ەلىمىزدە جاڭا مينەرال ءتۇرى بايقالدى، جينشيۋ مينەرالى دەپ رەسمي ات قويىلدى

ءتىلشىنىڭ 12 – ايدىڭ 17 – كۇنى جاراتىلىستىق بايلىق مينيسترلىگى جۇڭگو گەولوگيالىق تەكسەرۋ مەڭگەرمەسىنەن ۇعىسۋىنشا، حالىقارالىق مينەرال عىلىمى قوعامى جاڭا مينەرالعا ات قويۋ جانە ونى تۇرگە ايىرۋ كاسىپتىك كوميتەتىنىڭ ساراپتاپ داۋىس بەرۋى ارقىلى جۇڭگو گەولوگيا اكادەمياسىنىڭ عىلىمي زەرتتەۋ قىزمەتكەرلەرى بايقاعان ءارى ءوتىنىش تاپسىرعان جاڭا مينەرال — نيكەل – بيسمۋت – سۇرمە – ارسەن كۇكىرتتى قوسىلىسى رەسمي بەكىتۋدەن ءوتىپ، اتى جينشيۋ مينەرالى بولىپ بەكىتىلەدى.

جينشيۋ مينەرالى ەلىمىزدىڭ گۋاڭشي جۋاڭزۋ اۆتونوميالى رايونى جينشيۋ ياۋزۋ اۆتونوميالى اۋدانى لۇڭحۋا نيكەل – كوبالت كەنىنەن بايقالعان. مامانداردىڭ تىلشىگە ايتۋىنشا، لۇڭحۋا نيكەل – كوبالت كەنى ەرەكشە باي نيكەل – كوبالت كەنىنە جاتادى، نيكەل ەلەمەنتى مەن كوبالت ەلەمەنتىنىڭ ءاربىرىنىڭ سالىستىرماسى جەكە – جەكە %17.5 جانە %1.5 اينالاسىندا، ادەتتەگى نيكەل %0.2، كوبالت %0.02 كەلەتىن مينەرالدانعان كەن ولشەمىنەن 80 ەسەگە جۋىق جوعارى.

كەلۋ قاينارى: حالىق تورابى