«جالپى حالىقتىق كىتاپ وقۋدى جەبەۋ ەرەجەسىن» جاريالادى

شينحۋا اگەنتتىگى، 12 - ايدىڭ 16 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويىپ، «جالپى حالىقتىق كىتاپ وقۋدى جەبەۋ ەرەجەسىن» جاريالادى، ەرەجە 2026 - جىلى 2 - ايدىڭ 1 - كۇنىنەن باستاپ اتقارىلادى.

«ەرەجەدە» جالپى حالىقتىق كىتاپ وقۋدى جەبەپ، كىتاپ وقۋ قوعامدىق قۇرىلىسىن ىلگەرىلەتىپ، تۇتاس ۇلتتىڭ يدەيا - ءمورال ساپاسى مەن عىلىم - مادەنيەت ساپاسىن كۇشەيتىپ، تۇتاس قوعامنىڭ وركەنيەت دەڭگەيىن جوعارىلاتىپ، مادەنيەتتە قۋاتتى سوتسياليستىك ەل قۇرۋدى ىلگەرىلەتۋ ماقسات ەتىلگەن. «ەرەجە» جيىنى 6 تاراۋ، 45 تارماقتان قۇرالعان، وندا نەگىزىنەن مىناداي مازمۇندار بەلگىلەنگەن:

ءبىرىنشى، جالپى تۇلعالىق تالاپتى ايقىنداۋ كەرەك. جالپى حالىقتىق كىتاپ وقۋدى جەبەۋ قىزمەتىنىڭ جەتەكشى يدەياسىن ايقىنداپ، جالپى حالىقتى قامتىعان، جالپىعا ءتيىمدى، جوعارى ءونىمدى جالپى حالىقتىق كىتاپ وقۋدى جەبەۋ جۇيەسىن ورناتۋدى بەلگىلەپ، باسپا ساپاسىن جوعارىلاتۋدى باسا دارىپتەپ، ءتىپتى دە كوپ تاڭداۋلى باسىلىمداردى شىعارىپ، تۇتاس قوعام كىتاپ وقۋدى سۇيەتىن، جاقسى كىتاپ وقيتىن، كىتاپ وقۋعا شەبەر بولاتىن قويۋ راي قالىپتاستىرۋدى ىلگەرىلەتۋ كەرەك.

ەكىنشى، جالپى حالىقتىق كىتاپ وقۋدى جالپىلاستىرۋ تەبىنىن ارتتىرۋ كەرەك. مازمۇنى اقاۋسىز، العا باسار، مادەنيەت نەگىزىن ايگىلەيتىن، فورماسى الۋان ءتۇرلى جالپى حالىقتىق كىتاپ وقۋدى جالپىلاستىرۋ قيمىلىن ورىستەتۋگە دەم بەرۋ كەرەك. جالپى حالىقتىق كىتاپ وقۋ قيمىلىنىڭ ماركاسىن جەتىلدىرىپ، تاڭداۋلى باسىلىمداردى تانىستىرۋدى ويداعىداي ىستەپ، ازاماتتاردىڭ ساپالى مازمۇنداردى وقۋىنا جەتەكشىلىك ەتۋ كەرەك. ءار جىلى 4 - ايدىڭ 4 - اپتاسىن جالپى حالىقتىق كىتاپ وقۋ قيمىل اپتالىعى ەتىپ بەلگىلەۋ كەرەك. ينفورماتسيا تەحنيكاسىنان پايدالانىپ جالپى حالىقتىق كىتاپ وقۋدى جالپىلاستىرۋ قيمىلىن ورىستەتۋگە قولداۋ كورسەتىپ، قيمىلدىڭ ىقپالىن كەڭەيتۋ كەرەك.

ءۇشىنشى، جالپى حالىقتىق كىتاپ وقۋعا قىزمەت وتەۋ ساپاسىن جوعارىلاتۋ كەرەك. جالپى حالىقتىق كىتاپ وقۋ قۇرىلعىلارىن عىلمي، ۇيلەسىمدى جوبالاپ قۇرىپ، ورگان، مەكتەپ، كاسىپورىن، ءىسورىن، الەۋمەتتىك قىزمەت وتەۋ قۇرىلىمدارى سياقتىلاردىڭ سايكەستى كىتاپ وقۋ قۇرىلعىلارىن قۇرۋىنا دەم بەرۋ كەرەك. ناقتى جاعدايعا قاراي ساياساتتىق شارالار قولدانىپ، ناقتى كىتاپ دۇكەندەرىنىڭ دامۋىن قولداپ، ناقتى كىتاپ دۇكەندەرىنىڭ كىتاپ وقۋ شارت - جاعدايىن جاقسارتۋىنا، كىتاپ وقۋ قيمىلىن ورىستەتۋىنە دەم بەرۋدى بەلگىلەۋ كەرەك. سيفرلى كىتاپ وقۋ مەن ءداستۇرلى كىتاپ وقۋدى ۇشتاستىرۋعا قولداۋ كورسەتىپ، سيفرلى كىتاپ وقۋعا قىزمەت وتەۋشىلەردەن مازمۇندى باسقارۋدى كۇشەيتىپ، ساپالى سيفرلى كىتاپ وقۋ مازمۇنىن جەتكىزۋدى تالاپ ەتۋ كەرەك. قوعامدىق كۇشتەردى كىتاپ وقۋعا قىزمەت وتەۋگە زاڭ بويىنشا ات سالىسۋعا شابىتتاندىرىپ جانە قولداپ، الەۋمەتتىك كىتاپ وقۋ كەڭىستىگىن قۇرىپ، كونە كىتاپتاردى اۋىستىرۋ اينالىمىن ورىستەتىپ، جالپى حالىقتىڭ كىتاپ وقۋ ورتاسىن بايىتۋ كەرەك.

ءتورتىنشى، جالپى حالىقتىق كىتاپ وقۋدى قامتاماسىزداندىرۋ شارالارىن كۇشەيتۋ كەرەك. جالپى حالىقتىق كىتاپ وقۋدىڭ قامتۋ كولەمىن كەڭەيتىپ، اۋىل - قىستاق رايوندارىنىڭ، توڭكەرىستىك بايىرعى رايونداردىڭ، ۇلتتىق رايونداردىڭ، شەكارا رايونداردىڭ، دامىماعان رايونداردىڭ جالپى حالىقتىق كىتاپ وقۋىن ءتۇيىندى تۇردە سۇيەمەلدەۋ كەرەك. ازامات جاسىنا تولماعاندار، مۇگەدەكتەر، قارتتار قاتارلىلاردىڭ كىتاپ وقۋىن قامتاماسىزداندىرۋدى كۇشەيتىپ، ۇيلەسىمدى وقۋلىقپەن قامداۋ، كىتاپ وقۋ ساباعىن اشۋ، جالپى حالىقتىڭ كىتاپ وقۋداعى كەدەرگىسىز قۇرىلعىلار قۇرىلىسىن قولداۋ، قارتتارعا ۇيلەسەتىن قىزمەت وتەۋ ولشەمىن ساپالىلاندىرۋ سياقتى شارالاردى بەلگىلەۋ كەرەك. اۋىل - قىستاق كىتاپ وقۋ جوسپارىن ايقىن بەلگىلەپ، قالا مەن اۋىلدىڭ نەگىزگى الەۋمەتتىك مادەنيەتتىك قىزمەت وتەۋىنىڭ بىركەلكىلەنۋىن ىلگەرىلەتۋ كەرەك.

كەلۋ قاينارى: حالىق تورابى