جۇڭگو فۋتبول بىرلەستىگى شىن سى قاتارلىلاردىڭ ”فۋتبول سالاسىنداعى قيمىلدارمەن شۇعىلدانۋىنا تيىم سالىنعانى“جونىندە حابارلاندىرۋ جاريالادى 

جۇڭگو اقپارات تورابىنىڭ 7 - ايدىڭ 18 – كۇنى بەرگەن حابارى. جۇڭگو فۋتبول بىرلەستىگىنىڭ رەسمي ميكروبلوگىنان الىنعان اقپاراتقا قاراعاندا، جۇڭگو فۋتبول بىرلەستىگى 7 - ايدىڭ 18 - كۇنى شىن سى قاتارلىلاردىڭ ”فۋتبول سالاسىنداعى قيمىلدارمەن شۇعىلدانۋىنا تيىم سالىنعانى“ جونىندە حابارلاندىرۋ جاريالاعان، نەگىزگى مازمۇنى مىناداي:

جۋىردا جۇڭگو فۋتبول بىرلەستىگى شىن سى مەن چي حۇڭنىڭ جاس فۋتبولشىلاردى جاتتىقتىرۋ قيمىلىنا قاتىناسقانى جونىندەگى ينفورماتسيالارعا نازار اۋداردى، قازىر مىناداي حابارلاندىرۋ جاريالايدى:

1. «بۇرىنعى شاڭحاي جۇڭيۋان حۇيلي فۋتبول كلۋبىنىڭ سپورتشىسى شىن سى قاتارلى ءتورت ادامدى بەلگىلەمەگە، تارتىپكە قايشى ارەكەتتەرىنە بايلانىستى جازالاۋ جونىندەگى شەشىمدە» جۇڭگو فۋتبول بىرلەستىگىنىڭ شىن سى مەن چي حۇڭنىڭ فۋتبولعا قاتىستى ءارقانداي قيمىلمەن شۇعىلدانۋىنا ومىرلىك تيىم سالاتىندىعى انىق جازىلعان.

2. «جۇڭگو فۋتبول بىرلەستىگىنىڭ ءتارتىپ ەرەجەسىنىڭ» 24 - تارماعىندا ”فۋتبولعا قاتىستى ءارقانداي قيمىلمەن شۇعىلدانۋعا تيىم سالۋ“ جونىندە ايقىن تۇسىنىك جاسالعان: فۋتبولعا قاتىستى ءارقانداي قيمىلمەن شۇعىلدانۋعا تيىم سالۋ دەگەنىمىز جازالانعان ادامنىڭ فۋتبولعا قاتىستى ءارقانداي قيمىلمەن شۇعىلدانۋىنا تيىم سالىناتىنىن كورسەتەدى (مۇنىڭ ىشىندە، قارجى قوسۋ، باسقارۋ، جارىسقا قاتىناسۋ نەمەسە باسقا جاعدايلار قامتىلادى ءارى مۇنىمەن عانا شەكتەلمەيدى).

3. جۇڭگو فۋتبول بىرلەستىگى شاڭحاي قالاسىنداعى قاتىستى تاراۋلاردىڭ وقيعاعا قاتىستى تەكسەرۋ ۇردىسىنە ءجىتى نازار اۋدارادى، تەكسەرۋ ناتيجەسى دەر كەزىندە قوعامداعىلارعا اشىق جاريالانادى.

جەر - جەردەگى فۋتبول سالاسىن باسقارۋ تاراۋلارى وسى سالاعا قاتىستى قيمىلمەن شۇعىلدانۋىنا تيىم سالىنعان ادامداردى تەكسەرۋدى شىنايى تياناقتاندىرۋى كەرەك (تيىم سالىنعان ادامداردىڭ تىزىمدىگىن سۇراستىرۋ جالعانىمى: https://www.thecfa.cn/jymdcx/index.html) جاستاردى فۋتبولعا جاتتىقتىرۋمەن شۇعىلداناتىن ءارقايسى ورىندار عىلىمي جاتتىقتىرۋى، مادەنيەتتى جاتتىقتىرۋى، ازامات جاسىنا تولماعانداردىڭ فيزولوگيالىق – پسيحولوگيالىق اقاۋسىزدىعى مەن زاڭدى ۇقىق - مۇددەسىن شىنايى قورعاۋى كەرەك.

كەلۋ قاينارى: حالىق تورابى