شي جينپيڭ سۋ لينمەن بىرگە جۇڭگو - ۆيەتنام جاستارىنىڭ ۋاكىلدەرىمەن كەزدەستى

4 - ايدىڭ 15 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋ لينمەن بىرگە ”قىزىل ءتۇستى زەرتتەۋ - ۇيرەنۋ ساپارىنا“ قاتىناسقان جۇڭگو - ۆيەتنام جاستارىنىڭ ۋاكىلدەرىمەن كەزدەستى.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

شينحۋا اگەنتتىگى، 4 - ايدىڭ 15 - كۇنى، بەيجيڭ (تىلشىلەر دۇڭ شۋە، فىڭ شينران). 4 - ايدىڭ 15 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ حالىق سارايىندا جۇڭگوعا مەملەكەتتىك ساپارمەن كەلگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋ لينمەن بىرگە ”قىزىل ءتۇستى زەرتتەۋ - ۇيرەنۋ ساپارىنا“ قاتىناسقان جۇڭگو - ۆيەتنام جاستارىنىڭ ۋاكىلدەرىمەن كەزدەستى.

شي جينپيڭ ءسوز سويلەپ، مىنالاردى ءبىلدىردى: بىلتىر باس شۋجي سۋ لينمەن بىرگە ”قىزىل ءتۇستى زەرتتەۋ - ۇيرەنۋ ساپارى“ نىسانىن باستادىق، ءبىر جىلدان بەرى ەكى ەل جاستارى جۇڭگو - ۆيەتنام دوستىعىنىڭ قىزىل گەنىن بىرگە قاراستىرىپ، جۇڭگو ۇلگىسىندەگى وسىزامانداندىرۋدىڭ سان الۋان رايىن سەزىنىپ، جۇڭگونىڭ جەر - جەرىندە ءوزارا ۇيرەنىپ، ءوزارا ۇلگى الاتىن، ءبىرىن - ءبىرى بىلەتىن، ءبىرىن - ءبىرى جاقىن تارتاتىن كوپتەگەن اسەرلى حيكايالار قالدىردى. تاياۋدا مەن ۆيەتنامنىڭ حانوي مەملەكەتتىك داشۋەسىنە قاراستى شەتەل ءتىلى ورتا مەكتەبى سياقتى مەكتەپتەردەگى وقۋشىلاردىڭ جۇڭگو تىلىندە جازعان حاتىن تاپسىرىپ الدىم، ولار ”قىزىل ءتۇستى زەرتتەۋ - ۇيرەنۋ ساپارىنا“ قاتىناسقانداعى تەرەڭ اسەرلەرىمەن ءبولىسىپ، جۇڭگو - ۆيەتنام دوستىعىنىڭ جالعاستىرۋشىسى جانە تاراتۋشىسى بولۋعا بەل بايلاعاندىقتارىن ءبىلدىرىپتى، بۇعان قاتتى ءسۇيىندىم.

شي جينپيڭ بىلاي دەپ باسا دارىپتەدى: جاستار − قوعامنىڭ دامۋىن، العا باسۋىن ىلگەرىلەتەتىن جالىندى كۇش، سونداي - اق جۇڭگو، ۆيەتنام ەكى پارتيانىڭ، ەكى ەلدىڭ ىستەرىن ۇرپاقتان - ۇرپاققا جالعاپ كەلە جاتقان ءىزباسارلار. مەن كوپشىلىكتەن مىناداي ءۇش ءتۇرلى ءۇمىت كۇتەمىن: ءبىرىنشى، ءوزارا قارايلاسىپ، ءبىر - بىرلەرىڭىزگە كومەكتەسىپ، جۇڭگو مەن ۆيەتنامنىڭ ”جولداس ۇستىنە باۋىرلاستىق“ تەرەڭ سۇيىسپەنشىلىگىنىڭ جاستىق جالىنىن قاۋلاتىڭىزدار؛ ەكىنشى، جاۋاپكەرشىلىكتى باتىل ارقالاپ، جاستىق ورالدارىڭىزدىڭ ومىرشەڭدىك كۇشى مەن جاسامپازدىق قۋاتى ارقىلى جاڭالىق اشۋدىڭ، ەسىك اشۋدىڭ، سەلبەسۋدىڭ، تەڭ يگىلىككە كەنەلۋدىڭ تىڭ تولقىنىن كوتەرىڭىزدەر؛ ءۇشىنشى، دۇنيە ءجۇزىن كوكەيدە ساقتاپ، ادامزاتتىڭ تاعدىرلاس ورتاق تۇلعاسىن قۇرۋدىڭ ۇزدىك قوسىنى بولۋعا قۇلشىنىپ، ادامزاتتىڭ العا باسۋ ىستەرىنە جاستىق كوكتەمنىڭ كۇش - قۋاتىن ارناڭىزدار.

سۋ لين مىنالاردى ءبىلدىردى: ”قىزىل ءتۇستى زەرتتەۋ - ۇيرەنۋ ساپارى“ باستالعان ءبىر جىلدان بەرى ۆيەتنام جاستارىنان مىڭنان استام ادام اعا بۋىن باسشىلاردىڭ ءىزىن بويلاپ جۇڭگوداعى قىزىل ەسكى جۇرتتارعا بارىپ، ەكى ەلدىڭ توڭكەرىستىك ءداستۇرىن جانە تەرەڭ دوستىعىن ءتۇسىندى. جاستار _ ۆيەتنام، جۇڭگو ەكى پارتياسى، ەكى ەلى قارىم - قاتىناسىنىڭ ماڭىزدى كوپىرى، ەكى ەل جاستارىنىڭ مۇرات - سەنىمىن ونان ارى بەكەمدەپ، ساياسي قابىلەتىن جوعارىلاتىپ، عىلمي بىلىمدەردى يگەرىپ، ۆيەتنام - جۇڭگو قارىم - قاتىناسى جونىندەگى تانىمىن تەرەڭدەتىپ، ءوز ەلدەرىنىڭ دامۋى مەن ەكى ەلدىڭ دوستىعىن دامىتۋدا ماڭىزدى رول اتقارۋىن ءۇمىت ەتەمىن.

”قىزىل ءتۇستى زەرتتەۋ - ۇيرەنۋ ساپارى“ قيمىلىنا قاتىناسقان ۆيەتنام جاقتىڭ 200 دەن استام جاستار ۋاكىلى مەن جۇڭگو جاقتىڭ 100 دەن استام جاستار ۋاكىلى وسى رەتكى قيمىلعا قاتىناستى. ەكى ەل جاستارى ەكى جاق باسشىلارىنىڭ ماڭىزدى سوزىنە قىزۋ قول شاپالاق سوقتى.

”قىزىل ءتۇستى زەرتتەۋ - ۇيرەنۋ ساپارى“ قيمىلىن باس شۋجي، مەملەكەت ءتوراعاسى شي جينپيڭ 2025 - جىلى 4 - ايدا ۆيەتنامدا ساپاردا بولعان كەزىندە سۋ لينمەن بىرگە جاريالادى، مۇنداعى ماقسات − ەكى ەل جاستارىن ەكى ەلدىڭ اعا بۋىن باسشىلارىنىڭ توڭكەرىس ىزىمەن جۇڭگو - ۆيەتنام دوستىعىنىڭ قىزىل گەنىن قاراستىرىپ، ەكى ەلدىڭ سوتسياليزم ىستەرىنە جانە ستراتەگيالىق مانگە يە جۇڭگو - ۆيەتنام تاعدىرلاس ورتاق تۇلعاسىن قۇرۋعا جاستىق كوكتەمىن ۇيىستىرۋعا شابىتتاندىرۋ.

ساي چي، ۋاڭ ي، يىن لي، ۋاڭ شياۋحۇڭ قاتارلىلار قاتىناستى.

كەلۋ قاينارى: حالىق تورابى