شي جينپيڭ لاوس حالىق دەموكراتيالىق رەسپۋبليكاسى قۇرىلعاندىعىنىڭ 50 جىلدىعى بايلانىسىمەن لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنگە قۇتتىقتاۋ تەلەگرامماسىن جولدادى

شينحۋا اگەنتتىگى، 12 - ايدىڭ 2 - كۇنى، بەيجيڭ. 12 - ايدىڭ 2 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ لاوس حالىق دەموكراتيالىق رەسپۋبليكاسى قۇرىلعاندىعىنىڭ 50 جىلدىعى بايلانىسىمەن لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنگە قۇتتىقتاۋ تەلەگرامماسىن جولدادى.

شي جينپيڭ بىلاي دەپ اتاپ كورسەتتى: لاوس حالىق توڭكەرىستىك پارتياسى لاوس حالقىن ىنتىماقتاستىرىپ جانە باستاپ، قاجىرلىلىقپەن كۇرەس جۇرگىزىپ، ۇدەرە العا تارتىپ، جاڭالىق اشۋ، ەسىك اشۋ ىستەرىندە قۋانارلىق تابىستارعا قول جەتكىزىپ، حالىق تۇرمىسىن ۇزدىكسىز جاقسارتىپ، حالىقارالىق جانە وڭىرلىك ىقپال كۇشىن جوعارىلاتتى. جولداس ۇستىنە باۋىرلاس رەتىندە، جۇڭگو جاق بۇعان قاتتى قۋانادى. ءبىز لاوس جاقتىڭ ءوز ەلىنىڭ مەملەكەت جاعدايىنا ۇيلەسەتىن سوتسياليزم جولىمەن ويداعىداي ءجۇرىپ، لاوس پارتياسىنىڭ 12 - قۇرىلتايىنىڭ جەڭىسپەن اشىلۋىن قارسى الىپ، پارتيا جانە مەملەكەت قۇرىلىسى ىستەرىندە ۇزدىكسىز جاڭا جاعداي اشاتىندىعىنا كامىل سەنەمىز.

شي جينپيڭ بىلاي دەپ باسا دارىپتەدى: باس شۋجي تۇڭلۇن جولداس بيىل 9 - ايدا جۇڭگودا ءساتتى ساپاردا بولدى، مەن باس شۋجي جولداسپەن جۇڭگو - لاوس تاعدىرلاس ورتاق تۇلعاسى قۇرىلىسىن تەرەڭدەتۋ جونىندە جاڭا ستراتەگيالىق ورتاق تانىمعا كەلدىم. جۇڭگو جاق لاوستى باستان - اياق توڭىرەكتىك ديپلوماتيانىڭ الدىمەن ەسكەرىلەتىن باعىتى ەتىپ، لاوس جاقپەن بىرگە كەلەر جىلى جۇڭگو مەن لاوستىڭ ديپلوماتيالىق قارىم - قاتىناس ورناتقاندىعىنىڭ 65 جىلدىعىن وراي ەتىپ، ءداستۇرلى دوستىقتى جالعاستىرىپ، ىنتىماقتى، سەلبەستىكتى كۇشەيتىپ، جاڭا داۋىردەگى جۇڭگو مەن لاوستىڭ جان - جاقتى ستراتەگيالىق سەلبەستىگىنىڭ ۇزدىكسىز تەرەڭدەۋىن، ناقتىلانۋىن ىلگەرىلەتىپ، ەكى ەل حالقىنا ءتىپتى دە كوپ ىرىس - قۇت جاراتىپ، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگى مەن دامۋىنا ءتىپتى دە زور ۇلەس قوسۋدى قالايدى.

كەلۋ قاينارى: حالىق تورابى