شي جينپيڭ سىن حاۋحۇيدىڭ قىزمەتتەن ەسەپ بەرۋ بايانداماسىن تىڭدادى

12 - ايدىڭ 16 - كۇنى مەملەكەت ءتوراعاسى شي جينپيڭ جۇڭنانحايدا بەيجيڭگە قىزمەتتەن ەسەپ بەرۋگە كەلگەن اۋمىن ەرەكشە اكىمشىلىك رايونىنىڭ اكىمى سىن حاۋحۇيمەن كەزدەستى.

سۋرەتتى شينحۋا اگەنتتىگىنىڭ ءتىلشىسى يىن بوگۋ تۇسىرگەن

شينحۋا اگەنتتىگى، 12 - ايدىڭ 16 - كۇنى، بەيجيڭ. مەملەكەت ءتوراعاسى شي جينپيڭ 12 - ايدىڭ 16 - كۇنى تۇستەن كەيىن جۇڭنانحايدىڭ يىڭتاي سارايىندا بەيجيڭگە قىزمەتتەن ەسەپ بەرۋگە كەلگەن اۋمىن ەرەكشە اكىمشىلىك رايونىنىڭ اكىمى سىن حاۋحۇيمەن كەزدەسىپ، ونىڭ اۋمىننىڭ قازىرگى جاعدايى جانە ەرەكشە اكىمشىلىك رايون ۇكىمەتىنىڭ قىزمەت جاعدايى جونىندەگى مالىمەتىن تىڭدادى.

شي جينپيڭ مىنالاردى ءبىلدىردى: ءبىر جىلدان بەرى سىن حاۋحۇي اكىم جاڭا كەزەكتى ەرەكشە اكىمشىلىك رايون ۇكىمەتىن باستاپ، قايراتتانا العا ۇمتىلىپ، ناقتى ىستەپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، اۋمىننىڭ 8 - كەزەكتى زاڭ شىعارۋ كەڭەسىنىڭ سايلاۋىن ءساتتى وتكىزىپ، الەۋمەتتىك اكىمشىلىك رەفورمانى ىلگەرىلەتىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنا بەلسەنە ات سالىسىپ، ءتۇرلى ىستەردە تىڭ ىلگەرىلەۋشىلىككە قول جەتكىزدى. ورتالىق سىن حاۋحۇي اكىم مەن ەرەكشە اكىمشىلىك رايون ۇكىمەتىنىڭ قىزمەتىن تولىق تۇراقتاندىرادى.

شي جينپيڭ بىلاي دەپ اتاپ كورسەتتى: جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى ”15 - بەسجىلدىق“ مەزگىلىندەگى مەملەكەتتىڭ ەكونوميكالىق، قوعامدىق دامۋى جونىندە ستراتەگيالىق جوبا جاسادى، بىلاي دەپ باسا دارىپتەدى: ”ءبىر ەل، ەكى ءتۇزىم“، ”اۋمىندى اۋمىندىقتار باسقارۋ“، وسكەلەڭ اۆتونوميا باعىتىن بۇلجىماي دايەكتىلەندىرىپ، اۋمىننىڭ ۇزاق ۋاقىت گۇلدەنۋىن، ورنىقتىلىعىن جەبەۋ كەرەك. ەرەكشە اكىمشىلىك رايون ۇكىمەتى مەملەكەتتىڭ ”15 - بەسجىلدىق“ جوباسىمەن ىرىقتى تۇردە ۇشتاسىپ، اكىمشىلىك جەتەكشىلىك ەتۋگە تاباندى بولىپ جانە ونى كەمەلدەندىرىپ، ەكونوميكانىڭ ۇيلەسىمدى، كوپ نەگىزدى دامۋىن تىڭعىلىقتى ىلگەرىلەتىپ، جونگە سالۋ ونىمدىلىگىن ۇزدىكسىز جوعارىلاتىپ، مەملەكەتتىڭ دامۋ جالپى جاعدايىمەن اناعۇرلىم ويداعىداي توعىسۋى جانە وعان قىزمەت ەتۋى كەرەك.

لي چياڭ، ساي چي، ديڭ شۋەشياڭ، لي گانجيە، چىن ۋىنچيڭ، شيا باۋلۇڭ قاتارلىلار كەزدەسۋدە بىرگە بولدى.

كەلۋ قاينارى: حالىق تورابى