شي جينپيڭ شەتەلدىڭ جۇڭگودا تۇراتىن جاڭادان تاعايىندالعان باس ەلشىلەرىنىڭ تاپسىرعان مەملەكەتتىك جولداماسىن قابىلدادى

شينحۋا اگەنتتىگىنىڭ 1 ـ ايدىڭ 16 ـ كۇنى بەيجيڭنەن بەرگەن حابارى (ءتىلشى ساۋ جيايۋە). 1 ـ ايدىڭ 16 ـ كۇنى تۇستەن بۇرىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگودا تۇراتىن 18 باس ەلشىنىڭ تاپسىرعان مەملەكەتتىك جولداماسىن قابىلدادى.

حالىق سارايىنىڭ سولتۇستىك قاقپاسىنىڭ سىرتىندا قۇرمەت قاراۋىلدارى سالتاناتتى قاتار تۇزەدى، قوناق قارسى الۋ كەرنايى تارتىلدى، ەلشىلەر ىركەس ـ تىركەس جەتىپ، تۋ قاتارىنان ءوتىپ، اق ءمارمار باسپالداقپەن جوعارى كوتەرىلدى.

«تاۋ ـ وزەن نەتكەن كورىكتى» اتتى الىپ قابىرعا سۋرەت الدىندا شي جينپيڭ ەلشىلەردىڭ تاپسىرعان مەملەكەت جولداماسىن جەكە ـ جەكە قابىلدادى، سونداي ـ اق ولارمەن ءبىر ـ بىردەن سۋرەتكە ءتۇستى.

ولار مىنالار: تۇركيانىڭ جۇڭگودا تۇراتىن باس ەلشىسى ۆينار، اۆستريانىڭ جۇڭگودا تۇراتىن باس ەلشىسى حاۋيفورد، انگليانىڭ جۇڭگودا تۇراتىن باس ەلشىسى ۋيلەي، يراقتىڭ جۇڭگودا تۇراتىن باس ەلشىسى بەرۆالي، كيپردىڭ جۇڭگودا تۇراتىن باس ەلشىسى سوفيانۋ، ماۋريتيۋستىڭ جۇڭگودا تۇراتىن باس ەلشىسى شياۋ شياۋشان، سلوۆاكيانىڭ جۇڭگودا تۇراتىن باس ەلشىسى لايزياك، گانانىڭ جۇڭگودا تۇراتىن باس ەلشىسى باڭسۋ، ناميبيانىڭ جۇڭگودا تۇراتىن باس ەلشىسى ەمۋللا، كورەيانىڭ جۇڭگودا تۇراتىن باس ەلشىسى لۋ زايشيان، ۋرۋگۆايدىڭ جۇڭگودا تۇراتىن باس ەلشىسى كاۆلار، شۆەتساريانىڭ جۇڭگودا تۇراتىن باس ەلشىسى ما تيڭ، پالەستينانىڭ جۇڭگودا تۇراتىن باس ەلشىسى جاۋاد، پەرۋدىڭ جۇڭگودا تۇراتىن باس ەلشىسى باسكس، ليۆاننىڭ جۇڭگودا تۇراتىن باس ەلشىسى راد، كونگونىڭ (براززاۆيل) جۇڭگودا تۇراتىن باس ەلشىسى مامينا، لەسوتونىڭ جۇڭگودا تۇراتىن باس ەلشىسى لين مەي، بيرمانىڭ جۇڭگودا تۇراتىن باس ەلشىسى زو ۋىنمين.

سالت اياقتاعاننان كەيىن، شي جينپيڭ بەيجيڭ زالىندا ەلشىلەرگە ءسوز سويلەدى.

شي جينپيڭ ەلشىلەردىڭ جۇڭگوعا مىندەت وتەۋگە كەلگەندىگىن قارسى الىپ، ولارعا ءوز ەلدەرىنىڭ باسشىلارى مەن حالقىنا تاماشا تىلەگىن جەتكىزۋدى تاپسىردى، ەلشىلەردىڭ جەر ـ جەرگە بارىپ ارالاپ كورىپ، شىنايى، ستەرەولدى جۇڭگونى جان ـ جاقتى ىشكەرىلەي ءتۇسىنىپ، جۇڭگونىڭ ءارقايسى ەلمەن دوستىعىن جانە سەلبەستىگىن تەرەڭدەتۋگە بەلسەندى كۇش قوسۋىن ءۇمىت ەتتى.

شي جينپيڭ بىلاي دەپ باسا دارىپتەدى: بۇگىنگى جۇڭگو جۇڭگو ۇلگىسىندەگى وسىزامانداندىرۋدىڭ جاڭا جورىعىندا باتىلدىقپەن العا ىلگەرىلەۋدە. ”14 ـ بەسجىلدىق“ جوبا تابىسپەن اياقتاپ، ەكونوميكا جالپى مولشەرى ءۇرتىس ارتىپ، عىلىم ـ تەحنولوگيادا جاڭالىق اشۋ جەتىستىكتەرى سۇبەلى بولىپ، تۇنىق سۋ، جاسىل تاۋ ايشىقتى ءتۇپ بوياۋعا اينالىپ، حالىق تۇرمىسى جاۋاپناماسى جۇرت كوڭىلىن شۋاققا بولەدى. ”15 ـ بەسجىلدىق“ جوبا ۇسىنىسى الداعى 5 جىلداعى جۇڭگونىڭ ەكونوميكالىق، قوعامدىق دامۋىنا جوبا كەسكىندەدى ءارى دۇنيە جۇزىنە ”وراي ءتىزىمىن“ ازىرلەدى. جۇڭگونىڭ اشىق ەسىگى بارعان سايىن ايقارا اشىلىپ، جوعارى ساپالى دامۋ ارقىلى دۇنيە جۇزىنە اناعۇرلىم كوپ ايقىندىلىق جانە جاڭا قوزعالىس قۋاتى ۇستەلىپ، بىرگە دامۋ، كوركەمدىكتەن بىرگە يگىلىكتەنۋ جۇزەگە اسىرىلادى.

شي جينپيڭ بىلاي دەپ اتاپ كورسەتتى: بۇگىنگى دۇنيە جۇزىندە 100 جىلدىق وزگەرىس جەدەل قۇبىلىپ، حالىقارالىق جاعدايدا وزگەرىس پەن بىلىقپالىق قاباتتاسىپ، الەمدىك سىن ـ سايىس ءتىپتى دە كورنەكتىلەندى. بولشەكتەنۋ، قارسىلاسۋ، نولدىك قوسىندى بەلدەسۋىنىڭ شىعار جولى جوق ەكەنى انىق، دۇنيە ءجۇزىن ورمان زاڭىنا قايتا قايتارۋ جۇرتقا جاقپايدى، بۇكىل جەر شارىنداعىلاردىڭ ءوزارا قارايلاسىپ، ىنتىماقتاسا سەلبەسۋى عانا بىردەن ـ ءبىر دۇرىس تالعام. مەنىڭ الەمدىك باسقارۋ باستاماسىن العا قويۋداعى ماقساتىم _ اناعۇرلىم ادىلەتتى، ۇيلەسىمدى الەمدىك باسقارۋ جۇيەسىن ورناتۋدى ىلگەرىلەتۋ. جۇڭگو باستان ـ اياق تاريحتىڭ دۇرىس جاعىندا تۇرىپ، حالىقپەن جۇرەكتەس بولىپ، الەمنىڭ يگىلىگىن كوزدەپ، ءار ەلمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى.

ۋاڭ ي جوعارىداعى قيمىلعا قاتىناستى.