2025 – جىلى ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن 290752 ماسەلە انىقتالىپ ءبىر جاقتى ەتىلگەن 

حالىق گازەتىنىڭ ءتىلشىسى جاۋ چىڭ 1 – ايدىڭ 28 – كۇنى بەيجيڭنەن حابارلايدى. ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى تورابى 1 – ايدىڭ 28 - كۇنى بۇكىل ەلىمىز بويىنشا 2025 – جىلى 12 ايدا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشىلىق جاساۋ ماسەلەسىن تەكسەرىپ ءبىر جاقتى ەتۋ جاعدايىن جاريالادى. سول ايدا، ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن ماسەلەلەردەن 39236 ماسەلە تەكسەرىلىپ ءبىر جاقتى ەتىلگەن، سىن ايتىلعان، تاربيە بەرىلگەن جانە ءبىر جاقتى ەتىلگەندەر سانى 48770 ادام، مۇنىڭ ىشىندە، پارتيا ءتارتىبى جانە اكىمشىلىك ءتارتىپ بويىنشا جازالانعاندار سانى 36441 ادام. 2025 - جىلى، ەلىمىز بويىنشا ورتالىقتىڭ سەگىز ءتۇرلى بەلگىلەمەسىنىڭ رۋحىنا قايشى كەلگەن ماسەلەلەردەن 290752 ماسەلە تەكسەرىلىپ ءبىر جاقتى ەتىلگەن، سىن ايتىلعان، تاربيە بەرىلگەن جانە ءبىر جاقتى ەتىلگەندەر سانى 375604 ادام، مۇنىڭ ىشىندە، پارتيا ءتارتىبى جانە اكىمشىلىك ءتارتىپ بويىنشا جازالانعاندار سانى 261788 ادام.

تەكسەرىلىپ ءبىر جاقتى ەتىلگەن ماسەلەلەردىڭ تيپىنەن الىپ قاراعاندا، 2025 – جىلى ەلىمىز بويىنشا ”مىندەتىن اتقارىپ، جاۋاپكەرشىلىگىن ادا ەتۋ، ەكونوميكا مەن قوعامنىڭ دامۋىنا قىزمەت ەتۋ جانە ەكولوگيالىق ورتانى قورعاۋ جاقتارىندا جاۋاپكەرشىلىگىن ادا ەتپەي، مىندەتىن اتقارماي، مىندەتىن الباتى اتقارىپ، مىندەتىن جالعان اتقارىپ، جوعارى ساپالى دامۋعا اۋىر دارەجەدە ىقپال جاساۋ“ جاعىندا جيىنى 119418 ماسەلە انىقتالىپ ءبىر جاقتى ەتىلگەن، تەكسەرىلىپ ءبىر جاقتى ەتىلگەن فورماشىلدىققا، تورەشىلدىككە ساياتىن ماسەلەلەردىڭ جالپى سانىنىڭ %84.7 ىن ۇستاعان. تەكسەرىلىپ ءبىر جاقتى ەتىلگەن بەلگىلەمەگە قايشى تۇردە قىمبات باعالى جەرگىلىكتى ونىمدەردى الۋعا جانە اقشالاي، زاتتاي تارتۋ – تارالعى ۇسىنۋ – قابىلداۋ، بەلگىلەمەگە قايشى تۇردە ءىشىپ – جەۋ، بەلگىلەمەگە قايشى تۇردە قامقورلىق قاراجات نەمەسە يگىلىك بۇيىم تاراتۋ سىندى 3 ءتۇرلى ماسەلە، جەكە – جەكە 2025 – جىلى تەكسەرىلىپ انىقتالعان راقاتقۇمارلىققا، ىسىراپشىلدىققا ساياتىن ماسەلەلەردىڭ جالپى سانىنىڭ %54.5 ىن، %22.3 ىن، %12.1 ىن ۇستاعان.

تەكسەرىپ ءبىر جاقتى ەتكەن ادامداردىڭ دارەجەسىنەن الىپ قاراعاندا، 2025 – جىلى ەلىمىز بويىنشا ولكە – مينيسترلىك دارەجەلى كادرلەرگە قاتىستى جيىنى 18 ماسەلە، ايماق – مەڭگەرمە دارەجەلى باسشى كادرلارعا قاتىستى 1196 ماسەلە، اۋدان – باسقارما دارەجەلى كادرلارعا قاتىستى 16368 ماسەلە، اۋىل – ءبولىم دارەجەلى جانە ودان تومەن دارەجەلى كادرلارعا ساياتىن 273170 ماسەلە تەكسەرىلىپ ءبىر جاقتى ەتىلگەن. مۇنىڭ ىشىندە، اۋىل – ءبولىم دارەجەلى جانە ودان تومەن دارەجەلى كادرلارعا ساياتىنى تەكسەرىپ ءبىر جاقتى ەتىلگەن ماسەلەلەردىڭ جالپى مولشەرىنىڭ %94.0 ىن ۇستاعان.

كەلۋ قاينارى: حالىق تورابى