شي جينپيڭ لي جياچاۋدىڭ قىزمەتتەن ەسەپ بەرۋ بايانداماسىن تىڭدادى

12 - ايدىڭ 16 - كۇنى مەملەكەت ءتوراعاسى شي جينپيڭ جۇڭنانحايدا بەيجيڭگە قىزمەتتەن ەسەپ بەرۋگە كەلگەن شياڭگاڭ ەرەكشە اكىمشىلىك رايونىنىڭ اكىمى لي جياچاۋمەن كەزدەستى.

سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن

شينحۋا اگەنتتىگى، 12 - ايدىڭ 16 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 16 - كۇنى تۇستەن كەيىن جۇڭنانحايدىڭ يىڭتاي سارايىندا بەيجيڭگە قىزمەتتەن ەسەپ بەرۋگە كەلگەن شياڭگاڭ ەرەكشە اكىمشىلىك رايونىنىڭ اكىمى لي جياچاۋمەن كەزدەسىپ، ونىڭ شياڭگاڭنىڭ قازىرگى جاعدايى جانە ەرەكشە اكىمشىلىك رايون ۇكىمەتىنىڭ قىزمەت جاعدايى جونىندەگى مالىمەتىن تىڭدادى.

شي جينپيڭ مىنالاردى ءبىلدىردى: ءبىر جىلدان بەرى اكىم لي جياچاۋ ەرەكشە اكىمشىلىك رايون ۇكىمەتىن باستاپ، باتىلدىقپەن جاۋاپكەرشىلىك ارقالاپ، بەلسەنە العا ۇمتىلىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، شياڭگاڭنىڭ 8 - كەزەكتى زاڭ شىعارۋ كەڭەسىنىڭ سايلاۋىن ءساتتى وتكىزىپ، ەكونوميكانىڭ ورنىقتى ارتۋىن جۇزەگە اسىردى، شياڭگاڭ جونگە سالۋدان گۇلدەنۋگە قاراي تىڭ قادام تاستادى. ورتالىق لي جياچاۋ اكىمنىڭ جانە ەرەكشە اكىمشىلىك رايون ۇكىمەتىنىڭ قىزمەتىن تولىق تۇراقتاندىرادى.

شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ”15 - بەسجىلدىق“ مەزگىلىندەگى مەملەكەتتىڭ ەكونوميكالىق، قوعامدىق دامۋى جونىندە ستراتەگيالىق جوبا جاسادى، بىلاي دەپ باسا دارىپتەدى: ”ءبىر ەل، ەكى ءتۇزىم“، ”شياڭگاڭدى شياڭگاڭدىقتار باسقارۋ“، وسكەلەڭ اۆتونوميا باعىتىن بۇلجىتپاي دايەكتىلەندىرىپ، شياڭگاڭنىڭ ۇزاق ۋاقىت گۇلدەنىپ - كوركەيۋىن، ورنىقتىلىعىن جەبەۋ كەرەك. ەرەكشە اكىمشىلىك رايون ۇكىمەتى مەملەكەتتىڭ ”15 - بەسجىلدىق“ جوباسىمەن ىرىقتى تۇردە ۇشتاسىپ، اكىمشىلىك جەتەكشىلىك ەتۋگە تاباندى بولىپ جانە ونى كەمەلدەندىرىپ، ەكونوميكانىڭ جوعارى ساپالى دامۋىن تىڭعىلىقتى ىلگەرىلەتىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنا ىشكەرىلەي ات سالىسىپ، مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋى جانە وعان قىزمەت ەتۋى كەرەك.

لي چياڭ، ساي چي، ديڭ شۋەشياڭ، لي گانجيە، چىن ۋىنچيڭ، شيا باۋلۇڭ قاتارلىلار كەزدەسۋدە بىرگە بولدى.

كەلۋ قاينارى: حالىق تورابى