قارتتاردى كۇتىمدەۋ، بالالاردى اماناتتاپ تاربيەلەۋ قاتارلى الەۋمەتتىك اۋماقتارداعى وتباسىلىق قىزمەت وتەۋ كاسىبىنىڭ باجى - اقى جاعىنان جەڭىلدىك بەرۋ ساياساتى 2027 - جىلدىڭ سوڭىنا دەيىن جالعاستىرىلدى

قازىنا مينيسترلىگى قاتارلى تاراۋلار حابارلاندىرۋ جاريالاپ، قارتتاردى كۇتىمدەۋ، بالالاردى اماناتتاپ تاربيەلەۋ، وتباسىلىق قىزمەت كورسەتۋ قاتارلى الەۋمەتتىك اۋماقتاعى وتباسىلىق قىزمەت وتەۋ كاسىبىنىڭ باجى - اقى جاعىنان جەڭىلدىك بەرۋ ساياساتىن جالعاستى اتقاردى.

الەۋمەتتىك اۋماقتارداعى قارتتاردى كۇتىمگە الۋ، بالالاردى اماناتتاپ تاربيەلەۋ، وتباسىلىق قىزمەت كورسەتۋ قاتارلى قىزمەت وتەۋمەن قامدايتىن قۇرىلىمداردان، الەۋمەتتىك اۋماقتىڭ قارتتاردى كۇتىمدەۋ، بالالاردى اماناتتاپ تاربيەلەۋ، وتباسىلىق قىزمەت كورسەتۋ ارقىلى قول جەتكىزگەن كىرىسىنەن ارتقان قۇن باجىسى الىنبايدى. تۇرعىن ءۇيدى، جەردى الەۋمەتتىك اۋماقتىڭ قارتتاردى كۇتىمگە الۋ، اماناتتاپ تاربيەلەۋ، وتباسىلىق قىزمەت كورسەتۋ ىستەرىنە ىستەتسە باجى الىنبايدى. الەۋمەتتىك اۋماقتاردىڭ قارتتاردى كۇتىمگە الۋ، بالالاردى اماناتتاپ تاربيەلەۋ، وتباسىلىق قىزمەت كورسەتۋ قاتارلى قىزمەت وتەۋمەن قامدايتىن قۇرىلىمداردىڭ ءوزى يە بولعان نەمەسە مايعا الۋ، اقىسىز پايدالانۋ قاتارلى تاسىلدەر ارقىلى الەۋمەتتىك اۋماقتا قارتتاردى كۇتىمگە الۋ، بالالاردى اماناتتاپ تاربيەلەۋ، وتباسىلىق قىزمەت كورسەتۋ ءۇشىن پايدالانعان قورا - جايىنان، جەرىنەن قورا - جاي باجىسى، قالا - قالاشىق جەرىن پايدالانۋ باجىسى الىنبايدى.

حابارلاندىرۋ 2026 – جىلى 1 – ايدىڭ 1 – كۇنىنەن باستاپ 2027 – جىلى 12 – ايدىڭ 31 – كۇنىنە دەيىن اتقارىلادى.

كەلۋ قاينارى: حالىق تورابى