دامىپ جاتقان جۇڭگو | لحاسا باتىس بەكەتىندەگى جۇك تيەۋ الاڭىندا زات جەتكىزىلىمى جۇمىسى قاۋىرت ورىستەتىلدى 

بيىل چيڭحاي – شيزاڭ تەمىر جولىندا پويەز قاتىناعانىنا 20 جىل بولادى. تەڭىز دەڭگەيىنەن 3600 مەتردەن استام بيىكتىكتەگى لحاسا باتىس بەكەتىنىڭ جۇك تيەۋ الاڭىندا تيەۋىش قوراپتار تاۋداي بولىپ ءۇيىلىپ، جۇك اۆتوموبيلدەرى قايشالىسىپ، پويەزدەر ۇزاق – ۇزاق دابىل قاعىپ، تۇس – تۇستان قاربالاس جۇمىستىڭ بەينەسى بايقالادى.

جالپى وڭىرلىك زاتتى شوعىرلاندىرۋ - تاراتۋ تورابى رەتىندە، بۇل ارادا ءتۇرلى زاتتاردى قابىلداۋ مەن جونەلتۋ ىستەرى تۇگەلدەي قاۋىرت جۇرگىزىلىپ، ءوندىرىس پەن تۇرمىستىق زاتتاردى قامداۋدى قامتاماسىز ەتۋمەن بىرگە، جەرگىلىكتى ونىمدەردى سىرتقا تاسىمالداۋعا دا دەم بەرەدى. ساندىق مالىمەتتە كورسەتىلۋىنشە، بەكەتتە كۇنىنە ورتا ەسەپپەن 350 دەن استام تيەپ – ءتۇسىرۋ اۆتوكولىگى ىسكە قوسىلىپ، جىلىنا زاتتاردى اكەلۋ – جونەلتۋ مولشەرى ءبىر ميلليون 659 مىڭ توننادان اسىپ، شيزاڭنىڭ ەكونوميكاسى مەن قوعامىنىڭ جوعارى ساپالى دامۋىنداعى تىڭ ومىرشەڭدىك كۇشىن ايگىلەدى. (تىلشىلەر: ۋ يوۋرىن، سىرىن لوبۋ، لي حايشيا)

سۋرەتتە: اشالى كرانشا لحاسا باتىس بەكەتىندەگى جۇڭ تيەۋ الاڭىندا تيەۋىش قوراپتى دالمە – ءدال كوتەرىپ، تيەۋ – ءتۇسىرۋ جۇمىستارىنا دايىندالۋدا. حالىق تورابىنىڭ ءتىلشىسى سىرىن لوبۋ فوتوسى

سۋرەتتە: رەلستى كران تيەۋىش قوراپتى بيىككە كوتەرگەندە، جەردەگى جۇمىسشىلار سايكەسىپ جەتەكشىلىك ەتۋدە. حالىق تورابىنىڭ ءتىلشىسى سىرىن لوبۋ فوتوسى

سۋرەتتە: اشالى كرانشا وراۋىش جارعاقپەن تاقتايشاعا تۇراقتاندىرىلعان زاتتاردى تاسىمالداپ، اۆتوموبيلگە تيەپ جونەلتۋگە دايىندالۋدا. حالىق تورابىنىڭ ءتىلشىسى سىرىن لوبۋ تۇسىرگەن

سۋرەتتە: قارا ءتۇستى قۇبىر تولتىرا تيەلگەن اۋىر تيپتى جۇك اۆتوموبيلى جۇك تيەۋ الاڭىنان ءوتىپ بارادى. حالىق تورابىنىڭ ءتىلشىسى سىرىن لوبۋ فوتوسى

سۋرەتتە: قىزىل ءتۇستى ءزاۋلىم رەلستى كران تيەۋىش قوراپ تيەۋ – ءتۇسىرۋ جۇمىس الاڭىن تولىق قامتىپ تۇر. حالىق تورابىنىڭ ءتىلشىسى سىرىن لوبۋ فوتوسى

كەلۋ قاينارى: حالىق تورابى