ۇكىمەت ىسىنە پايدالانىلاتىن باعدارلامالاردى باسقارۋ تۋرالى جاڭا بەلگىلەمە جاريالاندى

جۋىردا مەملەكەتتىك كەڭەستىڭ كەڭسە مەڭگەرمەسى «ۇكىمەت ىسىنە پايدالانىلاتىن ينتەرنەتتىك باعدارلامالاردى جۇيەلى باسقارۋ ءادىسى» تۋرالى ۇقتىرۋدى باسىپ تاراتقان. مۇندا مىنالار اتاپ كورسەتىلگەن، قۇرعان (پايدالانعان) ورىندار ۇكىمەت ىسىنە پايدالانىلاتىن باعدارلامالاردى قۇرۋ، پايدالانۋ بارىسىن باسقارۋدى جۇيەگە ءتۇسىرۋى كەرەك، مىناداي جاعدايلاردىڭ بايقالۋىنا بولمايدى:

ءبىرىنشى، نەگىزگى ساتىداعىلاردى كەستە تولتىرۋعا، ساناق جولداۋعا، ماتەريال تاپسىرۋعا قالاعانىنشا ورنالاستىرۋ نەمەسە قايتالاي ورنالاستىرۋ؛

ەكىنشى، اماندىق ساقتاۋ، شۇعىل جاعدايعا توتەپ بەرۋ قاتارلى ەرەكشە جاعدايلارعا قاتىستى بەلگىلەمەلەردەن سىرت، ۇكىمەت ىسىنە پايدالانىلاتىن باعدارلامالارعا تىزىمدىك الۋ، العان ءنومىرىن قاتارعا تۇرعىزۋ، قولدانعان ۋاقىتىنىڭ ۇزاقتىعىن ساناققا الۋ قاتارلى ءماجبۇرلى سيپاتتاعى فۋنكتسيالاردى ورنالاستىرۋ؛

ءۇشىنشى، ۇكىمەت ىسىنە پايدالانىلاتىن باعدارلامالاردى ورناتۋدى، پايدالانۋدى جالپىلاستىرۋعا ماجبۇرلەۋ، قولدانۋشىلاردىڭ قولفونعا ورناتۋ، پايدالانۋ مولشەرىن باعالاۋ مازمۇنىنا ەنگىزۋ، جالپىعا حابارلاندىرۋ، مەرزىم سايىن تىركەلۋدى قاتاڭ تالاپ ەتۋ؛

ءتورتىنشى، ۇكىمەت ىسىنە پايدالانىلاتىن باعدارلامالاردى قىزمەتتى كۇندەلىكتى باعالاۋدىڭ، ينتەرنەت ارقىلى قۋزاۋ مەن تەكسەرۋ جۇرگىزۋدىڭ باستى ارناسىنا اينالدىرىپ، قۇپتاۋ مولشەرى، ينتەرنەتتە داۋىس بەرۋ مولشەرى، جوتكەۋ مولشەرى، ۇيرەنۋ ۋاقىتىنىڭ ۇزىن – قىسقالىعى قاتارلىلاردى باعالاۋدىڭ نەگىزى ەتۋ، قاجەتسىز جاعدايدا قاراستى ورىندار مەن نەگىزگى ساتىداعى ورىنداردان ۇكىمەت ىسىنە پايدالانىلاتىن باعدارلامالار ارقىلى قىزمەتكە قاتىستى سۋرەتتەردى، كەسكىندەردى جانە قىزمەت بارىسىن شىعارۋدى تالاپ ەتۋ.

كەلۋ قاينارى: حالىق تورابى