شي جينپيڭ ا ق ش زۇڭتۇڭى ترامپقا ارناپ قارسى الۋ قوناعاسىن وتكىزدى

شينحۋا اگەنتتىگى، 5 - ايدىڭ 14 - كۇنى، بەيجيڭ (تىلشىلەر ۋىن شين، فىڭ شينران). 5 - ايدىڭ 14 - كۇنى كەشتە مەملەكەت ءتوراعاسى شي جينپيڭ بەيجيڭدەگى حالىق سارايىندا قوناعاسى وتكىزىپ، ا ق ش - نىڭ زۇڭتۇڭى ترامپتىڭ جۇڭگوعا ساپارلاي كەلگەندىگىن قارسى الدى.

حالىق سارايىنىڭ التىن ءتۇستى زالىندا شىراقتار سامالاداي جارقىراپ، ەكى ەلدىڭ مەملەكەت باسشىلارى ىلگەرىندى - كەيىندى ارناۋ ءسوز سويلەدى.

شي جينپيڭ بىلاي دەپ اتاپ كورسەتتى: بيىل _ جۇڭگونىڭ ”15 - بەسجىلدىق“ جوباسىنىڭ باستالعان جىلى، ءبىر ميلليارد 400 ميلليوننان استام جۇڭگو حالقى 5000 جىلدان استام جۇڭحۋا وركەنيەتىنىڭ تەرەڭ نەگىزىن تياناق ەتىپ، جوعارى ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدە. بيىل _ ا ق ش - نىڭ تاۋەلسىزدىك العاندىعىنىڭ 250 جىلدىعى، 300 ميلليوننان استام ا ق ش حالقى وتاندى ءسۇيۋ، جاڭالىق اشۋ، ءورىس اشۋ رۋحىن قايتا سەرپىلتىپ، ا ق ش دامۋىنىڭ جاڭا ساپارعا قادام تاستاۋىن ىلگەرىلەتۋدە. جۇڭگو مەن ا ق ش حالقى _ ۇلى حالىق، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدا جانە ا ق ش - نىڭ تاعى دا ۇلى بولۋىن جۇزەگە اسىرۋدا ءبىر - بىرىنە قايشى كەلمەۋگە، ءوزارا تابىسقا جەتۋگە، دۇنيە جۇزىنە باقىت جاراتۋعا ابدەن بولادى.

شي جينپيڭ بىلاي دەپ باسا دارىپتەدى: 55 جىلدىڭ الدىندا جۇڭگو مەن ا ق ش ”ۇستەل دوپ ديپلوماتياسىن“ ورىستەتىپ، جۇڭگو مەن ا ق ش - نىڭ جابىلىپ قالعان 20 نەشە جىلدىق قاقپاسىن اشىپ، قازىرگى زامانعى حالىقارالىق قارىم - قاتىناس تاريحىنداعى كەلەلى ىسكە اينالدى. وسىدان كەيىن جۇڭگو مەن ا ق ش اراسىنداعى كوپتەگەن اشىق سەلبەستىك حيكايالارى دوستىقتىڭ تاماشا اڭگىمەلەرىن ۇزدىكسىز جازدى. جاڭا جاعدايدا مەن ترامپ زۇڭتۇڭمەن كوپ رەت ديدارلاسىپ جانە تەلەفوندا سويلەسىپ، جۇڭگو - ا ق ش قارىم - قاتىناسىنىڭ جالپى تۇلعالىق ورنىقتىلىقتى ساقتاۋىن ىلگەرىلەتتىم. ءبىز ءبىر اۋىزدان بىلاي دەپ قارادىق: جۇڭگو - ا ق ش قارىم - قاتىناسى _ قازىرگى دۇنيە جۇزىندەگى ەڭ ماڭىزدى ەكى جاقتى قارىم - قاتىناس، ونى بۇزۋعا بولمايدى، جاقسارتىپ قانا وتىرۋ كەرەك. ەكى ەل سەلبەسسە ەكى جاققا دا ءتيىمدى، بەلدەسسە ەكى جاققا دا زيان جەتكىزەدى، قارسىلاس ەمەس، سەرىك بولۋعا ءتيىس. ءبىز جۇڭگو مەن ا ق ش - نىڭ سىندارلى ستراتەگيالىق، ورنىقتى قارىم - قاتىناسىن ورناتىپ، جۇڭگو - ا ق ش قارىم - قاتىناسىنىڭ ورنىقتى، اقاۋسىز، باياندى دامۋىن ىلگەرىلەتىپ، دۇنيە جۇزىنە اناعۇرلىم كوپ بەيبىتشىلىك، گۇلدەنۋ، العا باسۋ اكەلۋگە قوسىلامىز.

شي جينپيڭ بىلاي دەپ اتاپ كورسەتتى: جۇڭگو - ا ق ش قارىم - قاتىناسىنىڭ دامۋ بارىسىنا كوز جىبەرسەك، ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ پرينسيبىن ورىنداي الۋ، ورىنداي الماۋ _ ەكى جاقتى قارىم - قاتىناستىڭ ورنىقتى دامي الۋ، دامي الماۋىنىڭ تەتىگى. جۇڭگو - ا ق ش قارىم - قاتىناسى ەكى ەلدىڭ ءبىر ميلليارد 700 ميلليوننان استام حالقىنىڭ باقىتىن ارقالاپ وتىر، دۇنيە جۇزىندەگى 8 ميللياردتان استام حالىقتىڭ مۇددەسىنە سايادى. ءبىز وسى تاريحي اۋىر مىندەتتى بىرگە ارقالاپ، جۇڭگو - ا ق ش قارىم - قاتىناسى سىندى الىپ كەمەنىڭ دۇرىس جولمەن ورنىقتى العا باسۋىن ىلگەرىلەتۋىمىز كەرەك.

ترامپ مىنالاردى ءبىلدىردى: ءتوراعا شي جينپيڭنىڭ جۇڭگوعا ساپارلاي كەلگەنىمدە ىستىق ىقىلاسپەن كۇتىپ العانىنا ەرەكشە العىس ايتامىن. بۇگىن _ تاماشا كۇن، بۇل _ ماڭىزدى ساپار، ەكى جاق بەلسەندى جانە سىندارلى پىكىرلەستى. ا ق ش حالقى مەن جۇڭگو حالقى ءبىر - بىرىنەن پايدا جەتكىزىپ، ءبىر - بىرىنە قۇرمەت ەتەدى، دوستىقتىڭ تامىرى تەرەڭدە جاتىر. ا ق ش - جۇڭگو قارىم - قاتىناسى _ دۇنيە جۇزىندەگى ەڭ ماڭىزدى ەكى جاقتى قارىم - قاتىناس، ەكى ەل سەلبەستىكتى كۇشەيتىپ، دۇنيە جۇزىنە كوركەم بولاشاق جاراتۋى كەرەك.

لي چياڭ، ساي چي، ۋاڭ ي، حى ليفىڭ قاتارلىلار قوناعاسىعا قاتىناستى.

كەلۋ قاينارى: حالىق تورابى