«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

شينحۋا اگەنتتىگى، 1 - ايدىڭ 15 - كۇنى، بەيجيڭ، 1 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 2 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «ورتالىقتىڭ قالا قىزمەتى ماجىلىسىندە سويلەنگەن ءسوزى» اتتى ماڭىزدى ماقالاسى جاريالانادى.

ماقالادا مىنالار اتاپ كورسەتىلدى: پارتيانىڭ 18 - قۇرىلتايىنان بەرى پارتيا ورتالىق كوميتەتى جاڭا جاعدايداعى ەلىمىز قالالارىنىڭ دامۋ زاڭدىلىعىن ىشكەرىلەي يگەرىپ، پارتيانىڭ قالا قىزمەتىنە جاپپاي باسشىلىعىنا تاباندى بولىپ، حالىق قالاسىن حالىق قۇرۋعا، حالىق قالاسىن حالىق ءۇشىن قۇرۋعا تاباندى بولىپ، قالانى ورگانيكالىق تىرشىلىك تۇلعاسى رەتىندە جۇيەلى جوسپارلاۋعا تاباندى بولىپ، قالا دامۋىنىڭ تاريحي جەتىستىكتەرگە قول جەتكىزۋىن ىلگەرىلەتتى، ەلىمىزدىڭ جاڭاشا قالا - قالاشىقتانۋ ورەسى مەن قالا دامۋىنىڭ قۋات دارەجەسى، قالا جوباسى قۇرىلىسىن جونگە سالۋ ورەسى، جۇمىسقا، قونىستانۋعا قولايلى بولۋ ورەسى، تاريحي مادەنيەتتى قورعاۋ، جالعاستىرۋ ورەسى، ەكولوگيالىق ورتا ساپاسى بارىنشا جوعارىلادى. سونىمەن بىرگە، ەلىمىزدىڭ قالا دامۋى دا كەيبىر جاڭا جاعدايلارعا، جاڭا ماسەلەلەرگە ءدوپ كەلدى. جالپى العاندا، ەلىمىزدىڭ قالا - قالاشىقتانۋى تەز قارقىنمەن ارتۋ كەزەڭىنەن ورنىقتى دامۋ كەزەڭىنە بۇرىلىس جاساۋدا، قالانىڭ دامۋى كەڭ كولەمدى ارتۋ مولشەرىن كەڭەيتۋ كەزەڭىنەن ىركىندى ساپانى جوعارىلاتىپ، ونىمدىلىكتى ارتتىرۋدى نەگىز ەتۋ كەزەڭىنە بۇرىلىس جاساۋدا.

ماقالادا قازىرگى جانە بۇدان بىلايعى ءبىر مەزگىلدەگى قالا قىزمەتىنىڭ جالپى تۇلعالىق تالابى ورتاعا قويىلىپ، بىلاي دەپ باسا دارىپتەلدى: جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي دايەكتىلەندىرىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، حالىق قالاسى تانىمىن مۇقيات امالياتتا ايگىلەپ، ورنىقتىلىق بارىسىندا ىلگەرىلەۋ سىندى قىزمەت نەگىزگى اۋەنىنەن جازباي، جەرگىلىكتى جاعدايعا قاراي ىستەۋگە، تۇرگە ءبولىپ جەتەكشىلىك ەتۋگە تاباندى بولىپ، جاڭاشىل، قونىسقا جايلى، كوركەم، سەرپىمدى، وركەنيەتتى، زەردەلى وسىزاماندانعان حالىق قالاسىن قۇرۋدى نىسانا، قالانىڭ جوعارى ساپالى دامۋىن ىلگەرىلەتۋدى نەگىزگى تاقىرىپ، قالانىڭ ماندىك دامۋىن نەگىزگى جەلى، قالانىڭ جاڭالانۋىن ىلگەرىلەتۋدى ماڭىزدى تۇتقا ەتىپ، قالا قۇرىلىمىن ساپالىلاندىرۋدى، قوزعاۋشى كۇشتى اۋىستىرۋدى، ساپاسىن جوعارىلاتۋدى، جاسىل تيپكە بۇرىلىس جاساۋدى، مادەنيەت جۇلگەسىن جالعاستىرۋدى، جونگە سالىپ، ونىمدىلىكتى ارتتىرۋدى كۇش سالا ىلگەرىلەتىپ، قالا حاۋىپسىزدىگىنىڭ تومەنگى شەگىن مىقتاپ ساقتاپ، جۇڭگوشا قالانى وسىزامانداندىرۋدىڭ جاڭا جولىن اشۋ كەرەك.

ماقالادا مىنالار اتاپ كورسەتىلدى: وسى جالپى تۇلعالىق تالاپتى تياناقتاندىرۋدىڭ تەتىگى قالانىڭ ماندىك دامۋىنا تاباندى بولىپ، بىرنەشە ماڭىزدى پرينسيپتى شىنايى يگەرۋدە. ءبىرىنشى، قالانى دامىتۋ كوزقاراسىندا بۇرىلىس جاساپ، ادامدى نەگىز ەتۋگە اناعۇرلىم ءمان بەرۋ كەرەك. ەكىنشى، قالانىڭ دامۋ تاسىلىندە بۇرىلىس جاساپ، شوعىرلى، جوعارى ءونىمدى بولۋعا اناعۇرلىم ءمان بەرۋ كەرەك. ءۇشىنشى، قالا دامۋىنىڭ قوزعاۋشى كۇشىنە بۇرىلىس جاساپ، ەرەكشەلىككە يە دامۋعا اناعۇرلىم ءمان بەرۋ كەرەك. ءتورتىنشى، قالا قىزمەتىنىڭ تۇيىنىنە بۇرىلىس جاساپ، جونگە سالۋ ۇسىنىلىمىنا اناعۇرلىم ءمان بەرۋ كەرەك. بەسىنشى، قالا قىزمەتى ادىسىنە بۇرىلىس جاساپ، ءبىر تۇتاس جوسپارلاپ سايكەستىرۋگە اناعۇرلىم ءمان بەرۋ كەرەك.

ماقالادا قالا قىزمەتىنىڭ 7 جاقتاعى ءتۇيىندى مىندەتى ورنالاستىرىلدى. ءبىرىنشى، وسىزاماندانعان قالا جۇيەسىن ساپالىلاندىرۋعا كۇش سالۋ. قالانىڭ جان سانى جانە ەكونوميكالىق، قوعامدىق دامۋداعى جالپىلىق كوتەرىمدىلىك قۋاتىن جوعارىلاتۋدى كوزدەپ، شوعىرلانعان، تورلانعان وسى زامانعى قالا شوعىرىن جانە ورتالىق قالا شەڭبەرىن دامىتۋ. ءىرى، ورتا، شاعىن قالا جانە شاعىن قالا - قالاشىقتىڭ سايكەستى دامۋىن جەبەۋ. ەكىنشى، ومىرشەڭ كۇشكە باي جاڭاشىل قالا قۇرۋعا كۇش سالۋ. قالانىڭ بايلىق قاسيەتى مەن نەگىزدىك شارت - جاعدايىن تياناق ەتىپ، جاڭالىق اشۋ ەكولوگياسىن دەن قويا جەتىلدىرىپ، جاڭاشا وندىرگىش كۇشتەردى دامىتۋ جاعىندا ۇزدىكسىز تىڭ ناتيجەگە قول جەتكىزۋ. بۇرىن قالانىڭ ارتۋ مولشەرىن كەڭەيتۋ مەزگىلىندە قالىپتاسقان ساياساتتىق تۇزىمدەردى رەفورما وي جەلىسى ارقىلى رەتتەپ، ساپالىلاندىرىپ، قالانى جاڭالاۋدى جوعارى ساپامەن ورىستەتۋ. قالانىڭ ەل ٴىشى، حالىقارا سىندى قوس اينالىمداعى توراپتىق رولىن تولىق ساۋلەلەندىرىپ، ەسىك اشۋ، سەلبەستىك دەڭگەيىن ۇزدىكسىز جوعارىلاتۋ. ءۇشىنشى، جايلى، قولايلى، قونىسقا جايلى قالا قۇرۋعا كۇش سالۋ. جان سانىن، كاسىپ سالاسىن، قالا - قالاشىقتى، قاتىناستى ءبىر تۇلعالى جوبالاۋعا تاباندى بولىپ، قالانىڭ كەڭىستىك قۇرىلىمىن ساپالىلاندىرۋ، قاتىناس قۇرىلعى جۇيەسى كەمەلدەندىرۋ. قورا - جاي كاسىبىن دامىتۋ جاڭا ۇلگىسىن جەدەل قۇرىپ، بۇقارانىڭ بۇلجىماس جانە الۋان ٴتۇرلى جاقسارتۋ سيپاتتى تۇرعىن ٴۇي قاجەتىن اناعۇرلىم ويداعىداي قاناعاتتاندىرۋ، قالا ىشىندەگى قىستاقتاردى جانە قاتەرلى، كونە ۇيلەردى جاڭالاۋدى ورنىقتى ىلگەرىلەتۋ. سالاماتتىق، وتباسى ىستەرى سياقتى تۇرمىستىق قىزمەت وتەۋ كاسىبىن كۇش سالا دامىتىپ، زەينەتكەرلىككە قىزمەت وتەۋ جۇيەسىن اقاۋسىزداندىرىپ، وقۋ - اعارتۋ بايلىعىن كورەگەندىكپەن ورنالاستىرۋدى كۇشەيتىپ، ەمدەۋ، دەنساۋلىق ساقتاۋ نەگىزىن بەكەمدەۋ ينجەنەرياسىن اتقارۋ. ءتورتىنشى، جاسىل، تومەن كومىر قىشقىل گازدى كوركەم قالا قۇرۋعا كۇش سالۋ. ەنەرگيا، قۇبىر تورابى، قاتىناس سياقتى نەگىزدىك قۇرىلعىلاردىڭ جاسىل، تومەن كومىرتەكتى جاڭالانۋىن ىلگەرىلەتىپ، قالالارداعى وزەن - كولدەردىڭ سۋ جۇيەسىن، سازدىقتاردى جانە سۋ ورتاسىن قورعاپ، قالاداعى ورگانيزمدەردىڭ الۋان تۇرلىلىگىن جوعارىلاتۋ. بەسىنشى، حاۋىپسىز، سەنىمدى بولعان سەرپىمدى قالا قۇرۋعا كۇش سالۋ. قالا نەگىزدىك قۇرىلعىلارى سىندى جان تامىر حاۋىپسىزدىك ينجەنەريا قۇرىلىسىن ىلگەرىلەتىپ، قالالاردا جاراتىلىستىق اپاتتان ساقتانۋ - تىزگىندەۋدى كۇشەيتىپ، ٴۇي حاۋىپسىزدىگىن قامتاماسىزداندىرۋ ورەسىن جاپپاي جوعارىلاتۋ. حاۋىپ - قاتەردەن ساقتانۋدى جانە ونى تىزگىندەۋدى قالا باسقارۋ جۇيەسىنە ورگانيكالى تۇردە ەنگىزىپ، قالا حاۋىپسىزدىگى حاۋىپ - قاتەرى جيناقتاماسىن ورناتۋ. التىنشى، ءمورالدى ارداقتاپ، ىزگىلىككە تالپىناتىن وركەنيەتتى قالا قۇرۋعا كۇش سالۋ. تاريحي مادەنيەتتى قورعاۋ، جالعاستىرۋ جۇيەسىن كەمەلدەندىرىپ، قالا كەلبەتىن باسقارۋ ءتۇزىمىن كەمەلدەندىرىپ، قالانىڭ وزگەشە تاريحي مادەنيەت تامىرىن، گۋمانيتارلىق جاعراپياسىن، جاراتىلىستىق كورىنىستەرىن قورعاۋ. قالا وركەنيەتىن بەلسەنە جەتىلدىرىپ، قالا رۋحىن سومداۋ. جەتىنشى، قولايلى، جوعارى ءونىمدى زەردەلى قالا قۇرۋعا كۇش سالۋ. سيفرلاندىرۋ، زەردەلىلەندىرۋ بەتالىسىنا سايكەسىپ، قالانى جونگە سالۋدىڭ زەردەلىلەنۋ، جۇيەلىلەنۋ دەڭگەيىن ۇزدىكسىز جوعارىلاتۋ. پارتيا قۇرىلىسى ارقىلى جەتەكشىلىك ەتۋگە تاباندى بولىپ، نەگىزگى ساتىنى يگەرۋدى، نەگىزدى بەكەمدەۋدى، نەگىزدى بەكەمدەۋدى كورنەكتىلەندىرىپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن جوعارى ونىمدىلىكپەن شەشۋ.

ماقالادا مىنالار باسا دارىپتەلدى: وسىزاماندانعان حالىق قالاسىن قۇرۋدا، ءسوز جوق، پارتيانىڭ قالا قىزمەتىنە جاپپاي باسشىلىعىن كۇشەيتۋ كەرەك. باسشىلىق ءتۇزىلىسى مەن قىزمەت مەحانيزمىن ونان ارى اقاۋسىزداندىرىپ، قالا ساياساتىنىڭ سايكەسىمدىلىگىن، ءار جاقتىڭ اتقارۋ قۋاتىن كۇشەيتۋ كەرەك. دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، قالانىڭ دامۋىن باعالاۋدىڭ عىلمي جۇيەسىن ورناتۋ جانە كەمەلدەندىرۋ كەرەك. قالا قىزمەتى كادرلار قوسىنىنىڭ ساپاسى مەن قابىلەت قۇرىلىسىن كۇشەيتۋ كەرەك. شىندىقتى ءىس جۇزىنەن ىزدەۋگە، شىندىققا جۇگىنىپ، ناقتى ءىس ىستەۋگە تاباندى بولىپ، فورماشىلدىققا، تورەشىلدىككە باتىل قارسى تۇرۋ كەرەك.