«شي جينپيڭ ەل باسقارۋ جونىندە» 5 - تومىنىڭ فرانسۋز، ورىس، اراب سياقتى تىلدەرىندەگى نۇسقالارى مەن فانتي جازۋىنداعى نۇسقاسى باسپادان شىعىپ تاراتىلدى

شينحۋا اگەنتتىگى، 5 - ايدىڭ 25 - كۇنى، بەيجيڭ. «شي جينپيڭ ەل باسقارۋ جونىندە» 5 - تومىنىڭ فرانسۋز، ورىس، اراب، يسپان، پورتۋگال، نەمىس، جاپون تىلدەرىندەگى نۇسقالارى مەن فانتي جازۋى سياقتى 8 تىلدەگى نۇسقاسى تاياۋدا شەتەل تىلدەرى باسپاسىنان باسپادان شىعىپ، ەل ءىشى - سىرتىنا تاراتىلدى.

«شي جينپيڭ ەل باسقارۋ جونىندە» اتتى كىتاپتىڭ 5 - تومىن ورتالىق كوميتەت ۇگىت ءبولىمى (مەملەكەتتىك كەڭەس اقپارات كەڭسەسى) ورتالىق پارتيا تاريحى جانە قۇجات زەرتتەۋ ورنىمەن، جۇڭگو شەتەل تىلدەرى مەكەمەسىمەن بىرگە رەداكسيالاپ، باس شۋجي شي جينپيڭنىڭ 2022 - جىلى 5 - ايدىڭ 27 - كۇنىنەن 2024 - جىلى 12 - ايدىڭ 20 - كۇنىنە دەيىنگى باياندامالارى، سوزدەرى، لەكسيالارى، ارناۋ سوزدەرى، ماقالالارى، نۇسقاۋلارى سياقتى 91 ماقالانى ەنگىزدى، بۇدان سىرت، باس شۋجي شي جينپيڭنىڭ وسى مەزگىلدەگى 41 سۋرەتى كىرىستىرىلدى. كىتاپ 18 ارناۋلى تاقىرىپقا ءبولىنىپ، قاتاڭ دا كۇردەلى حالىقارالىق ورتا مەن ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل ءىشى جانە حالىقارا سىندى ەكى جالپى جاعدايدى ءبىر تۇتاس جوسپارلاپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، جوعارى ساپالى دامۋدى كۇش سالا ىلگەرىلەتكەندىگىن، رەفورمانى ونان ارى جاپپاي تەرەڭدەتۋدى جوسپارلاپ جانە ىلگەرىلەتىپ، جوعارى دەڭگەيدەگى سىرتقا ەسىك اشۋدى ىلگەرىلەتىپ، قيىندىقتاردى جەڭىپ، ۇدەرە العا تارتىپ، جاپپاي سوتسياليستىك وسىزاماندانعان مەملەكەت قۇرۋدا نىق قادام تاستاۋىنىڭ جاندى امالياتىن ايگىلەپ، ”ەكىنى ۇشتاستىرۋعا“ تاباندى بولۋدىڭ، ماركسيزمنىڭ جۇڭگوشالانۋىن، وسىزاماندانۋىن ىلگەرىلەتۋدىڭ ەڭ جاڭا جەتىستىكتەرىن شوعىرلى تۇردە ايگىلەگەن، پارتيامىزدىڭ ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە قوسقان اقىل - پاراسات جوباسىن تولىق بەينەلەگەن شىعارما بولىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ەڭ جاڭا جەتىستىكتەرىن جان - جاقتى، جۇيەلى بەينەلەيتىن بەدەلدى كىتاپ سانالادى.

«شي جينپيڭ ەل باسقارۋ جونىندە» 5 - تومىنىڭ حانزۋ، اعىلشىن تىلدەرىندەگى نۇسقاسى 2025 - جىلى 7 - ايدا باسپادان شىعىپ تاراتىلعاننان بەرى ەل ءىشى - سىرتىندا قىزۋ اڭىس قوزعادى. «شي جينپيڭ ەل باسقارۋ جونىندە» 5 - تومىنىڭ فرانسۋز، ورىس، اراب سياقتى تىلدەرىندەگى نۇسقالارىنىڭ جانە فانتي جازۋىنداعى نۇسقالارىنىڭ باسپادان شىعىپ تاراتىلۋى حالىقارالىق قوعامنىڭ شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ەڭ جاڭا دامۋىن دەر كەزىندە تۇسىنۋىنە، جۇڭگو ۇستانىمى، جۇڭگو جوباسى، جۇڭگو اقىل - پاراساتى جونىندەگى تۇسىنىگىن تەرەڭدەتۋىنە، ادامزاتتىڭ تاعدىرلاس ورتاق تۇلعاسىن قول ۇستاسا بىرگە قۇرۋىنا كومەكتەسۋدە ماڭىزدى مانگە يە.

كەلۋ قاينارى: حالىق تورابى