قاتارعا تۇرعىزىلعان تىزىمدىگى جاريالاندى! شينجياڭداعى كوپتەگەن جوعارى مەكتەپتەردىڭ تىزىمدىكتەگى ورنى جوعارىلاعان 

2026 – جىلعى رۋانكى جۇڭگو جوعارى مەكتەپتەرىنىڭ قاتارعا تۇرعىزىلعان تىزىمدىگى 4- ايدىڭ 15 – كۇنى جاريالاندى، بيىل شينجياڭنان جيىنى 16 جوعارى مەكتەپ تىزىمدىككە ەنگىزىلگەن، مۇنىڭ ىشىندە 11 جوعارى مەكتەپ نەگىزگى تىزىمدىككە، اتاپ ايتقاندا، ۋنيۆەرسال جوعارى مەكتەپتەر تىزىمدىگىنە ەنگىزىلگەن، 5 جوعارى مەكتەپ ءپان ءتۇرى بويىنشا جاسالعان تىزىمدىككە ەنگىزىلگەن.

باستى تىزىمدىكتە شينجياڭداعى ”قوس ۇزدىك“ قۇرىلىسىنداعى جوعارى مەكتەپتەردەن ەكى مەكتەپ — شينجياڭ داشۋەسى مەن شىحىزى داشۋەسى بۇكىل ەلىمىز بويىنشا 200 ۇزدىك جوعارى مەكتەپ اراسىنداعى ورنىن تۇراقتى ساقتاپ، جەكە – جەكە 131 – ورىنعا جانە 135 – ورىنعا جايعاستى. مۇنىڭ ىشىندە، شىحىزى داشۋەسى ورنىقتىلىق بارىسىندا ىلگەرىلەۋىن ساقتاپ، بىلتىرعىمەن سالىستىرعاندا 5 ورىن ورلەگەن. مۇنان سىرت، تاعى 4 جوعارى مەكتەپ بۇكىل ەلىمىز بويىنشا 500 ۇزدىك جوعارى مەكتەپ قاتارىنا وتكەن، ولار جەكە – جەكە شينجياڭ پەداگوگيكا داشۋەسى، شينجياڭ اۋىل شارۋاشىلىعى داشۋەسى، تارىم داشۋەسى، ىلە پەداگوگيكا داشۋەسى. ايتۋعا تاتيتىنى، شينجياڭ پەداگوگيكا داشۋەسى بىلتىرعىمەن سالىستىرعاندا كورنەكتى ىلگەرىلەپ، 33 ورىن جوعارىلاعان.

كەلۋ قاينارى: حالىق تورابى