حىنان نەگىزگى ساتىنىڭ جوعارى ءونىمدى جونگە سالۋىن ىلگەرىلەتتى

”15 ساۋدا سارايى بىرلەسىپ ساتۋدى جەبەدى، 1.17 شارشى كيلومەترلىك ساۋدا شەڭبەرىنە كەلۋشىلەر مەجەمەن 400 مىڭ ادام - رەتتەن اسادى“. تاياۋدا ءبىر ءىرى ساندى مالىمەت حىنان ولكەسى جىڭجوۋ قالاسى ىرشىچيتا ساۋدا شەڭبەرىنىڭ ارناۋلى بولەك جاۋاپتىسى ما جيۋسۇڭعا دەرەۋ حاۋىپسىزدىك قىزمەتىن ورنالاستىرۋ جونىندە ساقتىق دابىلىن قاقتى.

75 شاعىن بولەكتە 100 دەن استام قىزمەتكەر الدىن الا مىندەت وتەپ، 3 ۇشقىشسىز ۇشاق كەڭىستىكتە اينالىپ شارلاۋ جۇرگىزدى. ساۋدا شەڭبەرى بولەكتەر قولباسشىلىق ورتالىعىنىڭ زەردەلى ەكرانىندا ەسەپتەۋ قۋاتى ساقتىق جۇيەسى جىلتىلداپ، كۇدىكتى كومەسكى قاتەرلەردى بايقاپ، دەر كەزىندە ءبىر جاقتى ەتۋگە مالىمدەپ وتىردى. ىرشىچيتا ساۋدا شەڭبەرىنىڭ حاۋىپسىزدىگى مەن ومىرشەڭدىك كۇشىنىڭ استارىندا حىناننىڭ نەگىزگى ساتىنى جوعارى ءونىمدى جونگە سالۋدى ىلگەرىلەتۋدەگى ىزدەنىسى مەن جاڭالىعى جاتىر.

2025 - جىلى 5 - ايدا باس شۋجي شي جينپيڭ حىناندا قىزمەت تەكسەرگەندە بىلاي دەپ باسا دارىپتەدى: ”حىناننىڭ جان سانىنىڭ جالپى مولشەرى، جان سانىنىڭ تىعىزدىعى، جان سانىنىڭ جىلجىمالىلىعى ءبىرشاما زور، قوعامدىق ماسەلەلەر كۇردەلى دە الۋان ءتۇرلى، ءسوز جوق، قوعامدىق جونگە سالۋدى تىڭعىلىقتى كۇشەيتۋ كەرەك“.

حىناننىڭ نوپوسىنداعى جان سانى 100 ميلليوننان اسادى، ءارقانداي قوعامدىق جونگە سالۋ قىزمەتى وسى جان سانىنىڭ نەگىزدىك سانىنا كوبەيتىلسە، كىشى - گىرىم ءىس ەمەس. باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرعان حىنان پارتيا قۇرىلىسى ارقىلى نەگىزگى ساتى قىزمەتىنە جەتەكشىلىك ەتىپ، بولەككە ءبولىپ جاۋاپكەرشىلىكتى تۇراقتاندىرىپ، ءىرى ساندى مالىمەتتەردى تىرەك ەتىپ، جۇيەلى جونگە سالىپ، نەگىزگى ساتىنىڭ جوعارى ءونىمدى جونگە سالىنۋىن تىڭعىلىقتى ىلگەرىلەتتى.

پارتيا قۇرىلىسىمەن جەتەكشىلىك ەتىپ، قوعامدىق جونگە سالۋدىڭ نەگىزىن بەكەمدەدى −

تاياۋدا لوحى قالاسى لينيىڭ اۋدانى ۋاڭگاڭ قالاشىعى لۇيجۋاڭ قىستاعىنىڭ كادرى جاڭ يۇنفىڭ بولەكتەرگە امانداسا بارىپ، ەكى وتباسىنىڭ ەگىستىك جەر شەكارا ماسەلەسى سەبەبىنەن تالاس - تارتىس تۋىلىپ، ەكى جاقتىڭ اشۋعا مىنگەنىن بايقايدى. ول ءبىر جاعىنان اقىل ايتىپ، ەندى ءبىر جاعىنان قىستاق ساقشىلارىن ءتارتىپتى ورنىقتىرۋعا شاقىردى ءارى قالاشىق جاراتىلىستىق بايلىق بولىمشەسىنىڭ قىزمەتكەرلەرىن دالمە - ءدال تۇجىرىم جاساۋعا سايكەستىردى. ءار جاقتىڭ كۇشى شوعىرلانىپ، ەكى جاقتىڭ قايشىلىعى تەز شەشىلدى.

”بۇرىن نەگىزگى ساتىدا ادام از، جۇمىس كوپ بولاتىن، ءبىز تەك جاعدايدى باسەڭدەتە الاتىنبىز“. جاڭ يۇنفىڭ بىلاي دەدى: ”قازىر اۋىل - قالاشىقتىڭ (ءمالى باسقارماسى) مىندەت وتەۋ ىستەرى ءتىزىمى جاريالانىپ، نازار قوعامدى جونگە سالۋداعى نەگىزگى جاۋاپكەرشىلىككە شوعىرلاندىرىلىپ، قالاشىق، قىستاق كادرلارىنىڭ اۋىرتپالىعى جەڭىلدەتىلدى، سونىمەن بىرگە، اۋىل - قىستاق كومەكشىلەرى، قىستاق ساقشىلارى، ينتەرنەت قىزمەتكەرلەرى قاتارلىلار سەلبەسىپ ىستەيتىن بولدى، ءبىز جاعدايدى باسەڭدەتۋشىلەردەن نەگىزگى جۇمىس بىتىرۋشىلەرگە اينالىپ، ماسەلەنى ىرىقتىلىقپەن بايقاپ، شەشەتىن بولدىق“.

حىنان 339 مىڭ قالا، اۋىل بولەگىن، ارنايى بولەكتى عىلمي ايىرىپ، ياچەيكانى بولەكتە قۇرىپ، پارتيا مۇشەلەرى تىرەكتىلەرىن بولەك پارتيا ياچەيكاسىنىڭ شۋجيلىگىنە تاڭداپ قويىپ، بولەكتەگى پارتيا مۇشەلەرىن بولەك پارتيا ياچەيكاسىنىڭ باسقارۋىنا ەنگىزىپ، پارتيا ۇيىمىنىڭ نەگىزگى ساتىنى جونگە سالۋداعى تىرەكتىك رولىن اناعۇرلىم ويداعىداي ساۋلەلەندىرۋىنە مۇمكىندىك جاسادى.

قىزمەتتىڭ قالاي ىستەلگەنىن بۇقارا باعالادى. حىنان ”بەس جۇلدىزدى“ ياچەيكا قۇرۋدىڭ ورتا مەرزىمدىك باعالاۋىمەن ۇشتاستىرىپ، باعالاۋدا تولىمسىز قىستاق پارتيا ۇيىمى شۋجيلەرىن دەر كەزىندە رەتتەدى. بيىل جىل باسىنان بەرى قىستاق پارتيا ۇيىمىنىڭ شۋجيلەرىنەن 1600 دەن استام ادام بوساتىلىپ، اۋىستىرىلىپ، ءالسىز، بىتىراڭقى قىستاقتاردان 2800 دەن استامى اداقتالىپ، رەتكە سالىندى؛ ستۋدەنت پارتيا مۇشەلەرىنەن، قوسىننان شەگىنگەن اسكەريلەر پارتيا مۇشەلەرىنەن دارىندى ەنگىزىلىپ، 13 مىڭ ءبىرىنشى شۋجي، 33 مىڭ قىزمەت اترەتىنىڭ مۇشەسى قىستاقتا تۇرىپ كومەكتەسۋگە تاڭداپ جىبەرىلدى.

پارتيا ۇيىمىنىڭ باستاۋىندا حىنانداعى 3 ميلليون 400 مىڭنان استام پارتيا مۇشەسى بولەكتەرگە بارىپ كومەسكى قاتەرلەردى تاۋىپ، دەرەكتەردى مالىمدەپ، قىزمەت وتەدى. بيىل جىل باسىنان بەرى بۇكىل ولكە بولەكتەرگە سۇيەنىپ 700 مىڭنان استام ءتۇرلى دەرەكتەردى جيناپ، 490 مىڭنان استام قايشىلىقتى تەكسەرىپ شەشتى.

عىلىم - تەحنيكا قۋات ۇستەپ، قوعامدىق جونگە سالۋ ونىمدىلىگىن جوعارىلاتتى −

”نوسەر جاۋاتىن بولدى، لۋشان اۋدانى شۋەجاي قىستاعى سۋ قويماسىنىڭ جاعاسىندا بىرەۋلەر بالىق اۋلاپ وتىر، دەرەۋ قايتارىڭىزدار“. تاياۋدا پيڭديڭشان قالاسىنىڭ نەگىزگى ساتىنى جونگە سالۋدى ءبىر تۇلعالاندىرۋ تۇعىرى اۋا رايىنان الدىن الا مالىمەت بەرۋ، سۋ قويماسىنىڭ زەردەلى باقىلاۋ - تەكسەرۋ جۇيەسى سياقتى ينفورماتسيالارمەن ۇشتاستىرىپ، اۆتوماتتى تۇردە ساقتىق دابىلىن قاقتى. كوپ وتپەي ساقتاندىرۋ ينفورماتسياسى قىستاقتىڭ بولەك قىزمەتكەرى لي حىنىڭ قول تەلەفونىنا جەتكىزىلدى. لي حى دەرەۋ قاتىستى جەرگە بارىپ، بالىق اۋلاۋشىلارعا قايتىپ كەتۋدى ەسكەرتتى.

”بۇرىن ادام كۇشىمەن شارلاپ تەكسەرۋگە سۇيەنەتىنبىز، ماسەلەنى دەر كەزىندە بايقاي الماۋشى ەدىك، اينالىم ۋاقىتى ۇزاق بولاتىن. قازىر زەردەلى باقىلاۋ - تەكسەرۋ جۇيەسى بار، ءار 15 مينۋتتا ءبىر رەت اۆتوماتتى شارلاۋ - تەكسەرۋ جۇرگىزەدى. الدا - جالدا بەلگىلەمەگە قايشى ارەكەتتەر بايقالسا، دەرەۋ زەردەلى ساقتىق دابىلىن قاعادى، وسىلايشا ءبىر جاقتى ەتۋ ونىمدىلىگى بارىنشا جوعارىلادى“ دەدى لي حى.

جاساندى زەردە جۇيەسىمەن پارىقتاۋ، ءىستى اۆتوماتتى مالىمدەپ ناق مايدانعا بارىپ ءبىر جاقتى ەتۋ، سۋرەتكە ءتۇسىرىپ اڭىس قايتارۋ... پيڭديڭشان قالاسىنىڭ نەگىزگى ساتىلاردى جونگە سالۋدى ءبىر تۇلعالاندىرۋ تۇعىر جۇيەسى ىسكە قوسىلعاننان بەرى، بۇكىل قالاداعى نوسەر كەزىندە سۋ قويماسىندا بەلگىلەمەگە قايشى بالىق اۋلاۋ ءىسى ورتا ەسەپپەن ايىنا 8 رەتتەن نولگە ءتۇستى.

”سيفرمەن جونگە سالۋ“ ارقىلى شەبەرلىكپەن جونگە سالۋدى جەبەدى، حىناندا قالا دارەجەلى 12 نەگىزگى ساتىنى جونگە سالۋ تۇعىرى ىسكە قوسىلدى، ولكە، قالا ەكى دارەجەلى ۇكىمەت ىستەرى ءىرى ساندى مالىمەتى، ”ينتەرنەت + باقىلاۋ - باسقارۋ“ سياقتى تۇعىرلار تۇگەلدەي تۇتاستىرىلدى. حىنان ولكەلىك پارتكوم ۇيىمداستىرۋ ءبولىمى پارتيا قۇرىلىسى ارقىلى نەگىزگى ساتىنى جونگە سالۋعا جەتەكشىلىك ەتۋ قىزمەت باسقارماسىنىڭ باستىعى ياڭ يانچۇڭ بىلاي دەپ تانىستىردى: تۇعىر ۇكىمەت ىستەرىنەن قىزمەت وتەۋدە ”ءبىر جەلىدە ءبىر تۇتاس ءبىتىرۋدى“، تاراۋلار بىرلەسىپ قيمىلداۋدى، ”ءبىر جەلىدە ءبىر تۇتاس سايكەسۋدى“، نەگىزگى ساتىنى جونگە سالۋدى ”ءبىر توراپتا ءبىر تۇتاس باسقارۋدى“ جۇزەگە اسىردى. بيىل جىل باسىنان بەرى تەك ”ءبىر ءىستى جوعارى ونىمدىلىكپەن تىندىرۋ“ رەفورماسىنىڭ جەبەۋىندە 180 ءار دارەجەلى، ءار ءتۇرلى جۇيە اشىلىپ، كاسىپورىندار مەن بۇقاراعا 480 ميلليون رەت ءىس ءبىتىرىلدى.

جوعارى ءونىمدى جونگە سالۋ ارقىلى جوعارى ساپالى دامۋ مەن جوعارى دەڭگەيدەگى حاۋىپسىزدىكتىڭ ءتيىمدى ىقپالداستىعىن جەبەدى. بيىل الدىڭعى 3 توقساندا حىناننىڭ وڭىرلىك ءوندىرىس جالپى ءونىم قۇنى سايكەس مەزگىلدەگىدەن %5.6 ارتىپ، بۇكىل ەلدىڭ ورتاشا ارتۋ قارقىنىنان 0.4 پايىز جوعارى بولدى؛ بيىل جىل باسىنان بەرى حىناننىڭ ءار دارەجەلى ورىندارى 138 مىڭ اۋىر شىرعالاڭ كومەسكى قاتەرىن تەكسەرىپ تۇزەتىپ، بۇكىل ولكەنىڭ ءوندىرىس حاۋىپسىزدىگى شىرعالاڭىنىڭ سانى %33.9 تومەندەدى.

”پارتيا 20 - كەزەكتى ورتالىق كوميتەتىنىڭ ءتورتىنشى جالپى ماجىلىسىندە الەۋمەتتىك حاۋىپسىزدىكتى جونگە سالۋ ورەسىن جوعارىلاتىپ، قوعامدىق جونگە سالۋ جۇيەسىن كەمەلدەندىرۋ ورتاعا قويىلدى. ءبىز باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، قىسىمدى ارتتىرىپ، ۇدەرە العا تارتىپ، ۇزاق ۋاقىت ۇلەس قوسىپ، جوعارى ءونىمدى جونگە سالۋدىڭ ۇزدىكسىز تىڭ تابىستارعا قول جەتكىزۋىن ىلگەرىلەتەمىز“ دەدى حىنان ولكەلىك پارتكومنىڭ شۋجيى ليۋ نيڭ.

كەلۋ قاينارى: حالىق تورابى