بەنزين مەن ديزەل مايىنىڭ باعاسى ارزانداتىلدى 

شينحۋا اگەنتتىگىنىڭ 6 – ايدىڭ 4 – كۇنى بەيجيڭنەن بەرگەن حابارى (ءتىلشى ۋەي يۇيكۇن). مەملەكەتتىك دامۋ – رەفورما كوميتەتىنىڭ 6 – ايدىڭ 4 – كۇنى حابارلاۋىنشا، 5 – ايدىڭ 21 – كۇنى ەل ىشىندەگى وڭدەلگەن مۇناي باعاسى رەتتەلگەننەن بەرى، حالىقارالىق بازارداعى تابيعي مۇناي باعاسى تولقۋلى كۇيدە تومەندەگەن سوڭ، جۋىردا ازداپ جوعارىلاۋعا بەت العان، وسى رەتكى باعانى رەتتەۋدەن بۇرىنعى 10 قىزمەت كۇنىندەگى ورتاشا باعاسى الدىڭعى رەتكى باعانى رەتتەۋدەن بۇرىنعى 10 قىزمەت كۇنىندەگى ورتاشا باعادان تومەن بولعان. حالىقارالىق بازارداعى مۇناي باعاسىنىڭ وزگەرىسىنە نەگىزدەلىپ، 6 – ايدىڭ 4 – كۇنى ساعات 24 تەن باستاپ، ەل ىشىندەگى بەنزين مەن ديزەل مايىنىڭ باعاسى ءار تونناسىنا جەكە – جەكە ورتا ەسەپپەن 525 يۋان، 505 يۋان ارزانداتىلدى.

مەملەكەتتىك دامۋ – رەفورما كوميتەتىنىڭ قاتىستى جاۋاپتىسىنىڭ ايتۋىنشا، جۇڭگو مۇناي سەرىكتەستىگى، جۇڭگو مۇناي - حيميا سەرىكتەستىگى، جۇڭگو تەڭىز مۇنايى سەرىكتەستىگى سىندى ءۇش ءىرى سەرىكتەستىك پەن شيكىزاتتىق مۇنايدى مانەرلەۋمەن شۇعىلداناتىن باسقا سەرىكتەستىكتەر وڭدەلگەن مۇنايدى ءوندىرۋ جانە تاسىمالداۋدى ويداعىداي ۇيىمداستىرۋى، بازاردى ورنىقتى قامداۋعا كەپىلدىك ەتۋى، مەملەكەتتىڭ باعا جونىندەگى ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - باسقارۋ تەبىنىن كۇشەيتىپ، مەملەكەتتىڭ باعاعا قاتىستى ساياساتتارىن اتقارماۋ ارەكەتىن قاتاڭ تەكسەرىپ ءبىرجاقتى ەتۋى، بازاردىڭ قالىپتى ءتارتىبىن قورعاۋى كەرەك. تۇتىنۋشىلاردىڭ 12315 تەكشەسى ارقىلى باعاعا قاتىستى زاڭعا قايشى ارەكەتتەردى اشكەرەلەۋىنە بولادى.

وسى رەتكى وڭدەلگەن مۇناي باعاسىن رەتتەۋ كەزەڭىندە، حالىقارادا مۇناي باعاسى الدىمەن تومەندەپ، سوڭىنان جوعارىلادى. مەملەكەتتىك دامۋ – رەفورما كوميتەتى باعانى باقىلاۋ – تەكسەرۋ ورتالىعى تالداۋ جاساعان سوڭ بىلاي دەپ قارادى: قازىر ا ق ش مەن يران اراسىنداعى جاعدايدىڭ وزگەرىسى حالىقاراداعى مۇناي باعاسىنىڭ بەتالىسىنا ىقپال ەتەتىن نەگىزگى فاكتور بولىپ تابىلادى.

كەلۋ قاينارى: حالىق تورابى