2026 - جىلعى ەكونوميكالىق قىزمەتكە تالداۋ جاساپ، اقىلداستى «جۇڭگو كوممۋنيستىك پارتياسىنىڭ مەملەكەتتى جاپپاي زاڭمەن باسقارۋعا باسشىلىق ەتۋ قىزمەت ەرەجەسىن» قارادى

شينحۋا اگەنتتىگى، 12 - ايدىڭ 8 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 12 - ايدىڭ 8 - كۇنى ءماجىلىس اشىپ، 2026 - جىلعى ەكونوميكالىق قىزمەتكە تالداۋ جاساپ، اقىلداستى، «جۇڭگو كوممۋنيستىك پارتياسىنىڭ مەملەكەتتى جاپپاي زاڭمەن باسقارۋعا باسشىلىق ەتۋ قىزمەت ەرەجەسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس بىلاي دەپ قارادى: بيىل − جۇڭگو ۇلگىسىندەگى وسىزاماندانۋ ۇردىسىندە كەلەلى ماڭىز الاتىن ءبىر جىل، شي جينپيڭ جولداستى ۇيىتقى ەتكەن پارتيا ورتالىق كوميتەتى بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىققا قارسى اتتانىپ، قايراتتانا شايقاسىپ، ەل ءىشى جانە حالىقارا سىندى ەكى كەلەلى جاعدايدى ءبىر تۇتاس جوسپارلاپ، اناعۇرلىم بەلسەندى، ۇتىمدى ماكرولىق ساياساتتاردى اتقارىپ، ەكونوميكالىق، قوعامدىق دامۋدىڭ باستى نىسانالارىن ءساتتى جۇزەگە اسىردى. ەلىمىزدىڭ ەكونوميكالىق اينالىمى جالپى جاقتان ورنىقتى بولىپ، ورنىقتىلىق بارىسىندا ىلگەرىلەدى، جاڭاشا وندىرگىش كۇشتەر ورنىقتى دامىدى، رەفورما جاساپ، ەسىك اشۋدا تىڭ قادام تاستالدى، ءتۇيىندى سالالارداعى حاۋىپ - قاتەردى جويۋدا بەلسەندى ىلگەرىلەۋشىلىككە قول جەتتى، حالىق تۇرمىسىن قامتاماسىزداندىرۋ اناعۇرلىم پارمەندى بولدى، قوعامدىق جالپى جاعداي ورنىقتى بولدى. وتكەن 5 جىلدا ءبىز ءتۇرلى سوققىعا، سىن - سايىسقا ءونىمدى توتەپ بەردىك، ەلىمىزدىڭ ەكونوميكا، عىلىم - تەحنيكا، مەملەكەت قورعانىسى سياقتى قاتتى كۇشى جانە مادەنيەت، ءتۇزىم، ديپلوماتيا سياقتى جۇمساق كۇشى كورنەكتى جوعارىلادى، ”14 - بەسجىلدىق“ ءساتتى اياقتالۋ الدىندا تۇر، ەكىنشى 100 جىلدىق كۇرەس نىساناسىنىڭ جاڭا ساپارىندا تاماشا باستاما جۇزەگە استى.

ءماجىلىس مىنالاردى باسا دارىپتەدى: كەلەر جىلعى ەكونوميكالىق قىزمەتتى ويداعىداي ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ىشكى ەكونوميكالىق قىزمەت پەن حالىقارالىق ەكونوميكا - ساۋدا كۇرەسىن اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، اناعۇرلىم بەلسەندى، ۇتىمدى ماكرولىق ساياساتتاردى اتقارىپ، ساياساتتىڭ بولجامپازدىعىن، باعىتتامالىلىعىن، سايكەسىمدىلىگىن كۇشەيتىپ، ىشكى سۇرانىمدى ۇزدىكسىز كەڭەيتىپ، قامداۋدى ساپالىلاندىرىپ، مولشەرىن جانداندىرىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، بۇكىل ەل بويىنشا ءبىر تۇتاس ءىرى بازار قۇرىلىسىن ىشكەرىلەي ىلگەرىلەتىپ، ءتۇيىندى سالالارداعى حاۋىپ - قاتەردەن ۇزدىكسىز ساقتانىپ جانە ونى شەشىپ، جۇمىستاندىرۋدى، كاسىپورىندى، بازاردى، مەجەنى ورنىقتىرۋعا كۇش سالىپ، ەكونوميكانىڭ ساپاسى مەن مولشەرىن ۇتىمدى جوعارىلاتۋدى، ۇيلەسىمدى ارتتىرۋدى جەبەپ، قوعامنىڭ جاراسىمدىلىعى مەن ورنىقتىلىعىن ساقتاپ، ”15 - بەسجىلدىق“ جوبانىڭ باستاماسىن جاقسى باستاۋ كەرەك.

ءماجىلىس مىنالاردى اتاپ كورسەتتى: كەلەر جىلعى ەكونوميكالىق قىزمەتتە ورنىقتىلىق بارىسىندا ىلگەرىلەۋگە، ساپانى جوعارىلاتىپ، ونىمدىلىكتى ارتتىرۋعا تاباندى بولىپ، اناعۇرلىم بەلسەندى قازىنا ساياساتى مەن لايىقتى كەڭ اقشا ساياساتىن ۇزدىكسىز اتقارىپ، ىركىندى ساياسات پەن ارتۋ ساياساتىنىڭ شوعىرلاندىرۋ اسەرىن ساۋلەلەندىرىپ، كەرى پەريود پەن پەريود اتتاعان رەتتەۋ تەبىنىن ارتتىرىپ، ماكرولىق ەكونوميكانى جونگە سالۋ ونىمدىلىگىن شىنايى جوعارىلاتۋ كەرەك. ىشكى سۇرانىستى جەتەكشى ەتۋگە تاباندى بولىپ، قۋاتتى ەل ءىشى بازارىن قۇرۋ؛ جاڭالىق اشۋ ارقىلى دەم بەرۋگە تاباندى بولىپ، جاڭا قوزعاۋشى كۇشتى جەدەل جەتىلدىرۋ؛ رەفورمادا قامال الۋعا تاباندى بولىپ، جوعارى ساپالى دامۋدىڭ قوزعاۋشى كۇشىن، ومىرشەڭدىك كۇشىن نىعايتۋ؛ سىرتقا ەسىك اشۋعا تاباندى بولىپ، كوپ سالاداعى سەلبەستىكتى، تەڭ يگىلىككە كەنەلۋدى ىلگەرىلەتۋ؛ سايكەستى دامۋعا تاباندى بولىپ، قالا مەن اۋىلدىڭ توعىسۋىن جانە وڭىرلەردىڭ بىرلەسىپ قيمىلداۋىن جەبەۋ؛ كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ جەتەكشىلىگىنە تاباندى بولىپ، جاپپاي جاسىل تيپكە بۇرىلىس جاساۋدى ىلگەرىلەتۋ؛ حالىق تۇرمىسىن نەگىز ەتۋگە تاباندى بولىپ، حالىق بۇقاراسى ءۇشىن ناقتى ىستەردى كوبىرەك ىستەۋ؛ تومەنگى شەكتى بەرىك ساقتاۋعا تاباندى بولىپ، ءتۇيىندى سالالارداعى حاۋىپ - قاتەردى بەلسەندى، ورنىقتى تۇردە جويۋ كەرەك.

ءماجىلىس مىنالاردى باسا دارىپتەدى: پارتيانىڭ باسشىلىعىن، اسىرەسە، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن كۇشەيتۋ كەرەك. دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، جەرگىلىكتى جاعدايعا قاراي ەكونوميكالىق قىزمەتتى جاقسى ىستەپ، جوعارى ساپالى، باياندى دامۋدى جۇزەگە اسىرۋ كەرەك. مەملەكەت پەن جەرگىلىكتى ورىنداردىڭ ”15 - بەسجىلدىق“ جوباسى مەن ارناۋلى جوبانى ويداعىداي جاساۋ كەرەك. جىل سوڭى مەن جىل باسىنداعى ماڭىزدى حالىق تۇرمىسى تاۋارلارىمەن قامداۋ قىزمەتىن ويداعىداي ىستەپ، قيىنشىلىعى بار بۇقارانىڭ ءوندىرىسى مەن تۇرمىسىنا كوڭىل ءبولىپ، كاسىپورىنداردىڭ الاشاعىن جانە شارۋا جۇمىسكەرلەردىڭ ەڭبەكاقىسىن بەرمەي كەشىكتىرۋ ماسەلەسىن ويداعىداي شەشىپ، حالىق تۇرمىسىنىڭ تومەنگى شەگىن مىقتى يگەرۋ كەرەك.

ءوندىرىس حاۋىپسىزدىگىن مىقتى يگەرىپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانۋ كەرەك.

ءماجىلىس مىنالاردى اتاپ كورسەتتى: «جۇڭگو كوممۋنيستىك پارتياسىنىڭ مەملەكەتتى جاپپاي زاڭمەن باسقارۋعا باسشىلىق ەتۋ قىزمەت ەرەجەسىن» بەلگىلەۋ پارتيانىڭ مەملەكەتتى جاپپاي زاڭمەن باسقارۋعا باسشىلىق ەتۋىنىڭ عىلميلانۋ، تۇزىمدەنۋ، جۇيەلىلەنۋ دەڭگەيىن اناعۇرلىم جوعارىلاتۋدا، اناعۇرلىم كەمەلدى جۇڭگوشا سوتسياليستىك زاڭمەن باسقارۋ جۇيەسىن ورناتۋدا، اناعۇرلىم جوعارى دەڭگەيدەگى سوتسياليستىك زاڭمەن باسقارىلاتىن مەملەكەت قۇرۋدا ماڭىزدى مانگە يە.

ءماجىلىس مىنالاردى باسا دارىپتەدى: پارتيانىڭ باسشىلىعىنا تاباندى بولىپ جانە ونى كۇشەيتىپ، پارتيانىڭ زاڭ شىعارۋعا، زاڭ اتقارۋعا كەپىلدىك ەتۋگە، ءادىليانى قولداۋعا، زاڭعا باستاماشىلدىقپەن بويسۇنۋعا باسشىلىق ەتۋىن ناقتاپ تياناقتاندىرىپ، مەملەكەتتى زاڭمەن باسقارۋ، زاڭ بويىنشا بيلىك جۇرگىزۋ دەڭگەيىن جوعارىلاتۋ كەرەك. شي جينپيڭ زاڭمەن باسقارۋ يدەياسىن جاپپاي دايەكتىلەندىرىپ، مەملەكەتتى جاپپاي زاڭمەن باسقارۋدىڭ دۇرىس ساياسي بەتالىسىن مىقتاپ يگەرىپ، زاڭمەن باسقارۋ سەنىمىن بەكەمدەپ، جۇڭگوشا سوتسياليستىك زاڭمەن باسقارۋ جولىمەن بۇلجىماي ءجۇرۋ كەرەك. ءار دارەجەلى باسشى كادرلاردىڭ زاڭمەن باسقارۋعا قۇرمەت ەتۋ، زاڭنان يمەنۋ تانىمىن كۇشەيتىپ، عىلمي زاڭ شىعارۋدى، زاڭدى قاتاڭ اتقارۋدى، جالپى حالىقتىڭ زاڭعا بويسۇنۋىن سايكەستى ىلگەرىلەتىپ، مەملەكەتتىڭ ءار جاقتاعى قىزمەتتەرىنىڭ زاڭمەن باسقارىلۋىن جاپپاي ىلگەرىلەتىپ، جۇڭگو ۇلگىسىندەگى وسىزاماندانۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدى زاڭمەن باسقارۋ جاعىنان پارمەندى قامتاماسىز ەتۋ كەرەك.