ءاربىر ادامعا قاتىستى! ورتالىق كوميتەتتىڭ قۇپيالىقتى ساقتاۋ كوميتەتىنىڭ كەڭسەسى (مەملەكەتتىك قۇپيالىقتى ساقتاۋ مەكەمەسى) ۇگىتتىك فيلمدى جاريالادى 

ساۋساقپەن جەڭىل ءتۇرتىپ قانا بۇكىل الەممەن بايلانىس جاساۋعا بولاتىن، جاساندى زەردە ارقىلى ءتۇرلى نارسەلەردى جاساپ شىعارۋعا بولاتىن سيفرلى – زەردەلى داۋىردە، ءبىز بارشا عالامنىڭ ءبىر – بىرىمەن بايلانىسىنىڭ قولايلىلىعىنان يگىلىكتەنۋدەمىز. ءبىراق نازار اۋداردىڭىز با؟ ەكراندى جەڭىل تۇرتكەن ساتتە، ”قۇپيالىقتىڭ“ شەگى دە بارعان سايىن بۇلىڭعىرلانا تۇسەدى، اقپارات قانشالىقتى قولايلى بولعان سايىن، ”قۇپيالىق“ سونشالىقتى نازىك بولادى.

ەكراندى ءبىر رەت جاي عانا ءتۇرتۋ، جەكەلىك قۇپيالىقتى اشكەرەلەۋى مۇمكىن؛

ونىمدىلىكتى جوعارىلاتۋ ماقساتىنداعى ”جاساندى زەردە كومەگى“، اشىق جاريالاۋعا بولمايتىن ساندى مالىمەتتەردى ۇلكەن مودەلگە بەرۋى مۇمكىن؛

ءبىر رەت دوستىق شەڭبەرگە جاي عانا ماقتانىپ جاريالاعان، جوتكەگەن مازمۇن، قۇپيالىققا ساياتىن قۇجاتتاعى اقپاراتتاردىڭ ”ابايسىزدا شەكارادان شىعۋىنا“ اپارىپ سوعۋى مۇمكىن.

ساۋساق ۇشىمەن بۇكىل الەممەن بايلانىس جاساعان ساتىڭىزدە، كوڭىلىڭىزدەگى حاۋىپسىزدىك شەگىن قورعاۋدى ۇمىتپاڭىز.

4 – ايدىڭ 16 – كۇنى، ورتالىق كوميتەتتىڭ قۇپيالىقتى ساقتاۋ كوميتەتىنىڭ كەڭسەسى (مەملەكەتتىك قۇپيالىقتى ساقتاۋ مەكەمەسى) قۇپيالىقتى ساقتاۋ جونىندەگى «قاس پەن كوزدىڭ اراسى» اتتى الەۋمەتتىك ۇگىتتك فيلمدى جاريالادى. ول ءاربىر ازاماتقا مىنانى ەسكەرتەدى: قايدان كەلگەنى بەلگىسىز ەكى ولشەمدى كودتى جايمالاعاندا، تۋىندامالى جاساندى زەردەدەن كومەك سۇراعاندا، الەۋمەتتىك جەلىلەردەن پايدالانعاندا، ءتىپتى الاقانداي ەكراندى ساۋساقپەن ءتۇرتىپ قانا قولايلىلىقتان پايدالانعان كەزىڭىزدە، حاۋىپسىزدىك پەن قۇپيالىقتى ساقتاۋ تانىمىن كۇشەيتۋدى ۇمىتپاي، مەملەكەت قۇپيالىعىنىڭ حاۋىپسىزدىگىن بىرگە قورعاڭىز!

كەلۋ قاينارى: حالىق تورابى