ەكى تاراۋ قامسىزداندىرۋعا قاتىناسقان قاريدارلاردى ساياحاتتاتۋ دەگەن سياقتى اتپەن تۇتىنۋشىلاردىڭ ۇقىق - مۇددەسىنە قول سۇعۋدان ساقتانۋدى ەسكەرتتى

شينحۋا اگەنتتىگىنىڭ 7 - ايدىڭ 14 – كۇنى بەيجيڭنەن بەرگەن حابارى. فينانستى باقىلاۋ - باسقارۋ باس مەكەمەسى، مادەنيەت جانە ساياحات مينيسترلىگى 7 - ايدىڭ 14 - كۇنى ” قامسىزداندىرۋعا قاتىناسقان قاريدارلاردى ساياحاتتاتۋ“ دەگەن اتپەن تۇتىنۋشىلاردىڭ ۇقىق - مۇددەسىنە زيان جەتكىزۋدەن قىراعى بولۋ جونىندەگى ەسكەرتۋدى جاريالاپ، قالىڭ تۇتىنۋشىلارعا ارناۋلى ساياحات مەكەمەسى ۇيىمداستىرعان ساياحات ۇيىرمەسىن تاڭداپ ساياحاتتاپ، باس اماندىعى مەن مال - مۇلىك حاۋىپسىزدىگىن قورعاۋدى ەسكەرتتى.

تاياۋدا قوعامدا ”قامسىزداندىرۋعا قاتىناسقان قاريدارلار ساياحات قوسىمشا قاراجاتىنان يگىلىكتەنەدى“، ”قامسىزداندىرۋعا قاتىناسقان قاريدارلار تەگىن ساياحاتتايدى“، ”قامسىزداندىرۋعا قاتىناسقان قاريدارلار ارناۋلى يگىلىكتەنەدى“ دەگەن سياقتى جالعان ۇگىتپەن تۇتىنۋشىلاردى بەيرەسىمي ساياحات ۇيىرمەسىنە قاتىناسۋعا شىرعالاۋ قۇبىلىسى جارىققا شىعىپ، تۇتىنۋشىلاردىڭ زاڭدى ۇقىق ـ مۇددەسىنە زيان جەتكىزىپ، ساياحات بازارىنىڭ ءتارتىبىن اۋىر دارەجەدە بىلىقتىردى.

فينانستى باقىلاۋ ـ باسقارۋ باس مەكەمەسى، مادەنيەت جانە ساياحات مينيسترلىگى مىنانى ەسكەرتتى: مۇنداي جاعدايدا نەگىزگى تۇلعانىڭ تولىمدىلىعى جالعان بولۋ، تومەن باعا دەگەن سىلتاۋمەن قارماق قاپتىرۋ، توقتامعا قول قويۋ تارتىبىندە بەلگىلەمەگە قايشىلىق جاساۋ، ساپار بارىسىندا جاسىرىن ور قازۋ سياقتى الدامشىلىق حاۋىپ - قاتەرى بار. قالىڭ تۇتىنۋشىلاردىڭ جۇيەلى جولدارمەن ۇيىرمەگە قاتىناسۋىن ۇسىنىس ەتەمىز، ”قامسىزداندىرۋعا قاتىناسقان قاريدارلار ارناۋلى يگىلىكتەنەدى“، ”قامسىزداندىرۋ تالونى ارقىلى ساياحاتقا قاتىناسۋعا بولادى“، ”قامسىزداندىرۋعا قاتىناسقان قاريداردىڭ ارناۋلى يگىلىگى“ دەپ ۇگىتتەگەن ساياحات قيمىلدارى جونىندە قامسىزداندىرۋ سەرىكتىگى مەن بولىمشە قۇرىلىمدارىنىڭ رەسمي ىستىق لەنياسى، رەسمي App ى نەمەسە رەسمي حابارلاندىرۋ ارنالارى ارقىلى قيمىلدىڭ شىنايى ەكەندىگىن تۇراقتاندىرۋ كەرەك.

كەلۋ قاينارى: حالىق تورابى