اۋىل شارۋاشىلىعى مەن ساياحاتتى توعىستىرىپ، جاڭا كارتينانى كەسكىندەدى (اۋەلگى ماقساتتى، بورىشتى ەستە بەرىك ساقتاپ، گۇلدەنۋ ساپارىندا ەكپىندەي ىلگەرىلەيىك)

دابيەشان تاۋىنىڭ وڭتۇستىك باۋرايىندا حۋبەيدىڭ حۇڭ - ان اۋدانى جاسىل جەلەك جامىلىپ جاتىر.

ىمىرت ۇيىرىلگەن ءسات، حۋاڭ - ان بايىرعى قالاسى . حۇڭ - ان كينو - تەلەۆيزيا فيلمى حۋانچىڭ كورىنىس رايونى شىراقتىڭ بىرتىندەپ سونۋىنە بايلانىستى تاۋ - وزەن ناقتى كورىنىس كونسەرتى «حۇڭ - ان. حۇڭ - ان» باستالدى. اسقاق اتوي دابىلىنىڭ ءۇنى اسپاندى ءتىلىپ، دىبىس، جارىق، ەلەكتر تەحنيكاسى جاندى بەينەلەندى، كورەرمەندەر جوعارى دارەجەدە قالپىنا كەلگەن كورىنىستە شۇعىلالى ساتتەردى قايتا ەسكە الدى.

2024 - جىلى 11 - ايدا باس شۋجي شي جينپيڭ حۋبەيدە قىزمەت تەكسەرگەندە بىلاي دەپ باسا دارىپتەدى: ”ەرەكشە كاسىپ سالاسى مەن كوپ ءتۇرلى تيجاراتتىڭ كومەسكى كۇشىن اشىپ، اۋىل شارۋاشىلىعىنىڭ دامۋ ساپاسى مەن ونىمدىلىگىن جوعارىلاتۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن بەكەمدەپ جانە كەڭەيتىپ، توڭكەرىستىك بايىرعى رايونداردىڭ گۇلدەنۋىن، دامۋىن جەدەلدەتۋ كەرەك“. ”حۋبەيدىڭ تاريحي مادەنيەت استارى تەرەڭ، قىزىل بايلىعى مول، مادەنيەت بايلىعىن قورعاۋدى كۇشەيتۋ جانە مادەنيەتتە جاڭالىق اشا دامۋدى ىلگەرىلەتۋ جاعىندا بورىش ارقالاۋى كەرەك“.

حۇڭ - ان − حۋاڭما كوتەرىلىسىنىڭ وشاعى، حۋبەي - حىنان - انحۇي توڭكەرىستىك بازاسىنىڭ ورتالىعى، بۇل جەردەن 200 دەن استام مەملەكەت قۇرۋشى قولباسشى شىققان. باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاعان حۇڭ - ان دابيەشان رۋحىن ساۋلەلەندىرىپ، بايىرعى رايونداردىڭ مادەنيەت بايلىعىن تەرەڭ اشىپ، اۋىل شارۋاشىلىعى، مادەنيەت، ساياحات ىستەرىن توعىستىرۋ ارقىلى كاسىپ سالاسى تىزبەگىن ۇزارتىپ، قىزىل بايلىق باسىمدىعىن جوعارى ساپالى دامۋ باسىمدىعىنا اينالدىردى.

توڭكەرىستىك مادەنيەت بەلگىسى جۇلدىزداي سامسىدى، حۇڭ - اندا كوشىرۋگە بولمايتىن توڭكەرىستىك بايىرعى جۇرت 200 گە جۋىق، قىزىل تاقىرىپتىق كورمە سارايى 33 كە جەتتى. جەرگىلىكتى ورىن 50 نەشە قىزىل مادەنيەت شاعىن تەاترىن جاساپ، 350 كيلومەترلىك ساياحات تاس جولىن سالىپ، 6 زەرتتەۋ - ۇيرەنۋ جەلىسىن اشىپ، توڭكەرىستىك مادەنيەتتىڭ زەرتتەۋ - ۇيرەنۋ، ويىن - ساۋىق سياقتى كاسىپ كۇيىمەن ىشكەرىلەي توعىسۋىن ىلگەرىلەتتى. 2025 - جىلى حۇڭ - ان جالپىلىق ساياحات كىرىسىن 10 ميلليارد 350 ميلليون يۋانعا جەتكىزىپ، 16 ميلليون ادام - رەتتەن استام ساياحاتشى قابىلدادى.

شىعىس حۋبەي (حۇڭ - ان) اۋىل شارۋاشىلىق ونىمدەرى زەردەلى زات اينالىمى باقشاسىندا زات اينالىمى اۆتوموبيلدەرى كىرىپ - شىعىپ، لاۋجۇنمي شايى، حۇڭ - ان جەر جاڭعاعى، قولونەر بەتمايى سياقتىلاردى جەر - جەرگە جونەلتتى. مادەنيەت - ساياحات كاسىبى الا كەلگەن وراسان زور جولاۋشى اعىنىنا سۇيەنگەن حۇڭ - ان ءارقايسى كورىنىس وڭىرلەرىندە اۋىل شارۋاشىلىق ەرەكشە ونىمدەرىن كورمەگە قويىپ ساتۋ ارناۋلى سورەسىن قۇرىپ، ”ءبىر اۋداندا ءبىر ورتالىق، ءبىر قالاشىقتا ءبىر پۋنكت، ءبىر قىستاقتا ءبىر ءتۇيىن“ سىندى 3 دارەجەلى زات اينالىمى جۇيەسىن ورناتىپ، ”ساياحات، ساتىپ الۋ، كوڭىل اشۋدىڭ“ تۇتاس كورىنىسىمەن بىرلەستىرىپ، مادەنيەت ارقىلى اۋىل شارۋاشىلىعىن جەبەۋدىڭ، ساياحات ارقىلى اۋىل شارۋاشىلىعىن گۇلدەندىرۋدىڭ تاماشا اينالىمىن قالىپتاستىردى. 2025 - جىلى حۇڭ - ان اۋىل - قىستاعىنداعى تۇراقتى تۇرعىنداردىڭ كىسى باسىنا تۋرا كەلەتىن يگەرىلمەلى كىرىسى 18 مىڭ يۋاننان اسىپ، سايكەس مەزگىلدەگىدەن %6.3 ارتتى، ەرەكشە اۋىل شارۋاشىلىق ونىمدەرى كىرىسىنىڭ اۋىل - قىستاق تۇرعىندارىنىڭ تيجارات سيپاتتى كىرىسىندەگى سالىستىرماسى %18.9 كە جەتتى.

اۋىل شارۋاشىلىعىن وسىزامانداندىرۋدىڭ تەتىگى عىلىم - تەحنيكا العاباسارلىعى مەن جاڭالىق جاراتۋدا. ءتىلشى حۇڭ - ان اۋدانى رۇيفىڭ ەگىمشىلىك، باعىمشىلىق كاسىپتىك سەلبەستىك كووپەراتيۆىنە بارعاندا ۋىتسىزداندىرىلعان ءتاتتى كارتوپ مايساسى جاپ - جاسىل بولىپ، جايقالا ءوسىپ تۇرعانىن كوردى. ”بۇلاردىڭ بارلىعى ۋىتسىزداندىرىلعان مايسالار، ءار مۋىنان ەڭ جوعارى بولعاندا 5700 جىڭ ءونىم الۋعا بولادى، وندىرىلگەن ءتاتتى كارتوپتىڭ ەتى مايدا، جۇمساق بولىپ، تۇپتەرىنىڭ جەكە باعاسى نەبارى بىرنەشە فىن عانا بولعاندىقتان، بۇقارا ساتىپ الا الادى، ەگۋ نيەتى بولسا بولعانى اۋقاتتانىپ كەتەدى“. سەلبەستىك كووپەراتيۆىنىڭ جاۋاپتىسى ياۋ فىڭ بىلاي دەپ تانىستىردى: ”ءبىز حۋاجۇڭ اۋىل شارۋاشىلىق داشۋەسىمەن سەلبەسىپ، حۇڭ - ان ءتاتتى كارتوپ توبىنىڭ ۋىتسىزداندىرۋ ورتالىعىن قۇرىپ، ۇزاق ۋاقىت ەگۋدەن تۋىلعان ۆيرۋستىڭ توپتالۋى، سورتتىڭ ازۋى سىندى قيىن ماسەلەنى شەشتىك“.

بۇگىنگى تاڭدا ءتاتتى كارتوپتىڭ ۇشىنان، قۇرعاتىلعان ءتاتتى كارتوپتان ءتاتتى كارتوپ ۇنتاعىنا دەيىن، حۇڭ - ان ءتاتتى كارتوبىنان 120 نەشە ءتۇرلى جىنتىكتەي مانەرلەنگەن ءونىم جارىققا شىعىپ، ەگىلگەن جەر كولەمى 300 مىڭ مۋدان، جىلدىق جالپى ءونىم مولشەرى 700 مىڭ توننادان اسىپ، 40 قا جۋىق مانەرلەۋ كاسىپورنىنا باستاماشىلىق ەتىپ، ”جياڭشياڭ حۇڭ“، ”ءتاتتى كارتوپ اعاي“ سياقتى 60 نەشە ەرەكشە ماركانى ءساتتى جەتىلدىرىپ، 120 مىڭنان استام شارۋا وتباسىنىڭ كىرىسىن ارتتىرىپ، اۋقاتتانۋىنا جەتەكشىلىك ەتىپ، ”ءتاتتى كارتوپ ەگەتىن باردام وتباسى“ ارماننان رەالدىققا اينالدى.

بايلىق قاينارىن تياناق ەتكەن حۇڭ - ان جۇڭگوشا ءدارى ماتەريالدارى، جۇمىرتقا، كوكونىس سياقتى ەرەكشە كاسىپ سالالارىن ويداعىداي دامىتىپ، مەملەكەتتىڭ جاعراپيالىق بەلگى قورعاۋىنا الىنعان 5 ونىمەە يە بولدى.

حۇڭ - اننىڭ تۇنىق سۋ، جاسىل تاۋ اراسىندا توڭكەرىستىك جەر بەلگىسى جارقىراپ، ەرەكشە كاسىپ سالالارى جاندانىپ، بايىرعى رايونداعى بۇقارانىڭ تۇرمىسى بارعان سايىن جاقساردى. 2025 - جىلى حۇڭ - ان اۋدانىنىڭ وڭىرلىك ءوندىرىس جالپى ءونىم قۇنى 28 ميلليارد 751 ميلليون يۋانعا جەتتى.