وسىزاماندانعان كاسىپ سالاسى جۇيەسى قۇرىلىسىندا نىق قادام تاستالدى (ەرلىكپەن العا ۇمتىلىپ، ”14 - بەسجىلدىقتىڭ“ شەشۋشى جەڭىسىنە قول جەتكىزەيىك)

يكەمدى جاساۋ ارقىلى سان - ساناقسىز جابدىقتاردى جاساپ، تيپىن وزگەرتىپ، وزىندىك قۇندى تومەندەتىپ، ونىمدىلىكتى ارتتىردى؛ ناقتى قولدانىلمالى كورىنىستەردى زەردەلى جۇيەمەن توعىستىرىپ، تومەن كەڭىستىك ەكونوميكاسى جاڭا جارىس جولىن اشتى...

باس شۋجي شي جينپيڭ بىلاي دەپ اتاپ كورسەتتى: ”جاڭاشا وندىرگىش كۇشتەردى دامىتۋدى كوزدە ۇستاپ، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن كۇشەيتىپ، حالىقارالىق باسەكەلىك قۋاتقا يە وسىزاماندانعان كاسىپ سالاسى جۇيەسىن قۇرۋ كەرەك“.

كاسىپ سالاسى كۇشەيسە، ەكونوميكا دا كۇشەيەدى. ”14 - بەسجىلدىق“ مەزگىلىندە ەلىمىزدىڭ ءداستۇرلى كاسىپ سالاسىنىڭ جوعارى دەڭگەيلەنۋى، زەردەلىلەنۋى، جاسىلدانۋى جەدەل ىلگەرىلەپ، جاڭاشا وندىرگىش كۇشتەر كۇش توپتاپ جەتىلىپ، وسىزاماندانعان كاسىپ سالاسى جۇيەسى قۇرىلىسىندا نىق قادام تاستالدى.

− نەگىزدى بەكەمدەپ، دارەجەسىن جوعارىلاتتى، ءداستۇرلى كاسىپ سالالارى دامۋدىڭ ومىرشەڭدىك كۇشىن تاسقىنداتتى.

بەرىلىستى زەردەلى باقىلاۋ - تەكسەرۋ، بولات تاقتاسىن اۆتوماتتى الىپ - قويۋ، ۇشقىشسىز ۇشاقتىڭ اۆتوماتتى شارلاپ - تەكسەرۋى... سان - سيفرلى، زەردەلى قولدانىس حۋنان شياڭتان بولات - تەمىر توبى شەكتى سەرىكتەستىگى سىندى ءداستۇرلى بولات كاسىپورنىنا تىڭ ومىرشەڭدىك كۇش باعىشتادى.

”سيفرلاندىرىپ جاڭالاۋدىڭ نىساناسى ماشينانى دەربەس جۇرگىزۋ، كاسىپورىننىڭ ونىمدىلىگىن اناعۇرلىم جوعارىلاتۋ“ دەدى حۋنان بولات - تەمىر توبى زەردەلى زەرتتەۋ ورنىنىڭ مەڭگەرۋشىسى لۇڭ جۇڭ - ي، ”14 - بەسجىلدىق“ مەزگىلىندە حۋنان بولات - تەمىر توبى زەردەلى زاۆود جۇيەسى قۇرىلىمىن قالىپتاستىرىپ، كوپتەگەن زەردەلى ءوندىرىس جەلىسىن قۇرىپ، جاساندى زەردەنىڭ 45 تيپتىك قولدانىلۋ جاعدايىن تياناقتاندىرىپ، 99 ونەركاسىپ قۇلتەمىرىن قولدانىپ، ەڭبەك - ءوندىرىس ونىمدىلىگىن ورنىقتى جوعارىلاتتى.

ساپانى، دارەجەسىن جوعارىلاتتى، ءداستۇرلى كاسىپورىندار جوعارى دەڭگەيگە، زەردەلىلەنۋگە، جاسىلدانۋعا، توعىسۋعا قاراي ۇزدىكسىز قادام تاستادى. ”14 - بەسجىلدىقتان“ بەرى، ەلىمىزدىڭ ونەركاسىپ قۇلتەمىرىنىڭ جاڭادان ارتقان گەنەراتور اگراگاتتارىنىڭ بۇكىل دۇنيە جۇزىندەگى سالىستىرماسى %50 تەن اسىپ، جيىنى 230 دان استام ەرەكشە دارەجەلى زەردەلى زاۆود جانە ءبىر مىڭ 260 5G زاۆودى قۇرىلدى. بيىل الدىڭعى 3 توقساندا كولەمدەنگەن جوعارى تەحنيكالى جاساۋ كاسىبىنىڭ ارتقان قۇنىنىڭ بارلىق كولەمدەنگەن ونەركاسىپتىڭ ارتۋىنا قوسقان ۇلەسى %24.7 كە جەتتى، كولەمدەنگەن ونەركاسىپتەگى سۋ ەلەكتر، يادرو ەلەكتر، جەل ەلەكتر جانە كۇن ەنەرگياسىنان توك شىعارۋ سياقتى تازا ەنەرگيادان توك شىعارۋ سالىستىرماسى %35.3 كە جوعارىلادى.

_ جاڭالىق اشۋ ارقىلى جاڭالىقتى جەتىلدىرىپ، ەكونوميكانىڭ جالپى جاعدايىنا جاڭاشا قوزعاۋشى كۇش قوستى.

بۇكىل دەنەسىندە 82 ەركىندىك دارەجەسى بار، قولىنىڭ ەپتىلىگى 1 : 1 قاتىناسىنداي، ادام قولىنىڭ كوشىرمە ولشەمىندە 22 ەركىندىك دارەجەسى بار... تاياۋدا، شياۋپىڭ اۆتوموبيل سەرىكتەستىگى ءوزى زەرتتەپ جاساعان تۋليڭ جاساندى زەردە چيپى تيەلگەن شىت جاڭا بۋىن قۇلتەمىردى جاريالاپ، تىلدەسۋ، ءجۇرۋ سياقتى فۋنكتسيالاردى جۇزەگە اسىرا الدى. ”ءبىزدىڭ نىسانامىز 2026 - جىلدىڭ سوڭىندا جاڭا بۋىن ءپىشىندى قۇلتەمىردىڭ كولەمدىك ءونىمىن جۇزەگە اسىرۋ“ دەدى شياۋپىڭ اۆتوموبيل سەرىكتەستىگىنىڭ باس جوراسى حى شياۋپىڭ.

”14 - بەسجىلدىقتان“ بەرى تومەن كەڭىستىك ەكونوميكاسى ”قاناتىن جايىپ بيىككە سامعادى“، الدىڭعى لەكتەگى ماتەريالدار ”قاۋاشاق جارىپ، تىڭ تابىس جاراتتى“، عارىشقا ادام الىپ ۇشىپ ”ايدى شارلادى“ ... 2024 - جىلى ەلىمىزدىڭ ”ءۇش جاڭا“ ەكونوميكاسىنىڭ ارتقان قۇنىنىڭ ىشكى ءوندىرىس جالپى قۇنىنداعى سالىستىرماسى شامامەن %18 بولدى.

_ نەگىزدى كۇشەيتىپ، ونىمدىلىكتى ارتتىرىپ، وسىزاماندانعان نەگىزدىك قۇرىلعى جۇيەسىن ۇزدىكسىز بەكەمدەدى.

بيىل الدىڭعى 11 ايدا ەلىمىزدىڭ جەدەل جەتكىزۋ كاسىبىنىڭ مولشەرى 180 ميلليارد 740 ميلليون داناعا جەتتى. ”جەدەل جەتكىزۋ بارعان سايىن تەزدەپ بارادى!“ بەيجيڭدە تۇراتىن ۋاڭ مىرزا ءبىر كۇن بۇرىنعى كەشكى ساعات 8 دە تاپسىرىس بەردى، كەلەسى كۇنى تاڭەرتەڭ ساعات 6 دا جەدەل جولداما ەسىك الدىنا جەتكىزىلدى. 2020 - جىلدان 2024 - جىلعا دەيىن، ەلىمىزدىڭ جەدەل جەتكىزۋ كاسىبىنىڭ مولشەرى جىلىنا ورتا ەسەپپەن % 2 اينالاسىندا ارتىپ، قىزمەت وتەۋ ونىمدىلىگى، قىزمەت وتەۋ ساپاسى، باعا سالىستىرماسى دۇنيە ءجۇزى بويىنشا الدىڭعى قاتاردا تۇردى.

وسىزاماندانعان نەگىزدىك قۇرىلعىلار جۇيەسى فاكتورلاردىڭ اۋىسۋىن ”جوعارى قارقىندى ارنامەن“، كاسىپ سالاسى مەن تۇتىنۋدىڭ دارەجەسىن جوعارىلاتۋدى ”الەۋمەتتىك تۇعىرمەن“ قامدادى. ”14 - بەسجىلدىقتان“ بەرى بۇكىل ەل بويىنشا ءبىر تۇلعالانعان ەسەپتەۋ قۋاتى توراپ جۇيەسى جەدەل قۇرىلدى. قازىر ەلىمىزدە دۇنيە ءجۇزى بويىنشا كولەمى ەڭ ۇلكەن جوعارى قارقىندى تاس جول تورابى، جوعارى قارقىندى تەمىر جول تورابى، پورت تورابى، پوچتا جەدەل جەتكىزۋ تورابى، جەتكىزۋ - ۇلەستىرۋ تورابى، كەڭ ارنالى توراپ سياقتىلار قولدانىلىپ وتىر، نەگىزدىك قۇرىلعىلار ۇلاسىپ - تۇتاسىپ، حاۋىپسىز، جوعارى ءونىمدى دامىپ، ەكونوميكا مەن قوعامنىڭ جەدەل دامۋىن ىلگەرىلەتىپ، حالىق بۇقاراسىنا قىزمەت وتەپ، تۇرمىسقا قولايلىلىق جاراتتى.

سۇبەلى ناتيجەلەر دامۋ نەگىزىن بەكەمدەدى، ”15 - بەسجىلدىق“ جوباعا نازار سالساق، نەگىزدى ونان ارى بەكەمدەپ، جاپپاي كۇش سالۋىمىز كەرەك. ”15 - بەسجىلدىق“ جوبا ۇسىنىسىندا: ”جاساۋ كاسىبىنىڭ ۇيلەسىمدى سالىستىرماسىن ساقتاپ، وزىق جاساۋ كاسىبىن تىرەك ەتكەن وسىزاماندانعان كاسىپ سالاسى جۇيەسىن قۇرۋ“ ورتاعا قويىلدى.

”باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، حيميا ونەركاسىبى، مەحانيكا، كەمە جاساۋ سياقتى كاسىپتەردىڭ دۇنيە جۇزىلىك كاسىپ سالاسى جۇمىس بولىسىندەگى ورنى مەن باسەكەلىك قۋاتىن بەكەمدەپ جانە جوعارىلاتىپ، وزىق جاساۋ كاسىبى شوعىرىن دامىتامىز، بۇل ءداستۇرلى كاسىپ سالالارىنىڭ ساپاسىنىڭ ءونىمدى جوعارىلاۋى مەن مولشەرىنىڭ ۇيلەسىمدى ارتۋىن جەدەل ىلگەرىلەتەدى، العاشقى مەجەگە قاراعاندا، الداعى 5 جىلدا جاڭادان 10 تريلليون يۋان اينالاسىندا بازار كەڭىستىگى قوسىلىپ، دامۋدىڭ وراسان زور قوزعاۋشى كۇشى مەن حالىق تۇرمىسىنىڭ پايداسى جارىققا شىعادى“ دەدى مەملەكەتتىك دامۋ جانە رەفورما كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشىسى جىڭ شانجيە.

ەكپىندەي ىلگەرىلەۋدىڭ ءدال كەزى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرعان جەر - جەر، تاراۋلار تىڭنان كۇش سالىپ، ساپا ارقىلى جەڭىسكە جەتىپ، وسىزاماندانعان كاسىپ سالاسى جۇيەسى قۇرىلىسىندا ۇزدىكسىز تىڭ قادام تاستاپ، تىڭ ساتىعا كوتەرىلمەك.

كەلۋ قاينارى: حالىق تورابى