جاراتىلىستىق اپاتتان ساقتانۋ جانە وعان توتەپ بەرۋ قابىلەتىن كۇش سالا جوعارىلاتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قورعاۋ كەرەك

شينحۋا اگەنتىگى، 4 - ايدىڭ 29 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 4 - ايدىڭ 28 - كۇنى تۇستەن كەيىن اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن جوعارىلاتۋ جونىندە 25 - رەت توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: جوعارى ساپالى دامۋ مەن جوعارى دەڭگەيلى حاۋىپسىزدىكتى ءبىر تۇتاس جوسپارلاۋ ستراتەگيالىق تۇرعىسىندا تۇرىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتىن ويداعىداي ىستەۋدىڭ ماڭىزدىلىعىن جىعا تانىپ، جاراتىلىستىق اپاتتان ساقتانۋ، وعان توتەپ بەرۋ قابىلەتىن كۇش سالا جوعارىلاتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قورعاۋ كەرەك.

توسىن جاعدايلارعا توتەپ بەرۋدى باسقارۋ مينيسترلىگى مەملەكەتتىك جاراتىلىستىق اپاتتان ساقتانۋ - باسقارۋدى زەرتتەۋ ورنىنان ياڭ سىچۋان جولداس وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار تۇسىنىكتى مۇقيات تىڭدادى ءارى تالقى جۇرگىزدى.

شي جينپيڭ تۇسىنىك پەن تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: ەلىمىزدىڭ جەرى كەڭ، جاعراپيالىق ورتاسى كۇردەلى، كليماتى الۋان ءتۇرلى، جاراتىلىستىق اپات وڭاي، كوپ تۋىلادى. پارتيا 18 - قۇرىلتايىنان بەرى پارتيا ورتالىق كوميتەتى اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتىن حالىقتىڭ باس اماندىعىنا جانە مەملەكەتتىڭ حاۋىپسىزدىگىنە ساياتىن ءىرى ءىس رەتىندە يگەرۋگە تاباندى بولىپ، تانىمدا بۇرىلىس جاساۋ، ءتۇزىلىس رەفورماسى، جۇيە قۇرىلىسى، قابىلەتتى جوعارىلاتۋ سياقتى جاقتاردا كوپتەگەن ورنالاستىرۋ جاساپ، قالىڭ كادر - جۇرتشىلىقتى باستاپ، ءبىر قىدىرۋ اۋىر، ەرەكشە اۋىر جاراتىلىستىق اپاتتى جەڭدى، قول جەتكەن تابىستاردى دۇنيە ءجۇزى مويىندادى. اپاتتان ساقتانۋ، اپات زيانىن ازايتۋ، اپاتتان قۇتقارۋ قىزمەتىن ويداعىداي ىستەۋدە پارتيانىڭ جاپپاي باسشىلىعىنا، ءسوزسىز، تاباندى بولۋ، حالىقتى بارىنەن جوعارى قويۋعا، ءومىردى بارىنەن جوعارى قويۋعا، تابيعات زاڭدىلىعىنا قۇرمەت ەتۋگە، ساقتانۋدى نەگىز ەتۋگە، رەفورما جاساپ، جاڭالىق اشۋعا، جۇيەلى كوزقاراسقا، قوعامدىق بىرگە باسقارۋعا تاباندى بولۋ كەرەكتىگىن اماليات بارىسىندا تەرەڭ تانىپ جەتتىك.

شي جينپيڭ بىلاي دەپ باسا دارىپتەدى: اپات حاۋىپ - قاتەرىن تومەندەتىپ، اپات زيانىن جەڭىلدەتۋدىڭ ءتۇيىنى الدىن الا ساقتانۋدا. تۋ باستان باسقارۋ - مەڭگەرۋگە تاباندى بولىپ، حاۋىپسىز، يكەمدى بولۋ تالابىن مەملەكەت جەر بايلىعى كەڭىستىك جوباسىنا جانە ءتۇرلى قۇرىلىس جوباسىنا ءسىڭىرۋ كەرەك. كومەسكى قاتەرلەردى ءبىر - بىرلەپ تەكسەرۋدى كۇشەيتىپ، ءتۇرلى اپات حاۋىپ - قاتەرىن جۇيەلى رەتتەۋ، دالمە - ءدال پارىقتاۋ كەرەك. ينجەنەريا باسقارۋدى كۇشەيتىپ، ماڭىزدى قالالار مەن اپات كوپ تۋىلاتىن وڭىرلەردە شەشۋشى نەگىزدىك قۇرىلعىلاردىڭ اپاتتان ساقتانۋ ولشەمىن ۇيلەسىمدى جوعارىلاتىپ، قاتىستى ولقىلىقتاردى جەدەل تولىقتاۋ كەرەك.

شي جينپيڭ بىلاي دەپ اتاپ كورسەتتى: تومەنگى شەك، سوڭعى شەك وي جەلىسىن بەرىك ورناتىپ، اۋىر، ەرەكشە اۋىر اپاتقا توتەپ بەرۋ، ءبىر جاقتى ەتۋ قابىلەتىن ۇزدىكسىز جوعارىلاتۋ كەرەك. اۋىر، ەرەكشە اۋىر اپات حاۋىپ - قاتەرىنە ىشكەرىلەي تۇجىرىم جاساپ، باقىلاۋ - تەكسەرۋدى، ساقتاندىرۋدى كۇشەيتىپ، توسىن جاعدايعا توتەپ بەرۋ جوباسىن كەمەلدەندىرۋ كەرەك. ۇلكەن حاۋىپسىزدىك، توسىن جاعدايعا قاۋىرت توتەپ بەرۋ جۇلگەسىندەگى توسىن جاعدايعا توتەپ بەرۋگە قولباسشىلىق ەتۋ مەحانيزمىن اقاۋسىزداندىرىپ، مەملەكەتتىڭ ءورت ءسوندىرۋ، ورتتەن ساقتانۋ امبەباپ قۇتقارۋ - كومەكتەسۋ قوسىنى مەن مەملەكەتتىڭ وڭىرلىك توسىن جاعدايعا توتەپ بەرۋ، قۇتقارۋ - كومەكتەسۋ ورتالىعى قۇرىلىسىن ىلگەرىلەتۋ كەرەك. جالپىلىق قۇتقارۋ، وتپەلى ورنالاستىرۋ جانە قالپىنا كەلتىرۋ، قايتا قۇرۋ قىزمەتىن ءبىر تۇتاس ويداعىداي ىستەۋ كەرەك.

شي جينپيڭ بىلاي دەپ باسا دارىپتەدى: جاراتىلىستىق اپاتقا توتەپ بەرۋدەگى عىلىم-تەحنيكالىق تىرەكتى جانە زاڭمەن باسقارۋ قامتاماسىزدىعىن كۇشەيتۋ كەرەك. توسىن جاعدايعا توتەپ بەرۋ سالاسىنداعى عىلىم - تەحنيكادا جاڭالىق اشۋدى جانە كاسىپ سالاسىندا جاڭالىق اشۋدى ىلگەرىلەتىپ، توسىن جاعدايعا توتەپ بەرۋ پاندەر قۇرىلىسىن جانە دارىندىلاردى باۋلۋدى كۇشەيتىپ، جاراتىلىستىق اپات جونىندەگى نەگىزدىك زەرتتەۋدى ىشكەرىلەي ورىستەتىپ، حالىقارالىق اۋىس - كۇيىستى، سەلبەستىكتى تەرەڭدەتۋ كەرەك. توسىن جاعدايعا توتەپ بەرۋ سالاسىنداعى زاڭمەن باسقارۋ جۇيەسىن اقاۋسىزداندىرىپ، اپاتتان ساقتانۋدى، اپات زيانىن ازايتۋدى، اپاتتان قۇتقارۋدى زاڭمەن باسقارۋ دەڭگەيىن اناعۇرلىم جوعارىلاتۋ كەرەك.

شي جينپيڭ بىلاي دەپ اتاپ كورسەتتى: نەگىزگى ساتى _ جاراتىلىستىق اپاتقا قارسى تۇرۋداعى ءبىرىنشى شەپ، نەگىزگى ساتىنى يگەرۋ، نەگىزدى كۇشەيتۋ قىزمەتىن باستان - اياق بوساڭسىتۋعا بولمايدى. نەگىزگى ساتىنىڭ توسىن جاعدايعا توتەپ بەرۋ، قۇتقارۋ - كومەكتەسۋ كۇش جۇيەسىن كەمەلدەندىرىپ، توسىن جاعدايعا توتەپ بەرۋ ورىندارى قۇرىلىسىن جانە زاتتىق ماتەريالدارمەن جابدىقتاۋدى قامتاماسىزداندىرۋدى كۇشەيتىپ، جۇمىلا باقىلاۋدى، جۇمىلا ساقتانۋدى، جۇمىلا جونگە سالۋدى ويداعىداي يگەرۋ كەرەك. عىلىم جالپىلاستىرۋ ۇگىت تەبىنىن ارتتىرىپ، جالپى حالىقتىڭ اپاتتان ساقتانۋ، حاۋىپتەن اراشالانۋ تانىمى مەن قابىلەتىن جوعارىلاتۋ كەرەك.

شي جينپيڭ بىلاي دەپ باسا دارىپتەدى: اپاتتان ساقتانۋ، اپات زيانىن ازايتۋ، اپاتتان قۇتقارۋ جاۋاپكەرشىلىگىن تياناقتاندىرۋدى مۇقيات ويداعىداي يگەرۋ كەرەك. جەر - جەر، قاتىستى تاراۋلار ءوز جاۋاپكەرشىلىگىن ادا ەتىپ، ءبىر تۇتاس باسقارۋ مەن ءبولىپ باسقارۋدى ۇشتاستىرۋعا، ساقتانۋ مەن قۇتقارۋدى ۇشتاستىرۋعا، جوعارى مەن تومەن بىرلەسىپ قيمىلداۋعا تاباندى بولىپ، بىرگە يگەرىپ، بىرگە باسقاراتىن، سايكەسە سەلبەسەتىن قىزمەت جاعدايىن قالىپتاستىرۋدى ىلگەرىلەتۋى كەرەك. دۇرىس ناتيجە كوزقاراسىن ورناتىپ جانە امالياتتا ايگىلەپ، دامۋعا ءمان بەرىپ، حاۋىپسىزدىككە نەمقۇرايدى قارايتىن، اپاتتان قۇتقارۋعا ءمان بەرىپ، الدىن الۋعا نەمقۇرايدى قارايتىن نىسايلاردى باتىل تۇزەتۋ كەرەك. تاربيەلەۋدى، باۋلۋدى كۇشەيتىپ، ءار دارەجەلى كادرلاردىڭ اپاتتان ساقتانۋ، اپات زيانىن ازايتۋ، اپاتتان قۇتقارۋ قابىلەتىن جوعارىلاتۋ كەرەك.

كەلۋ قاينارى: حالىق تورابى