شي جينپيڭ سەربيانىڭ زۇڭتۇڭى ۆۋچيچپەن كەڭەس وتكىزدى

5 - ايدىڭ 25 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن سەربيانىڭ زۇڭتۇڭى ۆۋچيچپەن كەڭەس وتكىزدى. سۋرەتتە: كەڭەستەن بۇرىن شي جينپيڭ مەن حانىمى پىڭ لييۋان ۆۋچيچ پەن حانىمى تامارامەن بىرگە سۋرەتكە تۇسۋدە.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

5 - ايدىڭ 25 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن سەربيانىڭ زۇڭتۇڭى ۆۋچيچپەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا ۆۋچيچتى قارسى الۋ سالتىن وتكىزۋدە.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

«حالىق گازەتى»، 5 - ايدىڭ 25 - كۇنى، بەيجيڭ (ءتىلشى ياڭ چياۋچۋ). مەملەكەت ءتوراعاسى شي جينپيڭ 5 - ايدىڭ 25 - كۇنى تۇستەن كەيىن بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن سەربيانىڭ زۇڭتۇڭى ۆۋچيچپەن كەڭەس وتكىزدى.

شي جينپيڭ بىلاي دەپ اتاپ كورسەتتى: 2024 - جىلى مەن سەربيادا مەملەكەتتىك ساپاردا بولدىم، ەكى جاق جاڭا داۋىردەگى جۇڭگو - سەربيا تاعدىرلاس ورتاق تۇلعاسىنىڭ شىت جاڭا تاراۋىن بىرگە اشتى. 2 جىلدان بەرى جۇڭگو - سەربيا تاعدىرلاس ورتاق تۇلعا قۇرىلىسىندا بەلسەندى جەتىستىكتەرگە قول جەتىپ، ەكى ەل حالقىنا باقىت جاراتۋمەن بىرگە، مەملەكەت پەن مەملەكەت قاتىناسىنىڭ ۇلگىسىن ورناتتى. جۇڭگو مەن سەربيا ەكى ۇلت تا جاپا - ماشاقاتتى، شۇعىلالى ناتيجەلەردى باستان كەشىرگەن، قايسار دا مىزعىماس رۋحاني قاسيەتكە يە، ەكەۋى دە دەربەس، ءوز - وزىنە قوجايىن بولۋعا باتىل تالپىنادى، ۇلتتىڭ ار - نامىسىن قورعايدى، بەيبىت دامۋعا تاباندى بولۋ، ادىلدىككە، تۋراشىلدىققا تاباندى بولۋ جونىندە تەرەڭ تۇسىنىككە يە. ەكى جاق بارىس - كەلىستى كۇشەيتىپ، ءوزارا سەنىمدى بەكەمدەپ، سەلبەستىكتى تەرەڭدەتىپ، ءوزارا قولداۋ كورسەتىپ، قول ۇستاسا تاعدىرلاس بولاتىن، بىرگە گۇلدەنىپ - كوركەيەتىن نۇرلى جولمەن ءجۇرىپ، جۇڭگو مەن سەربيانىڭ جان - جاقتى ستراتەگيالىق سەرىكتەستىك قاتىناسىنىڭ تىڭ بيىككە كوتەرىلۋىن ىلگەرىلەتۋى كەرەك.

شي جينپيڭ بىلاي دەپ باسا دارىپتەدى: جۇڭگو مەن سەربيانىڭ مىزعىماس دوستىعى ەلدەن ەرەك، تەرەڭ تاريحي لوگيكاعا جانە رەال نەگىزگە يە.

ەكى جاق ءبىر - ءبىرىن ۇزدىكسىز تاباندىلىقپەن قولداۋى كەرەك.

جۇڭگو جاق سەربيا جاقتىڭ ءوز ەلىنىڭ جاعدايىنا ۇيلەسەتىن دامۋ جولىمەن جۇرۋگە تاباندى بولۋىن قولدايدى، سەربيا جاقپەن ەل باسقارۋ تاجىريبەلەرىن اۋىستىرۋدى كۇشەيتۋدى قالايدى. جۇڭگونىڭ ”15 - بەسجىلدىق“ جوباسى جوعارى ساپالى دامۋ نىساناسىن جاپپاي ورنالاستىردى، ەكى جاق دامۋ ستراتەگياسىن ۇشتاستىرۋدى كۇشەيتىپ، ”ءبىر بەلدەۋ، ءبىر جولدى“ بىرگە قۇرۋدىڭ ورتا مەزگىلدىك ارەكەت جوسپارىن ويداعىداي تياناقتاندىرىپ، قاتىناس جانە ەنەرگيا نەگىزدىك قۇرىلعىلارى سياقتى سالالارداعى سەلبەستىكتى ۇزدىكسىز ىلگەرىلەتۋى كەرەك. جاڭا عىلىم - تەحنيكا توڭكەرىسى مەن كاسىپ سالاسى وزگەرىسى الدىندا ەكى جاق جاساندى زەردە، سيفرلى ەكونوميكا، جاسىل ەنەرگيا، وزىق جاساۋ سياقتى جاڭادان گۇلدەنگەن سالالارداعى سەلبەستىكتى كۇشەيتىپ، جاڭا ارتۋ تۇيىندەرىن اشۋى كەرەك. بىلتىر ”جۇڭگو - سەربيا حالىقتارى دوستىعىنىڭ 70 جىلى“ جەلىلەس قۇتتىقتاۋ قيمىلدارى قىزۋ اڭىس قوزعادى. ەكى جاق جاستار جانە گۋمانيتارلىق اۋىس - كۇيىستى ۇزدىكسىز كۇشەيتىپ، ”ۆيزاسىز + ەركىن ساۋدا + تىكە اۆياتسيا“ ستەرەولى قۇرىلىمىنان ويداعىداي پايدالانىپ، مادەنيەت، وقۋ - اعارتۋ، دەنە تاربيە، ساياحات، جەرگىلىكتى ورىندار سياقتى سەلبەستىكتەردى جان - جاقتى كەڭەيتىپ، جۇڭگو - سەربيا حالىقتارىنىڭ ءداستۇرلى دوستىعىنا مۇراگەرلىك ەتۋى جانە ونى ويداعىداي ساۋلەلەندىرۋى كەرەك. قازىر حالىقارالىق جاعدايدا وزگەرىس، بىلىقپالىق قاباتتاسى، جۇڭگو مەن سەربيا حالىقارالىق ىستەردە سايكەسۋ مەن سەلبەسۋدى ۇزدىكسىز كۇشەيتىپ، ناعىز كوپ جاقتىلىقتى امالياتتا ايگىلەپ، تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن، جالپىعا ءتيىمدى، سيىسىمدى ەكونوميكانىڭ جاھاندانۋىن ىلگەرىلەتۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن قاجىماي - تالماي قۇلشىنۋى كەرەك.

ۆۋچيچ مىنالاردى ءبىلدىردى: جۇڭگونىڭ ”15 - بەسجىلدىق“ جوبانى ءساتتى جاساعانىن جانە اتقارا باستاعانىن قۇتتىقتايمىن، ءتوراعا شي جينپيڭنىڭ باسشىلىعىندا، جۇڭگونىڭ اناعۇرلىم زور دامۋ جەتىستىكتەرىنە قول جەتكىزەتىنىنە سەنەمىن. سەربيا جۇڭگومەن جالپى بەتتىك ستراتەگيالىق سەرىكتەستىك قاتىناس ورناتقاننان بەرى، ەكى ەلدىڭ قاتىناسى كورنەكتى ىلگەرىلەۋشىلىككە قول جەتكىزىپ، ءار سالاداعى سەلبەستىگى ۇزدىكسىز تەرەڭدەدى. سەربيا مەن جۇڭگو حالقى بەرىك دوستىققا يە. سەربيا حالقى جۇڭگونىڭ سەربيانىڭ تاۋەلسىزدىگى مەن يەلىك ۇقىعىن قورعاپ، دامۋ جولىن دەربەس قاراستىرعانىنا قولداۋ كورسەتكەندىگىن ماڭگى ۇمىتپايدى، جۇڭگو كاسىپورىندارىنىڭ سەربيانىڭ مەملەكەت قۇرىلىسىنا ات سالىسقانىنا ءارى ماڭىزدى ۇلەس قوسقانىنا العىس ايتادى. سەربيا جاق جۇڭگومەن قاتىناستى دامىتۋعا ايرىقشا ءمان بەرەدى، جۇڭگونىڭ وزەكتى مۇددەسىن تيتتەي دە مىزعىماستان باتىل قولدايدى. جۇڭگومەن بىرگە ”ءبىر بەلدەۋ، ءبىر جولدى“ جوعارى ساپادا بىرگە قۇرۋ سەلبەستىگىن تەرەڭدەتىپ، كەلەلى نىساندار قۇرىلىسىن ىلگەرىلەتىپ، گۋمانيتارلىق اۋىس - كۇيىستى جيىلەتىپ، ەكى ەل قاتىناسىنىڭ اناعۇرلىم كوپ ناقتى جەتىستىكتەرگە قول جەتكىزۋىن ىلگەرىلەتۋدى ءۇمىت ەتەمىن. جۇڭگو ءىرى ەل رەتىندە باستان - اياق كىشى ەلگە تەڭ تۇرعىدا قۇرمەت ەتىپ، حالىقارالىق زاڭعا بويسۇنىپ، دۇنيە جۇزىنە ۇلگى كورسەتتى. سەربيا جاق ءتوراعا شي جينپيڭ العا قويعان كەلەلى دۇنيە جۇزىلىك باستامالاردى قولدايدى، جۇڭگو جاقپەن كوپ جاقتى سەلبەستىكتى ۇزدىكسىز كۇشەيتىپ، حالىقارالىق بەيبىتشىلىك پەن ادىلدىكتى، تۋراشىلدىقتى قورعاۋدى قالايدى.

كەڭەستەن كەيىن ەكى ەل مەملەكەت باسشىلارى ساياسي، ەكونوميكا - ساۋدا، عىلىم - تەحنيكا، وقۋ - اعارتۋ، ءادىليا، مادەنيەت سياقتى سالالارداعى 20 نەشە سەلبەستىك قۇجاتىنا قول قويۋعا بىرگە كۋا بولدى.

ەكى جاق «جۇڭحۋا حالىق رەسپۋبليكاسى مەن سەربيا رەسپۋبليكاسىنىڭ جاڭا داۋىردەگى جۇڭگو - سەربيا تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتۋ جونىندەگى بىرلەسكەن مالىمدەمەسىن» جانە «جۇڭحۋا حالىق رەسپۋبليكاسى مەن سەربيا رەسپۋبليكاسىنىڭ ءتورت ءىرى دۇنيە جۇزىلىك باستامانىڭ تياناقتانۋىن بىرگە ىلگەرىلەتۋ جونىندەگى بىرلەسكەن مالىمدەمەسىن» جاريالادى.

كەڭەستىڭ الدىندا شي جينپيڭ مەن حانىمى پىڭ لييۋان حالىق سارايىنىڭ سولتۇستىك زالىندا ۆۋچيچ پەن حانىمى تامارانى قارسى الۋ سالتىن وتكىزدى.

ۆۋچيچ كەلگەن كەزدە قۇرمەت قاراۋىلى ساپ تۇزەپ قۇرمەت ءبىلدىردى.

ەكى ەلدىڭ مەملەكەت باسشىلارى پارات مىنبەسىنە شىقتى، اسكەري وركەستر جۇڭگو مەن سەربيانىڭ مەملەكەت اندەرىن ورىندادى، تيان - انمىن الاڭىندا 21 رەت قۇرمەت ساليۋتى اتىلدى. ۆۋچيچ شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.

سول كۇنى كەشتە شي جينپيڭ مەن پىڭ لييۋان حالىق سارايىنىڭ التىن ءتۇستى زالىندا ۆۋچيچ پەن حانىمىنا قارسى الۋ قوناعاسىن بەردى.

ۋاڭ ي قاتىستى قيمىلدارعا قاتىناستى.

كەلۋ قاينارى: حالىق تورابى