الدىڭعى 11 ايدا باجى ىستەرى تاراۋلارى جۇلدىزدار مەن ينتەرنەتتە تانىمال ادامداردى قامتىعان ”قوس جوعارى“ ادامداردان 1818 ادامدى تەكسەرىپ ءبىر جاقتى ەتكەن 

12 – ايدىڭ 8 – كۇنى، مەملەكەتتىك باجى ىستەرى مەڭگەرمەسى وتكىزگەن كەزەكتى اقپار جاريالاۋ ماجىلىسىندە مەملەكەتتىك باجى ىستەرى مەڭگەرمەسىنىڭ ساياسات جانە زاڭ – ەرەجەلەر مەكەمەسىنىڭ باستىعى داي شىيوۋدىڭ تانىستىرۋىنشا، بيىل الدىڭعى 11 ايدا باجى ىستەرى تاراۋلارى جوعارى حاۋىپتى 3904 ماي قۇيۋ پۋنكتىن تەكسەرىپ ءبىر جاقتىلى ەتىپ، 4 ميلليارد 163 ميلليون يۋان باجىنى تولىقتادى؛ جۇلدىزداردى جانە ينتەرنەتتەگى تانىمال ادامداردى قامتىعان ”قوس جوعارى“ ادامداردان 1818 ادامدى تەكسەرىپ ءبىر جاقتىلى ەتىپ، ءبىر ميلليارد 523 ميلليون يۋان باجىنى تولىقتاعان.

مۇنان سىرت، باجى ىستەرى تاراۋلارى باجى تاپسىرۋشىلاردىڭ سەنىمدىلىكتەن ايرىلعان ارەكەتتەرىن ىرىقتىلىقپەن تۇزەتۋىن بەلسەندى تۇردە قولدادى جانە ولارعا جول كورسەتتى. بيىل جىل باسىنان بەرى، باجى جيناۋ جاعىندا زاڭعا قايشىلىق ىستەپ، سەنىمدىلىكتەن ايرىلعان 1168 نەگىزگى تۇلعا ءوزىن – ءوزى رەتكە سالۋ شاراسىن اتقارعان سوڭ، سەنىمدىلىگىن قالپىنا كەلتىرىپ، ”قارا تىزىمدىكتەن“ الدىن الا شىعارىلعان، بۇل وتكەن جىلدىڭ ۇقساس مەزگىلىندەگىدەن %40 ارتقان؛ 1300 دەن استام اشكەرەلەۋگە تەكسەرۋ جۇرگىزۋ بارىسىندا، اشكەرەلەۋشى باجىعا قاتىستى اڭىس ەتكەن ماسەلە بايقالماعان، جەر – جەردەگى باجى ىستەرى تاراۋلارى تۇگەلدەي زاڭ بويىنشا باجى ىستەرىنە قاتىستى ماسەلە بايقالماعان تەكسەرۋ قورىتىندىسىن شىعارعان.

كەلۋ قاينارى: حالىق تورابى