حالىق ىستەرى مينيسترلىگى زاڭسىز قوعامدىق ۇيىمدارعا قاتىستى تيپتىك دەلولاردان 9 دەلونى جاريالادى 

ءتىلشى ۋ چۋچي 7 – ايدىڭ 14 – كۇنى بەيجيڭنەن حابارلايدى. 7 – ايدىڭ 14 – كۇنى حالىق ىستەرى مينيسترلىگى ”جۇڭگو حالىقارالىق قۇتقارۋ ورتالىعى (توبى) جياڭسۋ ولكەسى شۇعىل جاعدايعا توتەپ بەرۋ باس اترەتى شۇيجوۋ اترەتى“، ”چاڭجوۋ قالاسى جينتان رايونىنداعى اسكەري مىندەتتەن بوساعان اسكەريلەرگە قامقورلىق جاساۋ بىرلەستىگى“، ”شينجوۋ قالاسى جوۋ - ي عىلىمي بىرلەستىگى“، ”شينيۋي حۋاشى قايىرىمدىلىق بىرلەستىگى“، ”قۇمىل قالاسى توقپاق دوپشىلار بىرلەستىگى“، ”زەردەلى ەلەكتر جەتكىزۋ – ۇلەستىرۋ جابدىقتارى كاسىپ سالاسىندا تەحنيكالىق جاڭالىق اشۋ ستراتەگيالىق وداعى“، ”جۇڭگو حالىقارالىق قۇتقارۋ – كومەكتەسۋ ورتالىعى فۋجيان ولكەسى باس اترەتى اۋفىڭ ءورت ءوشىرۋ ەرەكشە مىندەتتى ۇلكەن اترەتى“، ”يۇڭجوۋ قالاسى ليڭليڭ رايونى لۇڭبوگاۋ مادەنيەتىن زەرتتەۋ ورتالىعى“، ”حۋنان ولكەسى ءبايىت عىلىمي قوعامى“ قاتارلى زاڭسىز 9 قوعامدىق ۇيىمعا قاتىستى تيپتىك دەلولاردى جاريالاپ، قوعامداعى جۇرتشىلىققا قىراعىلىقتى ارتتىرىپ، الدانىپ قالۋدان ساقتانۋدى ەسكەرتتى.

حالىق ىستەرى مينيسترلىگى قاتىستى قۇرىلىمدار مەن قوعامداعى جۇرتشىلىققا مىنانى ەسكەرتەدى: قوعامدىق ۇيىمدارمەن سەلبەستىك ورىستەتكەن كەزدە نەمەسە ولاردىڭ قيمىلدارىنا قاتىناسقان كەزدە، ”جۇڭگو قوعامدىق ۇيىمدارعا اكىمشىلىك ىستەرگە قاتىستى قىزمەت وتەۋ تەكشەسى“، ”جۇڭگو قوعامدىق ۇيىمدارىنىڭ جاعدايى“ اكىمشىلىك ىستەر ۋيشين تەكشەسى ارقىلى ولاردىڭ سالاۋاتىن تۇراقتاندىرۋعا بولادى؛ زاڭسىز قوعامدىق ۇيىمداردىڭ قيمىل وتكىزگەنى جونىندە ءجىپ ۇشتارى بايقالسا، دەر كەزىندە سول جەردەگى حالىق ىستەرى تاراۋلارىنا مالىمدەڭىزدەر.

كەلۋ قاينارى: حالىق تورابى