5 – كەزەكتى ”ءۇشتى قولداۋ، ءبىردى سۇيەمەلدەۋ“ جوسپارى باستالدى، ءار جىلى 36 مىڭ 400 ادام قابىلدايدى

ءتىلشىنىڭ 7 - ايدىڭ 16 - كۇنى ۇعىسۋىنشا، ادام كۇشى بايلىعى جانە قوعامدىق قامتاماسىزداندىرۋ مينيسترلىگى قاتارلى 9 تاراۋ 5 - كەزەكتى جوعارى مەكتەپ بىتىرگەن وقۋشىلاردىڭ ”ءۇشتى قولداۋ، ءبىردى سۇيەمەلدەۋ“ جوسپارىن اتقارىپ، 2026 - جىلدان 2030 - جىلعا دەيىن ءار جىلى 36 مىڭ 400 جوعارى مەكتەپ بىتىرگەن وقۋشىنى نەگىزگى ساتىعا بارىپ قىزمەت وتەۋگە قابىلداۋدى ۇيعارعان، قىزمەت وتەۋ مەرزىمى 2 جىل، اۋىل ـ قىستاقتى جاپپاي گۇلدەندىرۋدى ىلگەرىلەتۋگە، اۋىل شارۋاشىلىعىن، اۋىل ـ قىستاقتى وسىزامانداندىرۋدى جەدەلدەتۋگە، نەگىزگى ساتىنىڭ قوعامدىق جونگە سالۋ قابىلەتىن جوعارىلاتۋعا، شەكاراداعى ۇلتتار ٴوڭىرىنىڭ دامۋىنا دەم بەرۋگە دارىندىلار جانە اقىل ـ پاراسات جاعىنان تىرەك ازىرلەيدى.

قابىلداۋ جوسپارى دامىماعان رايوندارعا، باتىس بولەكتىڭ شىعىس سولتۇستىك رايوندارىنا جانە شەكاراداعى ۇلتتار وڭىرىنە ۇزدىكسىز بەيىمدەلەدى، مەملەكەتتىڭ اۋىل - قىستاقتاردى گۇلدەندىرۋدەگى ءتۇيىندى سۇيەمەلدەنەتىن اۋدانداردىڭ بارلىق قىزمەتكەرلەرىن قامتاماسىزداندىرۋ جوسپارى ايىرىم جاسالادى.

5 - كەزەكتى جوسپاردا بەلگىلەمە بويىنشا قىزمەت، تۇرمىس قوسىمشا قاراجاتى، ءبىر جولدا بەرىلەتىن قونىستانۋ قاراجاتى جانە قوعامدىق قامسىزداندىرۋعا قاتىناسۋ قاتارلى ساياساتتاردى تياناقتاندىرۋ تالاپ ەتىلدى. سونىمەن بىرگە، الىپ قالۋ ارناسىن كەڭەيتىپ، ۇكىمەت قىزمەتكەرلەرىن باعىتتامالى قابىلداۋ، ءىسورىنداردىڭ ارناۋلى قابىلداۋى قاتارلى قولداۋ ساياساتتارىن تياناقتاندىرىپ، جاپالى، شەت ـ شالعاي وڭىرلەردىڭ ارناۋلى قىزمەتكەر قابىلداۋ قىزمەت ورنىنىڭ سانىن لايىقتى ارتتىرىپ، كاسىپ سالاسىن، مەملەكەت مەنشىگىندەگى كاسىپورىنداردى، الەۋمەتتىك اۋماق نەگىزگى ساتىلارىن ۇسىنىسپەن قابىلداۋعا شابىتتاندىرىپ، ۇيرەنۋگە، ءبىلىم اسىرۋعا قولداۋ كورسەتىپ، اۋىل شارۋاشىلىق جاڭالىق اشۋشىلارىن جەتىلدىرۋ سياقتى شارۋاشىلىق قۇرۋعا قولداۋ كورسەتۋ كەرەك.

كەلۋ قاينارى: حالىق تورابى