ءبىر ميلليون 56 مىڭ دانا بەلەتتى شىعارۋدان باس تارتتى

حالىق گازەتىنىڭ ءتىلشىسى لي شينپيڭ 4 - ايدىڭ 19 – كۇنى بەيجيڭنەن حابارلايدى. ءتىلشىنىڭ جۇڭگو تەمىر جولى 12306 تەحنيكالىق ورتالىعىنان ۇعىسۋىنشا: تەمىر جول 12306 جۇيەسى بوتەن ويمەن بەلەتتى تالاسا ساتىپ الۋ ارەكەتىن ۇزدىكسىز پارىقتاپ، تەجەپ، بەلەت الۋ ورتاسىنىڭ ءادىل دە ادىلەتتى بولۋىن جۇزەگە اسىرۋعا قۇلشىنۋدا. ”1 – مامىر“ دەمالىسىنىڭ پويەز بەلەتى ساتىلا باستاعاننان بەرى، تەمىر جول 12306 جۇيەسى ءىرى ساندى مالىمەتتەرگە تالداۋ جاساۋ جانە حاۋىپسىزدىكتى تىزگىندەۋ تەحنيكاسىن قولدانىپ، وزىنەن باسقا ادامدارعا ءجيى بەلەت الاتىن 12306 تىركەلگىلەرى مەن وزىنەن باسقا ادامعا الىنعان بەلەتتەرگە ءجيى اقى تولەيتىن ەسەپ نومىرلەرىنىڭ قالىپسىز ارەكەتتەرىن دالمە - ءدال تانىپ، قاتىستى تەحنيكالىق شەكتەۋ شارالارىن جالعاستى قولدانىپ، قالىپسىز ارەكەت ساقتالعان 12306 تىركەلگىلەرىن قارقىنى باياۋ قاتارعا قوسىپ، قالىپسىز ارەكەت ساقتالعان اقى تولەيتىن ەسەپ نومىرلەرىنە بەلەت شىعارۋدان باس تارتقان. وسىنداي 12306 تىركەلگىلەرى بەلەت العاندا كۇتۋ كۇيىن كورسەتەدى، اقى تولەيتىن ەسەپ نومىرلەرى اقى تولەگەندە بەلەت الۋ ءساتسىز بولدى دەپ ەسكەرتەدى.

4 –ايدىڭ 16 - كۇنى ساعات 0:00 دەن 4 - ايدىڭ 18 - كۇنى ساعات 24:00 كە دەيىنگى 3 كۇن ىشىندە، تەمىر جول 12306 جۇيەسى جيىنى 5 ميلليون 640 مىڭ ساۋدانى قارقىنى باياۋ قاتارعا قوسىپ، 704 مىڭ ساۋدا بارىسىندا بەلەت شىعارۋدان باس تارتىپ، جيىنى ءبىر ميلليون 56 مىڭ بەلەتتى شىعارۋدان باس تارتىپ، بوتەن ويمەن بەلەتكە تالاسۋ ارەكەتىن ءونىمدى تەجەگەن.

تەمىر جول تاراۋلارى مىناداي ۇسىنىس بەرەدى: بەلەتتى، ءسوزسىز، 12306 رەسمي تەكشەسى ارقىلى الىڭىزدار. ”بەلەتكە تالاسۋ دەتالى“ ارقىلى بەلەت العاندا بەلەت الۋدىڭ ءساتتى بولۋ مولشەرى ارتپايدى، قايتا بەلەت الۋ باياۋلايدى نەمەسە ءساتسىز بولادى.

كەلۋ قاينارى: حالىق تورابى