تاراۋلار جۇرتشىلىقتىڭ ماڭىنداعى سۋ ورتاسىن قورعاۋ، وڭاۋ شارالارىن قولداندى 

حالىق گازەتىنىڭ ءتىلشىسى كوۋ جياڭزى 7 – ايدىڭ 14 – كۇنى بەيجيڭنەن حابارلايدى. مەملەكەتتىك كەڭەس كەڭسە مەڭگەرمەسى جۋىردا ەكولوگيالىق ورتا مينيسترلىگى قاتارلى تاراۋلاردىڭ «جۇرتشىلىقتىڭ ماڭىنداعى سۋ الابىن قورعاۋ، وڭاۋ ارەكەت جوباسىن» جوتكەپ تاراتتى. ارەكەت جوباسىندا، 2030 – جىلعا بارعاندا، ولكە دارەجەلى جانە ودان جوعارى دارەجەلى ونەركاسىپ باقشالارىنداعى سۋدىڭ لاستانۋىن تەكسەرۋ، وڭاۋ مىندەتى نەگىزىنەن ورىندالىپ، اۋدان، اۋىل – قىستاقتارداعى ساسىق سۋ الاپتارى جويىلىپ، ءتۇيىندى رايوندارداعى مال جانە ءۇي قۇستارى باعىمشىلىعىنا بايلانىستى لاستانۋدىڭ سۋ الابىنا جاسايتىن تىكەلەي ىقپالى ازايتىلىپ، جۇرتشىلىقتىڭ ماڭىنداعى سۋ الابىنىڭ ءتۇسىنىڭ وزگەرمەۋى، يىستەنبەۋى، وندا الباتى زاتتاردىڭ بولماۋى نەگىزىنەن ىسكە اسىرىلىپ، سۋ ەكولوگيالىق ورتاسىنىڭ جالپى بەتتىك جاقسارۋى ىلگەرىلەتىلەدى دەلىنگەن.

جۋىرداعى جىلداردان بەرى، جەر - جەردەگى ءارقايسى تاراۋلار تۇنىق سۋدى قورعاۋ شايقاسىن ۇزدىكسىز ىشكەرىلەي ورىستەتىپ، بۇكىل ەلىمىزدەگى ءىرى وزەندەردىڭ سۋىنىڭ ساپاسى ۇزدىكسىز جاقسارتتى. سونىمەن بىرگە، جۇرتشىلىقتىڭ ماڭىنداعى وزەندەردىڭ ەكىنشى دارەجەلى جانە ودان تومەنگى دارەجەلى ارنالارى مەن شۇڭقىر، كولشىك، توعان سياقتى ورىنداردىڭ لاستانۋى ماسەلەلەرى كۇن سايىن كورنەكتى بولىپ، حالىق جۇرتشىلىعىنىڭ ءوندىرىسى مەن تۇرمىسىنا ىقپال جاسادى.

ارەكەت جوباسى بويىنشا وڭاۋ ءتۇيىنى اۋدان قالاشىعىنا، اۋىل – قىستاقتارعا قاراي ىشكەرىلەي كەڭەيتىلىپ، جەر ءۇستى سۋى مەن جەر استى سۋىنا بىردەي ءمان بەرىلىپ، تۇنىق سۋدى قورعاۋ شايقاسى ىشكەرىلەي ورىستەتىلىپ، كورىكتى ”سۋ كلەتكالارى“ قۇرىلىسى تىڭعىلىقتى ىلگەرىلەتىلەدى.

كەلۋ قاينارى: حالىق تورابى