شي جينپيڭ تەلەگرامما جولداپ توۋادەرانىڭ ورتا افريكا رەسپۋبليكاسىنىڭ زۇڭتۇڭى بولىپ تاعى سايلانعاندىعىن قۇتتىقتادى

شينحۋا اگەنتتىگى، 1 - ايدىڭ 20 - كۇنى، بەيجيڭ. 1 - ايدىڭ 20 - كۇنى مەملەكەت ءتوراعاسى شي جينپيڭ فۋستان ارشانج توۋادەراعا تەلەگرامما جولداپ، ونىڭ ورتا افريكا رەسپۋبليكاسىنىڭ زۇڭتۇڭى بولىپ تاعى سايلانعاندىعىن قۇتتىقتادى.

شي جينپيڭ مىنالاردى اتاپ كورسەتتى: تاياۋ جىلداردان بەرى جۇڭگو ورتا افريكامەن ساياسي سەنىمدىلىكتى ۇزدىكسىز تەرەڭدەتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى باتىل قولداپ، ءار سالاداعى اۋىس - كۇيىس پەن سەلبەستىكتى ورنىقتى ىلگەرىلەتتى. مەن جۇڭگونىڭ ورتا افريكامەن قارىم - قاتىناسىنىڭ دامۋىنا ايرىقشا ءمان بەرەمىن، توۋادەرا زۇڭتۇڭمەن بىرگە قۇلشىنىپ، جۇڭگو - افريكا سەلبەستىك تالقى مىنبەرىنىڭ بەيجيڭدەگى باسشىلار ءماجىلىسىنىڭ جەتىستىكتەرىن بەلسەنە تياناقتاندىرىپ، ەكى ەلدىڭ ستراتەگيالىق سەرىكتەستىك قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.

كەلۋ قاينارى: حالىق تورابى