىندەت، مەملەكەتتىڭ دامۋى مەن حاۋىپسىزدىگىنە سايادى، حالىق بۇقاراسىنىڭ ءتول مۇددەسىنە سايادى. ينتەرنەت ەكولوگياسىن باسقارۋدىڭ باياندى مەحانيزمىن اقاۋسىزداندىرىپ، باسقارۋدىڭ بولجامدىلىعىن، دالمە ـ دالدىگىن، جۇيەلىلىگىن، سايكەسىمدىلىگىن كۇش سالا جوعارىلاتىپ، ستيلى پاك، سالتى دۇرىس ينتەرنەت كەڭىستىگىن ۇزدىكسىز قالىپتاستىرۋ كەرەك.

جۇڭگو ساياسي ـ زاڭ داشۋەسىنىڭ پروفەسسورى شى جيانجۇڭ جولداس وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار ءتۇسىندىرۋدى مۇقيات تىڭدادى ءارى تالقى جۇرگىزدى.

شي جينپيڭ ءتۇسىندىرۋدى جانە تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: پارتيا 18 ـ قۇرىلتايىنان بەرى، ءبىز ينتەرنەت ەكولوگياسىن باسقارۋدى ماڭىزدى ورىنعا قويىپ، ينتەرنەتتەگى نەگىزگى اعىمدىق قۇندىلىقتى، نەگىزگى اعىمدىق قوعامدىق پىكىردى، نەگىزگى اعىمدىق مادەنيەتتى ۇزدىكسىز زورايتىپ، ينتەرنەتتەگى بىلىقپالىققا ءونىمدى سوققى بەرىپ جانە ونى تەجەپ، ينتەرنەت ەكولوگياسىن جالپى تۇلعالىق جاقتان جاقسارتتىق. سوڭعى جىلدارداعى اماليات بىزگە مىنانى تەرەڭ ۇعىندىردى: ينتەرنەت ەكولوگياسىن باسقارۋدى يگەرۋدە، ءسوز جوق، پارتيانىڭ باسشىلىعىنا تاباندى بولۋ، حالىقتى بارىنەن جوعارى قويۋعا تاباندى بولۋ، تۋراشىلدىقتان اينىماي جاڭالىق اشۋعا تاباندى بولۋ، زاڭمەن باسقارۋ ارقىلى قورعاۋعا تاباندى بولۋ، جۇيە كوزقاراسىنا تاباندى بولۋ كەرەك.

شي جينپيڭ بىلاي دەپ باسا دارىپتەدى: ينتەرنەت ەكولوگياسىن باسقارۋ مەملەكەتتى باسقارۋدا ماڭىزدى ورىندا تۇرادى. پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ينتەرنەتتى كەشەندى باسقارۋ جاعدايىن اقاۋسىزداندىرىپ، باسقارۋدىڭ بىرىككەن كۇشىن قالىپتاستىرۋ كەرەك. ءار دارەجەلى، ءارقايسى تاراۋلار ينتەرنەتتى باسقارۋ، ينتەرنەتتى وڭاۋ ساياسي جاۋاپكەرشىلىگى مەن باسشىلىق جاۋاپكەرشىلىگىن كۇشەيتىپ، كورنەكتى ماسەلەلەردى دەر كەزىندە ءونىمدى شەشىپ، ينتەرنەتتەن پايدالانىپ حالىق رايىن ءتۇسىنۋ، قىزمەت ورىستەتۋ قابىلەتىن ۇزدىكسىز جوعارىلاتۋى كەرەك. ينتەرنەت تۇعىرىنا، جەكە مەديالارعا جانە كوپ ارنالى ينتەرنەت قۇرىلىمدارىنا جەتەكشىلىك ەتۋدى كۇشەيتىپ، ولاردى قوعامدىق جاۋاپكەرشىلىكتى ارقالاپ، سانالى تۇردە وڭ ەنەرگيا تاراتۋشى بولۋعا جەبەۋ كەرەك.

شي جينپيڭ بىلاي دەپ اتاپ كورسەتتى: قاينارى تۇنىق بولعاندا عانا اعىن تۇنىق بولادى، ۇنامدى ءۇن، نەگىزگى اعىمدىق قۇندىلىق، ءداۋىر جاڭا سالتى ارقىلى ينتەرنەت كەڭىستىگىن تۇلعالاۋعا تاباندى بولىپ، ينتەرنەتتى يدەياعا جەتەكشىلىك ەتۋدىڭ، ءمورالدى جەتىلدىرۋدىڭ، مادەنيەتتى جالعاستىرۋدىڭ ماڭىزدى شەبىنە اينالدىرۋ كەرەك. پارتيانىڭ جاسامپازدىق نازارياسىن ينتەرنەتتە ۇگىتتەۋدى تەرەڭدەتىپ، سوتسياليستىك وزەكتى قۇن كوزقاراسىن بار كۇشپەن اسقاقتاتىپ، ءتىپتى دە كوپ ماعىنالى، مەيىرلى، ىقپالدى ينتەرنەت تۋىندىلارىن ۇسىنۋ كەرەك. نەگىزگى اعىمدىق مەديالار ينتەرنەتتە ساپالى مازمۇنمەن قامداۋداعى ۇلگىلىك، جەتەكشىلىك رولىن ساۋلەلەندىرۋى كەرەك.

شي جينپيڭ بىلاي دەپ باسا دارىپتەدى: ينتەرنەت ەكولوگياسىن باسقارۋ — جۇيەلى ينجەنەريا، ءار جاقتىڭ كۇشىن تولىق جۇمىلدىرىپ، تاربيەلەۋ، اكىمشىلىك، زاڭمەن باسقارۋ سياقتى كوپ ءتۇرلى تاسىلدەردى جان ـ جاقتى قولدانۋ كەرەك. ينتەرنەتتە يدەيا ـ ءمورال تاربيەسىن توپقا ءبولىپ دالمە ـ ءدال جۇرگىزۋ مەحانيزمىن كەمەلدەندىرىپ، ءوزىن قۇرمەتتەيتىن، وزىنە سەنەتىن، اقىلدى، بايسالدى، بەلسەنە العا باساتىن ينتەرنەت قوعامدىق كۇيىن جەتىلدىرۋ كەرەك. ساياساتتىق جەتەكشىلىك، اكىمشىلىك رۇقسات ەتۋ سياقتى شارالاردى قولدانىپ، اكىمشىلىك باقىلاۋ ـ باسقارۋ مەن كاسىپ تەجەمىن ءوزارا ۇشتاستىرۋدى ىلگەرىلەتۋ كەرەك. ينتەرنەت سالاسىندا زاڭ شىعارۋ، زاڭ اتقارۋ، ءادىليا، زاڭ جالپىلاستىرۋ قىزمەتىن ءبىر تۇتاس جوسپارلاپ ىلگەرىلەتۋ كەرەك.

شي جينپيڭ بىلاي دەپ اتاپ كورسەتتى: ينتەرنەتتەگى بىلىقپالىق قوعامدىق سالتتى لاستاپ، بۇقارانىڭ مۇددەسىنە زيان جەتكىزەدى، بۇعان باتىل ءۇن قاتىپ، باتىل سوققى بەرىپ، ونداعى مۇددە تىزبەگى مەن كاسىپ سالاسى تىزبەگىن ءۇزىپ، ونىڭ ءوسىپ ـ ءوربيتىن توپىراعى مەن شارت ـ جاعدايىن الاستاۋ كەرەك. ينتەرنەتتەگى بىلىقپالىققا سوققى بەرۋمەن ۇشتاستىرىپ، ينتەرنەت ەكولوگياسىن باسقارۋداعى ءالسىز بۋىنداردى ىشكەرىلەي تاۋىپ، باعىتتامالى شارالار قولدانىپ نەگىزدى بەكەمدەپ، ولقىلىقتاردى تولىقتاۋ كەرەك.

شي جينپيڭ بىلاي دەپ باسا دارىپتەدى: قازىر جاساندى زەردە، ۇلكەن ساندى مالىمەت سياقتى جاڭا تەحنولوگيالار، جاڭا قولدانىلىمدار ۇزدىكسىز جارىققا شىعىپ، ينتەرنەت ەكولوگياسىن باسقارۋعا سىن ـ سايىس اكەلدى، سونداي ـ اق جاڭا قولداۋ شارت ـ جاعدايىن ازىرلەدى. ينتەرنەت حاۋىپسىزدىگى جانە ينفورماتسيالاندىرۋ سالاسىندا جاڭا تەحنولوگيالاردى دامىتۋعا دەم بەرىپ، زەرتتەۋ ـ اشۋ جەتىستىكتەرىن كادەگە جاراتۋدى جانە قولدانىلۋ جاعدايىن تياناقتاندىرۋدى جەبەۋ كەرەك. دارەجەگە، تۇرگە بولىنگەن حاۋىپسىزدىكتى باقىلاۋ ـ باسقارۋ مەحانيزمىن كەمەلدەندىرىپ، ينتەرنەت حاۋىپسىزدىگى مەن ساندى مالىمەت حاۋىپسىزدىگى قورعانىس شەبىن بەكەمدەۋ كەرەك.

شي جينپيڭ بىلاي دەپ اتاپ كورسەتتى: ينتەرنەت ەكولوگياسىن باسقارۋ — دۇنيە جۇزىندەگى ءار ەل ءدوپ كەلىپ وتىرعان ورتاق تاقىرىپ. حالىقارالىق ەرەجە جاساۋعا بەلسەنە ات سالىسىپ، ءار ەلمەن قول ۇستاسا وتىرىپ ينتەرنەتتەگى زاڭعا قايشى قىلمىستارعا سوققى بەرىپ، ينتەرنەت كەڭىستىگى تاعدىرلاس ورتاق تۇلعاسىن قۇرۋدى ىلگەرىلەتۋ كەرەك. حالىقارالىق تاراتۋ ينتەرنەت تۇعىرى مەن قابىلەت قۇرىلىسىن كۇشەيتىپ، ينتەرنەتتەن پايدالانىپ جۇڭگو ءۇنىن تاراتىپ، جۇڭگو حيكاياسىن ويداعىداي بايانداپ، سەنىمدى، سۇيىكتى، قادىرلى جۇڭگو وبرازىن جاندى ايگىلەۋ كەرەك.