2025 – جىلى مەملەكەت شەكاراسىن باسقارۋعا كەسىرىن تيگىزۋ قىلمىسىنا قاتىستى دەلولاردان جيىنى 18 مىڭ 900 دەن استام دەلو انىقتالعان 

مەملەكەتتىك كوشى – قوندى باسقارۋ مەڭگەرمەسى 1 – ايدىڭ 28 – كۇنى كەزەكتى تىلشىلەردى قابىلداۋ ءماجىلىسىن باسقارىپ اشتى. مەملەكەتتىك كوشى – قوندى باسقارۋ مەڭگەرمەسىنىڭ مالىمدەمەشىسى 2025 – جىلعى كوشى – قوندى باسقارۋ قىزمەتىنە قاتىستى ماڭىزدى ساندى مالىمەتتەر مەن قىزمەت ونىمدىلىگى تۋرالى حابارلاندىرۋ جاريالادى ءارى تىلشىلەردىڭ سۇراۋىنا جاۋاپ قايتاردى.

ءتىلشىنىڭ اقپار جاريالاۋ ماجىلىسىنەن ۇعىسۋىنشا، 2025 – جىلى ەلىمىز بويىنشا كوشى – قوندى باسقارۋ قۇرىلىمدارى دامۋ مەن حاۋىپسىزدىكتى ءبىرتۇتاس جوسپارلاۋعا تاباندى بولىپ، ساياسي حاۋىپسىزدىكتى قورعاۋدى باستان – اياق باستى ورىنعا قويىپ، مەملەكەت شەكاراسىن باسقارۋعا كەسىرىن تيگىزۋ قىلمىسىنا قاتاڭ سوققى بەرۋدى تىڭعىلىقتى، ءبىرتۇتاس جوسپارلاپ ىلگەرىلەتىپ، زاڭسىز جۇمىستانعان، شەكارادان زاڭسىز كىرگەن، زاڭسىز قونىستانعان شەتەلدىكتەردى جونگە سالۋدى ىشكەرىلەي ورىستەتىپ، مەملەكەت قاقپاسى مەن شەكاراسىنىڭ حاۋىپسىزدىگىنە، ورنىقتىلىعىنا كەپىلدىك ەتكەن. جىل بويى مەملەكەت شەكاراسىن باسقارۋعا كەسىرىن تيگىزۋ قىلمىسىنا قاتىستى دەلولاردان جيىنى 18 مىڭ 900 دەن استام دەلونى انىقتاپ، قىلمىس كۇماندىلارىنان 54 مىڭ 600 ادامدى تۇتقىنداپ، قىلمىستىق توپتاردان 488 توپتى تالقانداپ، ورەسكەل ءىرى، الاپاتتى دەلولاردان 229 دەلونى بىتىرۋگە بەلگى قويىپ قۋزاۋشىلىق ەتكەن. شەكارالىق وتكەلدەردە مىلتىق پەن جارىلعىش زاتتارعا، ەسىرتكى ساۋدالاۋعا، اتكەزشىلىك ىستەۋگە قاتىستى زاڭعا قايشى قىلمىستارعا قاتاڭ سوققى بەرىپ، ەسىرتكىگە قاتىستى 438 دەلونى تەكسەرىپ انىقتاعان، قىلمىس كۇماندىلارىنان 579 ادامدى قولعا ءتۇسىرىپ، ءتۇرلى ەسىرتكىلەردەن 6.09 تونناسىن قولعا ءتۇسىرىپ، ون مىڭ گرامنان استام ەسىرتكىگە قاتىستى 74 دەلونى انىقتاعان؛ ءتۇرلى مىلتىقتاردان 2098 مىلتىقتى، وقتاردان 64 مىڭ 500 دەن استام وقتى انىقتاپ قولعا تۇسىرگەن.

كەلۋ قاينارى: حالىق تورابى