شي جينپيڭ شاڭحاي سەلبەستىك ۇيىمىنىڭ جاسىل جانە باياندى دامۋ تالقى مىنبەسىنە قۇتتىقتاۋ حاتىن جولدادى

شينحۋا اگەنتتىگى، 4 - ايدىڭ 29 - كۇنى، بەيجيڭ. 4 - ايدىڭ 29 - كۇنى مەملەكەت ءتوراعاسى شي جينپيڭ شاڭحاي سەلبەستىك ۇيىمىنىڭ جاسىل جانە باياندى دامۋ تالقى مىنبەسىنە قۇتتىقتاۋ حاتىن جولدادى.

شي جينپيڭ بىلاي دەپ اتاپ كورسەتتى: جۇڭگو تۇنىق سۋ، جاسىل تاۋ _ باعالى بايلىق ۇستانىمىن ۇستانىپ، ەكولوگيانى الدىمەن ەسكەرۋ، جاسىل دامۋ جولىمەن بۇلجىماي جۇرەدى، جۇڭگو _ دۇنيە ءجۇزىنىڭ ەكولوگيالىق وركەنيەت قۇرىلىسىنداعى ات سالىسۋشى، ۇلەس قوسۋشى، باستاۋشى.

شي جينپيڭ بىلاي دەپ باسا دارىپتەدى: بيىل _ شاڭحاي سەلبەستىك ۇيىمى قۇرىلعاندىعىنىڭ 25 جىلدىعى، سونداي - اق جۇڭگونىڭ ”15 - بەسجىلدىق“ جوباسىنىڭ باستالعان جىلى. جۇڭگو ءار جاقپەن بىرگە ”شاڭحاي رۋحىن“ اسقاقتاتىپ، ”شاڭحاي سەلبەستىك ۇيىمىنىڭ جاۋاپكەرشىلىك ارقالاۋىن“ ايگىلەپ، ساياساتتاردى ۇشتاستىرۋدى، تاجىريبە اۋىستىرۋدى جانە نىسان سەلبەستىگىن كۇشەيتىپ، دۇنيە جۇزىلىك قورشاعان ورتانى جونگە سالۋ جۇيەسىن كەمەلدەندىرۋدى ىلگەرىلەتىپ، تازا، كوركەم، باياندى دۇنيە ءجۇزىن قول ۇستاسا بىرگە قۇرۋدى قالايدى.

وسى رەتكى تالقى مىنبەسى سول كۇنى جىجياڭنىڭ نيڭبو قالاسىندا اشىلدى، نەگىزگى تاقىرىبى ”دۇنيە جۇزىلىك جونگە سالۋ باستاماسىن امالياتتا ايگىلەپ، شاڭحاي سەلبەستىك ۇيىمىنىڭ جاسىل جانە باياندى دامۋىن بىرگە جەبەۋ“ بولدى، ونى شاڭحاي سەلبەستىك ۇيىمىنىڭ تاتۋ كورشىلىك، دوستىق سەلبەستىك كوميتەتى، ەكولوگيالىق ورتا مينيسترلىگى جانە جىجياڭ ولكەلىك حالىق ۇكىمەتى بىرگە وتكىزدى.

كەلۋ قاينارى: حالىق تورابى