كوڭىل بولىڭىزدەر! وسى اپتادا قىزمەت كۇنىندە وزگەرىس بولادى

2026 – جىلعى جاڭا جىل دەمالىسى دا كەلىپ جەتتى، ءسىزدىڭ ساياحاتتاۋ جوسپارىڭىز بار ما؟

كوڭىل بولۋگە ءتيىستىسى، وسى اپتادا قىزمەت كۇنىندە وزگەرىس بولادى!

وسىدان بۇرىن مەملەكەتتىك كەڭەس كەڭسەسى جاريالاعان 2026 – جىلعى ءىشىنارا مەرەكە - دەمالىس كۇندەرىن ورنالاستىرۋ جونىندەگى ۇقتىرۋعا نەگىزدەلگەندە، جاڭا جىلعا 1 – ايدىڭ 1 – كۇنىنەن (بەيسەنبى) باستاپ 3 – كۇنىنە (سەنبى) دەيىن جيىنى ءۇش كۇن دەمالىس بەرىلەدى، 1 – ايدىڭ 4 – كۇنى (جەكسەنبى) قالىپتى قىزمەت كۇنى بولادى.

مۇنان سىرت، جاڭا جىل دەمالىسى كەزىندە ءوز اۆتوكولىگىمەن ساپارعا شىعۋعا دايىندالىپ جاتقان دوستار مىناعان نازار اۋدارىڭىزدار.

«ماڭىزدى مەرەكە - مەيرامداردا شاعىن تۇرپاتتى جولاۋشىلار اۆتوكولىگىنەن جول اقىسىن الماۋدى اتقارۋ جوباسىنا» ساي، كوكتەم مەرەكەسى، چيڭميڭ مەرەكەسى، ەڭبەكشىلەر مەرەكەسى، مەملەكەت مەرەكەسى سىندى مەملەكەتتىڭ زاڭدا بەلگىلەنگەن ءتورت مەرەكە - دەمالىس كۇندەرىندە، جەتى ورىندىقتى، سونداي – اق جەتى ورىندىقتان تومەن تۇرپاتتى جولاۋشىلار اۆتوكولىگى جوعارى قارقىندى تاس جولدا تەگىن قاتىناۋ ساياساتىنان يگىلىكتەنەدى. سوندىقتان الداعى جاڭا جىل دەمالىسىندا جوعارى قارقىندى تاس جول تەگىن بولمايدى.

كەلۋ قاينارى: حالىق تورابى