جۇڭگو كوممۋنيستىك پارتياسى ورتالىق كوميتەتى تەلەگرامما جولداپ ۆيەتنام كوممۋنيستىك پارتياسى مەملەكەتتىك 14 - قۇرىلتايىنىڭ اشىلعاندىعىن قۇتتىقتادى

شينحۋا اگەنتتىگى، 1 - ايدىڭ 20 - كۇنى، بەيجيڭ. 1 - ايدىڭ 20 - كۇنى جۇڭگو كوممۋنيستىك پارتياسى ورتالىق كوميتەتى تەلەگرامما جولداپ ۆيەتنام كوممۋنيستىك پارتياسى مەملەكەتتىك 14 - قۇرىلتايىنىڭ اشىلعاندىعىن قۇتتىقتادى. قۇتتىقتاۋ تەلەگرامماسىندا بىلاي دەلىندى:

ۆيەتنام كوممۋنيستىك پارتياسى _ ۆيەتنام حالقى مەن ۆيەتنامنىڭ سوتسياليزم ىستەرىنىڭ پارمەندى باسشىلىق ۇيتقىسى. ۆيەتنام كوممۋنيستىك پارتياسىنىڭ 13 - قۇرىلتايىنان بەرى ۆيەتنام كوممۋنيستىك پارتياسى ورتالىق كوميتەتى ۆيەتنام حالقىن ىنتىماقتاستىرىپ جانە باستاپ، سوتسياليستىك قۇرىلىس پەن جاڭالىق اشۋ ىستەرىن ىلگەرىلەتۋ بارىسىندا كورنەكتى تابىستارعا قول جەتكىزدى. قىم - قۋىت كۇردەلى حالىقارالىق جاعدايدا، ۆيەتنامنىڭ ساياسيى، قوعامى ورنىقتى بولىپ، ەكونوميكاسى تەز، باياندى دامىپ، حالىقارالىق ورنى كۇن سايىن جوعارىلاپ، كوممۋنيستىك پارتيانىڭ باسشىلىعى مەن سوتسياليستىك ءتۇزىمنىڭ ابزالدىعىن ايگىلەپ، ءوڭىردىڭ جانە دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا، گۇلدەنۋىنە بەلسەندى ۇلەس قوستى.

ۆيەتنام كوممۋنيستىك پارتياسىنىڭ مەملەكەتتىك 14 - قۇرىلتايى — ۆيەتنام پارتياسى مەن حالقى پارتيا قۇرىلعاندىعىنىڭ 100 جىلدىق كۇرەس نىساناسىنا قاراي قادام تاستاعان شەشۋشى مەزگىلدە اشىلعان ماڭىزدى ءماجىلىس. قۇرىلتاي الداعى 5 جىلداعى جانە بۇدان بىلايعى ءبىر مەزگىلدەگى ۆيەتنامنىڭ پارتيا مەن مەملەكەت ىستەرىنىڭ دامۋ كەلەلى باعىت - ساياساتتارىن جوبالاپ، ۆيەتنام ۇلتى دامۋىنىڭ جاڭا ءداۋىرىن اشادى، بۇل تەرەڭ تاريحي مانگە يە. ءبىز بۇل رەتكى قۇرىلتايدىڭ ىنتىماقتى، جەڭىسكە جەتكەن قۇرىلتاي بولاتىندىعىنا، ۆيەتنام حالقى ۆيەتنام كوممۋنيستىك پارتياسىنىڭ پارمەندى باسشىلىعىندا، پارتيا مەن مەملەكەتتىڭ دامۋ قۇرىلىسىنىڭ ءتۇرلى نىسانا - مىندەتتەرىن جەڭىسپەن جۇزەگە اسىراتىندىعىنا سەنەمىز.

جۇڭگو پارتياسى مەن ۇكىمەتى جۇڭگو مەن ۆيەتنام ەكى پارتيا، ەكى ەل قارىم - قاتىناسىن دامىتۋعا ايرىقشا ءمان بەرەدى، ۆيەتنام جاقپەن بىرگە ”ۇزاق ۋاقىت ورنىقتى بولۋ، بولاشاققا بەت الۋ، تاتۋ كورشىلىك دوستىق ورناتۋ، جان - جاقتى سەلبەستىك جاساۋ“ باعىتى مەن ”جاقسى كورشى، جاقسى دوس، جاقسى جولداس، جاقسى سەرىك“ رۋحىن ۇستانىپ، ەكى پارتيانىڭ، ەكى ەلدىڭ ەڭ جوعارى باسشىلارى كەلىسكەن ماڭىزدى ورتاق تانىمدى ويداعىداي دايەكتىلەندىرىپ، تياناقتاندىرىپ، ”التىنى ونان ارى ورىنداۋ“ جالپى تۇلعالىق نىساناسى بويىنشا ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسى قۇرىلىسىنىڭ ۇزدىكسىز گۇل اشىپ، جەمىس بەرۋىن ىلگەرىلەتىپ، ەكى ەلگە جانە ەكى ەل حالقىنا ءتىپتى دە زور باقىت جاراتۋعا، ءوڭىردىڭ ورنىقتىلىعىنا، دامۋىنا جانە ادامزاتتىڭ بەيبىتشىلىك جانە العا باسۋ ىستەرىنە بىرگە ماڭىزدى ۇلەس قوسۋعا پەيىل.

كەلۋ قاينارى: حالىق تورابى