شي جينپيڭ يسپانياداعى جوعارى قارقىندى پويەز رەليستەن شىعىپ سوعىلۋ شىرعالاڭىنا بايلانىستى يسپانيانىڭ پاتشاسى فيليپ Ⅵ عا حال سۇراۋ تەلەگرامماسىن جولدادى

شينحۋا اگەنتتىگى، 1 - ايدىڭ 20 - كۇنى، بەيجيڭ. 1 - ايدىڭ 20 - كۇنى مەملەكەت ءتوراعاسى شي جينپيڭ يسپانياداعى جوعارى قارقىندى پويەز رەليستەن شىعىپ سوعىلۋ شىرعالاڭىنا بايلانىستى يسپانيانىڭ پاتشاسى فيليپ Ⅵ عا حال سۇراۋ تەلەگرامماسىن جولدادى.

شي جينپيڭ مىنانى ءبىلدىردى: يسپانيانىڭ وڭتۇستىگىندەگى كوردوۆا ولكەسىندە باقىتقا قارسى جوعارى قارقىندى پويەز رەليستەن شىعىپ سوعىلۋ شىرعالاڭى تۋىلىپ، اۋىر ءولىم - ءجىتىم بولعانىن ەستىپ قاتتى تىكسىندىم. مەن جۇڭگو ۇكىمەتى مەن حالقى اتىنان قازا بولعاندارعا قايعىلى ازا بىلدىرەمىن، قازا بولعانداردىڭ وتباسىنداعىلاردان شىنايى حال سۇرايمىن، جارالانعانداردىڭ ەرتەرەك ساۋىعۋىن تىلەيمىن.

سول كۇنى مەملەكەتتىك كەڭەستىڭ زۇڭليى لي چياڭ يسپانيانىڭ باس ءۋازىرى سانچەسكە حال سۇراۋ تەلەگرامماسىن جولدادى.

كەلۋ قاينارى: حالىق تورابى