شي جينپيڭ مەن حانىمى سۋ لين جانە حانىمىمەن ىقىلاسپەن قوشتاستى

4 - ايدىڭ 15 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋ لين جانە حانىمى ۋ فاڭليمەن ىقىلاسپەن قوشتاستى.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

شينحۋا اگەنتتىگى، 4 - ايدىڭ 15 - كۇنى، بەيجيڭ. 4 - ايدىڭ 15 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ مەن حانىمى پىڭ لييۋان جۇڭگوعا مەملەكەتتىك ساپارمەن كەلگەن ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى سۋ لين جانە حانىمى ۋ فاڭليمەن ىقىلاسپەن قوشتاستى.

شي جينپيڭ بىلاي دەدى: بۇگىن مەن باس شۋجي، مەملەكەت ءتوراعاسى سۋ لينمەن بىرگە ورتاق كوڭىل ءبولىپ وتىرعان جالپى جاعدايلىق، ستراتەگيالىق ماسەلەلەر جونىندە ۇزاق، ىشكەرىلەي پىكىر اۋىستىرىپ، كوپتەگەن جاڭا، ماڭىزدى ورتاق تانىمعا كەلدىك. مەن مىنانى ايقىن سەزىندىم: جۇڭگو مەن ۆيەتنام _ تۇگەلدەي سوتسياليستىك مەملەكەتتەر، ءبىز وسى جولدا بەلگىلەنگەن بەتالىستى بويلاپ ۇزدىكسىز تاباندىلىقپەن العا ىلگەرىلەپ، سوتسياليزم ىستەرىنىڭ تاعدىرلاس ورتاق تۇلعاسى بولۋىمىز كەرەك؛ ءبىز بەينەت پەن زەينەتتى بىرگە وتكەرگەن جاقسى كورشىلەرمىز، وسىزاماندانۋعا بىرگە ۇمتىلۋدامىز، وسىزامانداندىرۋدى جۇزەگە اسىرۋدىڭ تاعدىرلاس ورتاق تۇلعاسى بولۋىمىز كەرەك؛ ءبىز دۇنيە ءجۇزىنىڭ ۇلى بىرلىگىن دارىپتەيمىز، دۇنيە ءجۇزىنىڭ 100 جىلدىق وزگەرىسى جاعدايىندا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەتىن سەرىكتەر بولۋىمىز كەرەك. ەرتەڭ گۋاڭشيگە ساپارعا اتتانىپ، جۇڭگونى تاعى دا ىشكەرىلەي تۇسىنەسىز.

ءبىز ۆيەتنام جاقپەن بىرگە قۇلشىنىپ، جۇڭگو - ۆيەتنام تاعدىرلاس ورتاق تۇلعاسى قۇرىلىسىنىڭ جوعارى قارقىنمەن دامۋدىڭ جەدەل ارناسىنا تۇسۋىنە جەتەكشىلىك ەتۋدى قالايمىز.

سۋ لين باس شۋجي، مەملەكەت ءتوراعاسى شي جينپيڭنىڭ جانە جۇڭگو جاقتىڭ ۆيەتنام جاقتىڭ جوعارى دارەجەلى ۋاكىلدەر ۇيىرمەسىن جولداس ۇستىنە باۋىرلاستىق ىستىق ىقىلاسپەن كۇتىپ العاندىعىنا العىس ايتتى. سۋ لين مىنالاردى ءبىلدىردى: جۇڭگو جاق ءبىر قىدىرۋ ەرەكشە ورنالاستىرۋ جاساپ، ۆيەتنام جاققا دەگەن ەرەكشە دوستىق سۇيىسپەنشىلىگىن ايگىلەدى، ۆيەتنام جاقتى تەرەڭ اسەرلەندىردى. قازىر ۆيەتنام - جۇڭگو قارىم - قاتىناسى تاريحتاعى ەڭ جاقسى مەزگىلدە تۇر، وسى رەتكى ساپاردا كوپتەگەن ماڭىزدى ورتاق تانىمعا كەلدىك، كوپتەگەن سەلبەستىك كەلىسىمىنە قول قويىلدى، بۇگىنگە دەيىنگىسى تولىق تابىسقا قول جەتتى. بۇل جولى ءبىز باس شۋجي شي جينپيڭ جولداس العا قويعان ءبىر قىدىرۋ كەلەلى نازاريالاردىڭ اتقارىلۋىنا ءارى كەلەلى تابىستارعا قول جەتكىزۋىنە كۋا بولدىق. ۆيەتنام جاق جۇڭگو جاقپەن بىرگە دايەكتىلەندىرۋدى، تياناقتاندىرۋدى جاپپاي ويداعىداي يگەرىپ، وسى رەتكى ساپاردا كەلىسىلگەن ماڭىزدى ورتاق تانىمدى ەكى جاقتىڭ دوستىق سەلبەستىگىن ىلگەرىلەتۋدىڭ جاڭا قوزعاۋشى كۇشىنە اينالدىرىپ، ەكى ەلدىڭ اناعۇرلىم زور دامۋدى جۇزەگە اسىرۋىن جەبەپ، اناعۇرلىم جوعارى دەڭگەيدەگى ستراتەگيالىق مانگە يە تاعدىرلاس ورتاق تۇلعا قۇرۋعا قاراي تىڭ قادام تاستاۋدى قالايدى.

ساي چي، ۋاڭ ي قاتارلىلار قاتىناستى.

كەلۋ قاينارى: حالىق تورابى