جاڭا جىل، كوكتەم مەرەكەسى دەمالىسىنىڭ جاقىنداۋىنا بايلانىستى مادەنيەت جانە ساياحات مينيسترلىگى ساياحاتقا شىعۋ ەسكەرتۋىن جاريالادى

2026 ـ جىلعى جاڭا جىل، كوكتەم مەرەكەسىنىڭ دەمالىسى تاياپ قالدى، مادەنيەت جانە ساياحات مينيسترلىگى قالىڭ ساياحاتشىلارعا مىنانى ەسكەرتتى:

ءبىرىنشى، ساپاردى ۇيلەسىمدى ورنالاستىرۋ. جول بويى مەن كوزەۋلى جەردىڭ اۋا رايىن الدىن الا كورىپ، قاتىناس جانە ساياحات كورىنىس وڭىرلەرىنىڭ ەسىك بەلەتىنە زاكاز بەرۋدى الدىن الا ورنالاستىرۋ كەرەك. ساياحات جەلىسى مەن ۋاقىتتى ۇيلەسىمدى جوسپارلاپ، دەمالىس كەزىندەگى جولاۋشى تاسىمالىنىڭ قاۋىرت مەزگىلىنەن مۇمكىندىكتىڭ بارىنشا اۋلاق بولۋ كەرەك. اشىلماعان، جابىق، حاۋىپسىزدىك قامتاماسىزدىعى كەمشىل وڭىرلەرگە بارماۋ كەرەك.

ەكىنشى، قىسقى ساياحاتتىڭ حاۋىپسىزدىك ساقتىق تانىمىن جوعارىلاتۋ. قىس ماۋسىمىندا ساياحاتقا شىققاندا تومەن تەمپەراتۋرا، جاۋىن – شاشىن، مۇز قاتۋ قاتارلى ناشار اۋا رايىنان اۋلاق بولىپ، سۋىقتان ساقتانىپ، جىلى كيىنۋدى ويداعىداي ىستەۋ كەرەك. اۆتوكولىككە وتىرىپ ساياحاتقا شىققاندا بەلگىلەمە بويىنشا حاۋىپسىزدىك بەلبەۋىن تاعۋ، سەرۋەن كەمەسىنە وتىرعاندا بەلگىلەمە بويىنشا قۇتقارۋ كيىمىن كيۋ كەرەك. ورتتەن ساقتانۋ حاۋىپسىزدىگىنە نازار اۋدارىپ، دالالىق ساياحاتتا ورتتەن، اپاتتان ساقتانۋعا كوڭىل ءبولۋ كەرەك.

ءۇشىنشى، حاۋىپ - قاتەرى جوعارى نىساندارعا ابايلاپ قاتىناسۋ. تىكۇشارعا وتىرىپ تاماشالاۋ قاتارلى جوعارىدان تومەن كەڭىستىكتى كورەتىن نىساندارعا، سۋعا ساياتىن نىساندارعا قاتىناسۋدان بۇرىن حاۋىپسىزدىك ەسكەرتۋىن مۇقيات وقىپ، جەكە باسىنىڭ دەنساۋلىق جاعدايىنا قاراۋ كەرەك. قيمىلعا قاتىناسقان كەزدە قىزمەتكەرلەردىڭ جەتەكشىلىگىنە قۇلاق اسىپ، وزىنە جانە باسقالاردىڭ اماندىعىنا حاۋىپ ءتوندىرۋى مۇمكىن بولعان ارەكەتتەردى ىستەمەۋ كەرەك.

ءتورتىنشى، مادەنيەتتى، سانالى ساياحاتتاۋ. زاڭ، زاڭدىق ەرەجەلەرگە جانە الەۋمەتتىك ءتارتىپ پەن تاماشا سالتقا بويسۇنۋ كەرەك. ەكسكۋرسيالاۋ، ساياحاتتاۋ ەسكەرتۋلەرىنە بويسۇنىپ، ەكولوگيالىق ورتانى قورعاۋ، الەۋمەتتىك قۇرىلعىلاردى ايالاۋ كەرەك. قىزمەت وتەۋ ولشەمى مەن ساپاسىنا نازار اۋدارىپ، ساياحات ونىمدەرىن اقىلمەن تاڭداۋ كەرەك.

كەلۋ قاينارى: حالىق تورابى