اۋىل شارۋاشىلىعى جانە اۋىل – قىستاق مينيسترلىگى تيىم سالىنعان جانە شەكتەمە قويىلعان اۋىل شارۋاشىلىعى دارىلەرىن زاڭسىز ءوندىرۋ، تيجارات ەتۋ، پايدالانۋ ارەكەتتەرىن شوعىرلى جونگە سالادى 

حالىق گازەتىنىڭ ءتىلشىسى يۇي جيڭشيان 4 – ايدىڭ 16 – كۇنى بەيجيڭنەن حابارلايدى. اۋىل شارۋاشىلىعى جانە اۋىل – قىستاق مينيسترلىگى 4 – ايدىڭ 15 – كۇنى بەينە كەسكىن ءماجىلىسىن اشىپ، بۇكىل ەلىمىز كولەمىندە تيىم سالىنعان جانە شەكتەمە قويىلعان اۋىل شارۋاشىلىعى دارىلەرىن زاڭسىز ءوندىرۋ، تيجارات ەتۋ، پايدالانۋ ارەكەتىن شوعىرلى جونگە سالۋ جونىندە ورنالاستىرۋ جاسادى. تيىم سالىنعان جانە شەكتەمە قويىلعان اۋىل شارۋاشىلىعى دارىلەرىن زاڭسىز ءوندىرۋ، تيجارات ەتۋ، پايدالانۋ سىندى قىلمىستىق ارەكەتتەرگە قاتاڭ سوققى بەرىپ، اۋىل شارۋاشىلىعى دارىلەرى بازارىنىڭ ورتاسىن تازالاپ، مەملەكەتتىڭ استىق حاۋىپسىزدىگى مەن اۋىل شارۋاشىلىق ونىمدەرىنىڭ ساپالىق حاۋىپسىزدىگىنە كەپىلدىك ەتۋگە پارمەندى تىرەك ازىرلەيدى.

شوعىرلى جونگە سالۋ قىزمەتى بارىسىندا ”زاڭسىز ءوندىرۋ، زاڭسىز ساتۋ، زاڭسىز قوسپا قوسۋ“ جاعىنا نازاردى شوعىرلاندىرىپ، اۋىل شارۋاشىلىعى دارىلەرىن ءوندىرۋ - ساتۋ نەگىزگى تۇلعالارىن تۇگەلدەي تەكسەرىپ، اۋىل شارۋاشىلىعى دارىلەرى ونىمدەرىن باقىلاۋ – باسقارۋ جانە ۇلگى الىپ تەكسەرۋ تەبىنىن كۇشەيتىپ، اشىق تەكسەرۋ جانە جاسىرىن تەكسەرۋ قىزمەتىن ورىستەتىپ، ماسەلەلەر تىزىمدىگىن رەتتەپ، تۇرگە ءبولىپ زاڭ بويىنشا جازالاۋدى ىلگەرىلەتىپ، ”ءبىر دەلونى تەكسەرىپ ءبىر جاقتى ەتۋ ارقىلى ءبىر توبىن تىكسىندىرۋ“ سىندى ونىمدىلىككە قول جەتكىزەدى. سونىمەن بىرگە، جەرگىلىكتى ورىنداردىڭ جاۋاپكەرشىلىگىن مۇقيات تياناقتاندىرىپ، مينيسترلىك، ولكە، قالا، اۋدانداردىڭ جان - جاقتى بىرلەسىپ ارەكەتتەنۋىن، رايون اتتاپ، تاراۋ اتتاپ سايكەسۋدى كۇشەيتىپ، قىزمەتتە بىرلەسكەن كۇش قالىپتاستىرادى.

كەلۋ قاينارى: حالىق تورابى