زور تيىمدىلىك! سەگىز تاراۋ بىرگە قۇجات جاريالادى 

باس شۋجي شي جينپيڭنىڭ باتىس بولىك قۇرلىق – تەڭىز جاڭا ارناسى قۇرىلىسى جونىندەگى ماڭىزدى سوزدەرىنىڭ رۋحى مەن پارتيا ورتالىق كوميتەتىنىڭ، مەملەكەتتىك كەڭەستىڭ باتىس بولىك قۇرلىق – تەڭىز جاڭا ارناسى قۇرىلىسىن جەدەلدەتۋ جونىندەگى ماڭىزدى شەشىمدەرى مەن ورنالاستىرۋلارىن ىشكەرىلەي دايەكتى تياناقتاندىرۋ، باتىس بولىك قۇرلىق – تەڭىز جاڭا ارناسى قۇرىلىسىنا فينانس جاعىندا قىزمەت وتەۋ جۇيەسىن كەمەلدەندىرۋ ءۇشىن، جۋىردا جۇڭگو حالىق بانكەسى، مەملەكەتتىك دامۋ – رەفورما كوميتەتى، قازىنا مينيسترلىگى، قاتىناس – تاسىمال مينيسترلىگى، ساۋدا مينيسترلىگى، فينانستى باقىلاۋ – باسقارۋ باس مەڭگەرمەسى، جۇڭگو قۇندى قاعازداردى باقىلاۋ – باسقارۋ كوميتەتى، مەملەكەتتىك شەتەل اقشاسى مەڭگەرمەسى بىرگە «باتىس بولىك قۇرلىق – تەڭىز جاڭا ارناسى قۇرىلىسىن جەدەلدەتۋگە فينانس جاعىندا قولداۋ كورسەتۋ جونىندەگى پىكىردى» (تومەندە قىسقارتىلىپ «پىكىر» دەپ اتالادى) جاريالاعان.

«پىكىردە» فينانس جاعىندا ۇيىمداستىرۋ – سايكەستىرۋ جۇيەسىن كەمەلدەندىرۋ، جوعارى ساپالى قارجى اينالىمى جۇيەسىن قۇرۋ، ءتۇزىم جاعىنداعى رەفورمادا جاڭالىق اشۋدى ىلگەرىلەتۋ، سيفرلى فينانس جاعىندا قىزمەت وتەۋ تەكشەسىن قۇرۋ، فينانستى سىرتقا اشىق ۇستاۋ جانە سەلبەسۋ جۇيەسىن كەمەلدەندىرۋ، فينانستى باقىلاۋ – باسقارۋ جاعىندا ولكە اتتاپ، شەكارا اتتاپ سايكەسۋدى ىشكەرىلەي ىلگەرىلەتۋ قاتارلى جاقتاردا 21 تارماقتى ءتۇيىندى شارالار ورتاعا قويىلعان، بۇل شارالار ”قارجىنى اينالىمعا ءتۇسىرۋ“ جانە ”ەسەپ جابۋ“ سىندى ەكى ءتۇرلى فينانستىق وزەكتى فۋنكتسيانى ويداعىداي ساۋلەلەندىرۋدى ىلگەرىلەتىپ، باتىس بولىك قۇرلىق – تەڭىز جاڭا ارناسىنىڭ جوعارى ساپالى دامۋىنا قولداۋ كورسەتەدى.

كەلەسى قادامدا، جۇڭگو حالىق بانكەسى مەن چۇڭچيڭ قالالىق حالىق ۇكىمەتى قاتىستى تاراۋلارمەن بىرگە «پىكىردەگى» ءتۇرلى شارالاردىڭ تياناقتاندىرىلۋىن ىلگەرىلەتىپ، فينانس جاعىندا قىزمەت وتەۋدىڭ ءىرى ارنالىق، ءىرى اينالىمدىق، ءىرى كاسىپ سالاسىندىق، ءىرى تەكشەلىك، ءىرى بازارلىق ابزالدىلىقتارى مەن رولىن تولىق ساۋلەلەندىرىپ، ”قۇرلىق پەن تەڭىز ارقىلى ىشكى جاق پەن سىرتقى جاق بىرلەسە ارەكەتتەنەتىن، شىعىس بولىك پەن باتىس بولىك ءوزارا سەلبەسەتىن“ شەتەلگە اشىق ۇستاۋ جاعىنداعى جاڭا اۋقىمدى قالىپتاستىرۋعا دەم بەرەدى.

كەلۋ قاينارى: حالىق تورابى