14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 21 - ءماجىلىسى بەيجيڭدە جابىلدى

«حالىق گازەتى»، 2 - ايدىڭ 26 - كۇنى، بەيجيڭ (ءتىلشى پىڭ بو). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 21 - ءماجىلىسى 2 - ايدىڭ 26 - كۇنى تۇستەن كەيىن بەيجيڭدەگى حالىق سارايىندا جابىلدى. جيىن داۋىسقا سالۋ ارقىلى ۋاڭ شياڭشيدى شۇعىل جاعدايعا توتەپ بەرۋدى باسقارۋ مينيسترلىگىنىڭ مينيسترى مىندەتىنەن قالدىرۋدى ۇيعاردى. مەملەكەت ءتوراعاسى شي جينپيڭ 69 - ءنومىرلى ءتوراعا بۇيرىعىنا قول قويدى. كوميتەت باستىعى جاۋ لىجي جابىلۋ جيىنىن باسقاردى.

تۇراقتى كوميتەت قۇرامىنداعىلاردان 155 ادام جيىنغا قاتىناستى، جيىنغا قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

ءماجىلىس مەملەكەتتىك حالىق قۇرىلتايى تۇراقتى كوميتەتى قىزمەت بايانداماسىنىڭ نۇسقاسىن پرينسيپتىك جاقتان ماقۇلدادى. كوميتەت باستىقتارى ءماجىلىسى كوميتەت باستىعى جاۋ لىجيدىڭ تۇراقتى كوميتەت اتىنان 14 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە قىزمەتتەن بايانداما جاساۋىن ۇسىنىس ەتتى.

ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ زاڭدى اداقتاۋ قىزمەتىنىڭ جاعدايى جانە قاتىستى زاڭدار مەن قاۋلىلاردى ءبىر جاقتى ەتۋ پىكىرى جونىندەگى بايانداما نۇسقاسىن پرينسيپتىك جاقتان ماقۇلدادى. كوميتەت باستىقتارى ءماجىلىسى 14 - كەزەكتى مەملەكەتتىك حالىق قۇرىلتايىنىڭ 4 - ماجىلىسىندە بۇل باياندامانى جازباشا قاراۋدى ۇسىنىس ەتتى.

ءماجىلىس مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن داۋىسقا سالىپ ماقۇلدادى.

ءماجىلىس داۋىسقا سالۋ ارقىلى جياڭ چىڭحۋانى مەملەكەتتىك حالىق قۇرىلتايى سىرتقى ىستەر كوميتەتىنىڭ مۇشەلىك مىندەتىنەن قالدى، ياڭ حىچيڭدى مەملەكەتتىك حالىق قۇرىلتايى تۇراقتى كوميتەتى زاڭ - ءتۇزىم قىزمەتى كوميتەتى مەڭگەرۋشىسىنىڭ ورىنباسارلىغىنا تاعايىندادى.

ءماجىلىس داۋىسقا سالۋ ارقىلى ليۋ شاۋەيۇندى جۇڭگو حالىق ازاتتىق ارمياسى اسكەري سوت مەكەمەسىنىڭ باستىعى مىندەتىنەن قالدىردى.

ءماجىلىس باسقا دا مىندەتكە تاعايىنداۋ، مىندەتىنەن قالدىرۋ جوبالارىن داۋىسقا سالىپ ماقۇلدادى.

ءماجىلىس 14 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ كەڭەستىك ءتارتىپ جوباسىن، ءتوراعالار القاسىنىڭ قۇرامىنداعىلاردىڭ جانە باس حاتشىسىنىڭ ەسىمدىگى جوباسىن داۋىسقا سالىپ ماقۇلدادى، 14 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ دايىندىق جيىنىنىڭ قاراۋىنا ۇسىنۋدى ۇيعاردى؛ 14 - كەزەكتى مەملەكەتتىك حالىق قۇرىلتايىنىڭ 4 - ماجىلىسىنە سىرتتاي قاتىناساتىنداردىڭ ەسىمدىگى سياقتىلاردى داۋىسقا سالىپ ماقۇلدادى.

مەملەكەتتىك حالىق قۇرىلتايى تۇراقتى كوميتەتى باستىغىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭجياڭسۇن، شوكىرات زاكىر، باس حاتشى ليۋ چي ماجىلىسكە قاتىناستى.

مەملەكەتتىك كەڭەس زۇڭليىنىڭ ورىنباسارى حى ليفىڭ، ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ، مەملەكەتتىك باقىلاۋ - تەكسەرۋ كوميتەتىندەگى جاۋاپتى جولداستار، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، تەتە ولكە دارەجەلى ءىشىنارا قالالاردىڭ حالىق قۇرىلتايى تۇراقتى كوميتەتتەرىندەگى نەگىزگى جاۋاپتى جولداستار، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.

جابىلۋ جيىنىنان كەيىن، 14 - كەزەكتى مەملەكەتتىك حالىق قۇرىلتايى تۇراقتى كوميتەتى 21 - رەتكى ارناۋلى تاقىرىپتاغى لەكسياسىن جاسادى، كوميتەت باستىعى جاۋ لىجي باسقاردى. جيلين داشۋەسىنىڭ فيلوسوفيا، قوعامدىق عىلىمدار بويىنشا بەدەلدى پروفەسسورى، جۇڭگو زاڭ عىلىمى قوعامى زاڭ عىلىمى تاربيەسىن زەرتتەۋ قوعامىنىڭ باستىعى جاڭ ۋىنشيان «شي جينپيڭنىڭ زاڭمەن جونگە سالۋ يدەياسىن ىشكەرىلەي ۇيرەنىپ، دايەكتىلەندىرەيىك» دەگەن تاقىرىپتا لەكسيا جاسادى.