جوعارىنىڭ رۋحىن دۇرىس يگەرىپ، دايەكتىلەندىرىپ، جۇرت تىلەگىن كەڭىنەن ۇعىستى (پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنىپ، دايەكتىلەندىرەيىك)

”ءتورتىنشى جالپى ءماجىلىس باعداردى نۇسقادى، اۋىل - قىستاقتى گۇلدەندىرۋدىڭ جاڭا تاراۋى جازىلدى، ەمدەۋ، وقۋ - اعارتۋ قامتاماسىز ەتىلدى، تۇرمىسىمىز بارعان سايىن جاقساردى!“ 12 - ايدىڭ 18 - كۇنى شاندۇڭ ولكەسى دۇڭيىڭ قالاسى ليجين اۋدانى تيڭلو قالاشىعىندا وزگەشە ۇگىت لەكسيا قيمىلى وتكىزىلۋدە.

”لاۋگاي تيڭشىڭ“ ادەبيەت - كوركەمونەر قىزمەت كەڭسەسىندەگى ارتيستەر اۋىل ءۇنى، اۋىل ءتىلى ارقىلى ماڭايىنداعى اڭگىمەلەردى ايتىپ، پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن جاندى تەاترمەن توعىستىرىپ، نازاريالىق ۇگىت لەكسيانىڭ ءمانىن بايىتتى. ”وتە تاماشا قۇراستىرىلعان، تىڭداپ رازى بولدىق، نازاريالىق جاقتان دا ەستە بەرىك ساقتاي الدىق!“ دەدى كورەرمەن داي جيانگو.

جينيڭ قالاسى رىنچىڭ رايونى جيياڭ ءمالى باسقارماسى ليۋشيڭ الەۋمەتتىك اۋماعىندا كورشى - قولاڭ قورالانعان ورىندىققا جايعاسىپ وتىردى، ”جىلجىمالى شاي ۇستەلى“ ۇگىت لەكسيا ءماجىلىسى شايدىڭ حوش ءيىسى مەن جاعىمدى اۋىل ءۇنى ىشىندە باستالدى. الەۋمەتتىك اۋماقتىڭ ورتاسىن وزگەرتۋدەن جۇمىسقا ورنالاستىرۋ بويىنشا كومەكتەسۋگە دەيىن، قوجالىق قىزمەت وتەۋىنەن مادەني كوڭىل اشۋعا دەيىن، تۇرعىندار ءبىر - بىرلەپ سويلەپ، ۇگىت لەكسيا جاساۋشىلارمەن پىكىر اۋىستىردى.

تاياۋدا شاندۇڭ، شانشي، شينجياڭ، چيڭحۋا داشۋەسى سياقتى جەر - جەردىڭ، تاراۋلاردىڭ ۇگىت لەكسيا ۇيىرمەسى نەگىزگى ساتىنىڭ ءبىرىنشى شەبىنە بارىپ، بۇقارا ۇناتاتىن تاسىلمەن پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ءتۇسىندىرىپ، ساياساتتى، نازاريانى جەرگىلىكتى تىلدەگى جاندى امالياتقا اينالدىردى. ۇگىت لەكسيا قيمىلىندا جوعارىنىڭ رۋحى دۇرىس يگەرىلىپ، دايەكتىلەندىرىلىپ، جۇرت تىلەگى كەڭىنەن ۇعىسىلىپ، جاندى دا جالىندى جازۋ ستيلى، ءسوز ستيلى ارقىلى جالپى ءماجىلىس رۋحىنىڭ ءاربىر تۇرعىنىڭ جۇرەگىندە تەرەڭ تامىر تارتۋىنا مۇمكىندىك جاسالدى.

باسشى كادرلار باستاماشىلدىقپەن سويلەدى، پارتكوم ۇگىت لەكسيا ۇيىرمەسى ۇلگى كورسەتىپ سويلەدى، مامان - وقىمىستىلار ىشكەرىلەي سويلەدى، كاسىپ سالاسىنداعى بۇقارا ءوزارا ىقپالداسىپ سويلەدى... بىرنەشە كۇننەن بەرى شانشي ولكەسى ولكە، قالا، اۋدانداردىڭ بىرلەسىپ قيمىلداۋىنا تاباندى بولىپ، ءار جاقتاعى بايلىق كۇشتەرىن ءبىر تۇتاس جوسپارلاپ، اتتانىسقا كەلتىرىپ، ساتىعا، تۇرگە ءبولىپ، دالمە - ءدال ءنار بەرىپ، كاسىپورىن، اۋىل - قىستاق، ورگان، مەكتەپ، الەۋمەتتىك اۋماق سياقتىلاردى ىشكەرىلەي ارالاپ، وبرازدى، بۇقارالانعان، ىقپالداسقان ۇگىت لەكسيا جاساپ، جالپى ءماجىلىس رۋحىنىڭ جۇرت جۇرەگىنە تەرەڭ ۇيالاۋىن ىلگەرىلەتتى. قازىرگە دەيىن بۇكىل ولكە بويىنشا جالپى ءماجىلىس رۋحى جونىندە 16 مىڭنان استام رەت ۇگىت لەكسيا جاسالىپ، ءبىر ميلليون 500 مىڭ ادام - رەتكە جۋىق ۇگىت لەكسياعا قاتىناستى.

شانشيدىڭ جەر - جەرى جاڭا داۋىردەگى وركەنيەت امالياتى ورتالىعىنىڭ، كاسىپتىك ۇگىت لەكسيا قوسىنىنىڭ، جاستاردىڭ ۇگىت لەكسيا ۇيىرمەسىنىڭ، بۇقارانىڭ ۇگىت لەكسيا ماركاسىنىڭ رولىن تولىق ساۋلەلەندىرىپ، قاراپايىم دا ۇعىنىقتى تىلمەن جانە جاندى دا جاندى مىسالدارمەن بۇقارا قۋانا تىڭداپ، قۇمارتا كورەتىن فورمالارمەن جالپى ءماجىلىستىڭ رۋحىن جاقسى، جاندى، ەگجەي - تەگجەيلى ءتۇسىندىردى.

باۋجي قالاسى ”ۇشقىن ۇگىت - لەكسيا ۇيىرمەسىنىڭ“ رولىن ساۋلەلەندىرىپ، ەڭبەك وزاتى، شەبەرلەر، عىلىم - تەحنيكا قىزمەتكەرلەرى، جاس وقىتۋشى - وقۋشىلار قاتارلىلاردى ءبىر تۇتاس جوسپارلاپ، ۇگىت - لەكسيا شاعىن اترەتىن قۇرىپ، نەگىزگى ساتىعا بارىپ ۇگىت لەكسيا جاسادى. تۇڭچۋان قالاسى جاڭا داۋىردەگى وركەنيەت امالياتى ورتالىعى، ادەبيەت - كوركەمونەر شاعىن اۋلاسى، شارۋالار اۋلاسى سياقتى شەپتەردەن پايدالانىپ، ادەبيەت - كوركەمونەرشى جاستاردى، ۇگىت لەكسيا تىرەكتىلەرىن ادەبيەت - كوركەمونەر ۇگىت لەكسيا تۋىندىلارىن جاراتۋعا ۇيىمداستىرىپ، جەلى ءىشى - سىرتىندا ۇگىت لەكسيا جاسادى. يۇيلين قالاسى ”نازاريانى اي سايىن سويلەۋ“، ”شاعىن قىستاقتىڭ ۇلكەن ساباقحاناسى“ سياقتى نەگىزگى ساتى نازاريالىق ۇگىت لەكسيا ماركاسىنا سۇيەنىپ، ”ۇگىت لەكسيانى نەگىزگى ساتىعا جەتكىزۋ“ قيمىلىن ورىستەتتى.

پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ورلەۋى تيانشاننىڭ تۇستىگى مەن تەرىستىگىندە كوتەرىلدى. شينجياڭ اۆتونوميالى رايوندىق بۇقارانىڭ ارالاپ ءجۇرىپ ۇگىت لەكسيا جاساۋ ۇيىرمەسىن قۇردى، قازىرگە دەيىن 24 اۋداننىڭ (قالا، رايون) ءىشىنارا اۋىل - قالاشىقتارىنا، قىستاقتارىنا، 15 ورتا، جوعارى دارەجەلى كاسىپتىك مەكتەپكە، 12 كاسىپورىنعا بارىپ، 48 رەت بۇقارالانعان، ىقپالداسقان ۇگىت لەكسيا جاساپ، جالپى ءماجىلىس رۋحىنىڭ ”جاي بۇقارانىڭ ۇيىنە كىرۋىنە“ مۇمكىندىك جاسادى. ”شەكارا وڭىرگە تامىر تارتقان باتىس بولەك جوسپارىنىڭ ەرىكتىسى رەتىندە، مەن مۇرات - سەنىمدى بەكەمدەپ، وتباسىنا، وتانعا تەرەڭ سۇيىسپەنشىلىك ورناتىپ، جالپى ءماجىلىس رۋحىن كۇندەلىكتى قىزمەتتە، ۇيرەنۋدە تياناقتاندىرىپ، جاستىق ورالىمنىڭ كۇشىمەن ءداۋىردىڭ ۇندەۋىنە جاۋاپ قايتارىپ، سوتسياليستىك وسىزاماندانعان شينجياڭنىڭ قۇرۋشىسى جانە كۋاگەرى بولۋعا قۇلشىنامىن“ دەدى شينجياڭ قىزىلسۋ قىرعىز اۆتونوميالى وبلىسى اقتاۋ اۋدانى باتىس بولەك جوسپارىنىڭ ستۋدەنت ەرىكتىسى نۇربيا راحىمان.

قازىرگە دەيىن شينجياڭ ۇيعۇر اۆتونوميالى رايونىنىڭ جەر - جەرى، تاراۋلارى، ورىندارى 33 مىڭ مايدان ۇگىت لەكسيا جاساپ، 4 ميلليون 234 مىڭ ادام - رەت تىڭدادى.

چيڭحۋا داشۋەسىنىڭ دوكتور لەكتورلار ۇيىرمەسى ۇيىمداستىرعان نەگىزگى تاقىرىپتىق پارتيا كۇنىندە جاس پارتيا مۇشەلەرى جاستاردىڭ عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋىنە قالاي دەم بەرۋ، كورىكتى جۇڭگو قۇرىلىسىن ىلگەرىلەتۋ، مادەنيەت تاراتۋ مەن حالىقارالىق اۋىس - كۇيىسكە قاتىناسۋ سياقتى كوپ نەگىزگى تاقىرىپتى ارقاۋ ەتىپ، جالپى ءماجىلىستىڭ رۋحى جونىندەگى تۇسىنىكتەرىن ءبولىستى. ساباقتاستار وزدەرىنىڭ ۇيرەنۋ كەشىرمەلەرىمەن، كاسىپتىك سالالارىمەن جانە رەال باقىلاۋلارىمەن ۇشتاستىرىپ، گرۋپپالارعا ءبولىنىپ تالقى ورىستەتىپ، قىزۋ مەرەيگە شومدى.

جالپى ءماجىلىس اشىلعاننان كەيىن چيڭحۋا داشۋەسى دەرەۋ جالپى ءماجىلىستىڭ رۋحىن ”اۋقىم جانە ساياسات“ سياقتى يدەيا - ساياسي ساباقحانالارىمەن جانە بۇكىل مەكتەپتەگى پارتيا مۇشەلەرىن شوعىرلى تاربيەلەۋمەن توعىستىرىپ، تۇڭعىش رەت بۇكىل مەكتەپ كولەمىندە وقۋ - اعارتۋ، عىلىم - تەحنيكا دارىندىلارى قىزمەتى جونىندەگى تالقى ءماجىلىسىن اشىپ، كادرلار باستاپ ۇيرەنۋ، ماماندار بايانداماسى، جاستار ۇگىت لەكسياسى سياقتى تاسىلدەر ارقىلى وقىتۋشى - وقۋشىلاردىڭ، جۇمىسشى - قىزمەتكەرلەردىڭ ۇيرەنۋگە جاپپاي قاتىناسۋىن جۇزەگە اسىردى، جالپى ءماجىلىستىڭ رۋحىن دۇنيە جۇزىندەگى ماڭداي الدى جۇڭگوشا داشۋەنىڭ جوعارى ساپالى دامۋىن جاپپاي ىلگەرىلەتۋدىڭ ءىس جۇزىندىك ونىمدىلىگىنە اينالدىردى.

چيڭحۋا داشۋەسى دوكتور لەكتورلار ۇيىرمەسى اعا بۋىنداردىڭ ۇگىت لەكسيا جاساپ، ادام تاربيەلەۋ ابزالدىعىن ساۋلەلەندىرىپ، ساباقتاستاردى جەكە مۇرات تالپىنىسىن پارتيا مەن مەملەكەت ىستەرىمەن توعىستىرۋعا جەتەكتەدى، سونداي - اق مەكتەپتىڭ شۋەيۋان، فاكۋلتەت بولىمشە ۇيىرمەسىمەن بىرلەسىپ، پارتيانىڭ جاڭالىق اشۋ نازارياسىنىڭ قاتىستى ميكرو كەسكىنىن ءتۇسىرىپ، جاساپ، مەكتەپ تۇعىرىندا ىركەس - تىركەس جاريالاۋدى جوسپارلادى.

(شينحۋا اگەنتتىگى، 12 - ايدىڭ 24 - كۇنى، بەيجيڭ)