”مۇرات، سەنىم − كوممۋنيستەردىڭ رۋحاني ’كالتسيى‘“ (باس شۋجيدىڭ حالىقشىلدىق سۇيىسپەنشىلىگى)

مۇرات، سەنىم − پارتيا قۇرىپ، پارتيانى گۇلدەندىرۋدىڭ نەگىزى ءارى پارتيالى كادرلاردىڭ تابان تىرەپ تۇرۋىنىڭ نەگىزى. بۇل مۇرات، سەنىم ماركسيزمدىك سەنىم، كوممۋنيزم ۇلى مۇراتى، جۇڭگو ۇلگىسىندەگى سوتسياليزمنىڭ ورتاق مۇراتى سانالادى.

باس شۋجي شي جينپيڭ جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا بىلاي دەپ اتاپ كورسەتتى: ”پارتيامىز ماركسيزمدى سۋبيەكتيۆ دۇنيە مەن وبيەكتيۆ دۇنيەنى وزگەرتۋدىڭ قۇدىرەتتى يدەيالىق قارۋى ەتتى“، ”پارتيامىز كوممۋنيزم ۇلى مۇراتىن كوكەيدە ساقتاپ، جۇڭحۋا ۇلتىنىڭ بولاشاقتىق ۇلى ءىسىن مۇرات تۇتتى“، ”جۇڭگو ۇلگىسىندەگى سوتسياليزمگە تاباندى بولۋ جانە ونى دامىتۋ − بۇكىل پارتيانىڭ، بۇكىل ەلدەگى ءار ۇلت حالقىنىڭ ورتاق ءىسى“.

مۇرات، سەنىمدى بەكەمدەۋ − پارتيانىڭ يدەيالىق قۇرىلىسىنداعى ماڭداي الدى مىندەت. باس شۋجي شي جينپيڭ تالاي رەت ”توڭكەرىستىك مۇرات بارىنەن جوعارى تۇرادى“ دەگەن سوزدەن سيتات كەلتىرىپ، مۇرات، سەنىمنىڭ ماڭىزدىلىعىن ءتۇسىندىرىپ، بىلاي دەپ اتاپ كورسەتتى: ”مۇرات، سەنىم − كوممۋنيستەردىڭ رۋحاني ’كالتسيى‘، كوممۋنيستەردە مۇرات، سەنىم بولماسا، رۋحاني ’كالتسي كەمشىل‘ بولىپ، ’سۇيەك جۇمسارۋ‘ اۋرۋىنا شالدىعادى“.

قازىر بۇكىل پارتيا دۇرىس ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ىشكەرىلەي ورىستەتۋدە، ءار دارەجەلى باسشى كادرلار سانالى تۇردە ”تورتەۋىنىڭ بار - جوقتىعىنا“ سالىستىرىپ تەكسەرۋ جۇرگىزۋدە، ءبىرىنشى، ”ءوزىنىڭ يدەياسى مەن ارەكەتىنىڭ كوممۋنيزم ۇلى مۇراتى مەن جۇڭگو ۇلگىسىندەگى سوتسياليزم ورتاق مۇراتىنان الشاقتاعان - الشاقتاماعاندىعىنا قاراۋ“. شي جينپيڭ پارتيا قۇرىلىسى يدەياسىن ىشكەرىلەي ۇيرەنۋ، دايەكتىلەندىرۋدە، قالىڭ پارتيالى كادرلاردان رۋحاني ”كالتسيدى“ كۇش سالا تولىقتاپ، مۇرات، سەنىمدى بەكەمدەۋدى ومىرلىك تاقىرىپ ەتىپ، ءومىر بويى سەنۋدى، ءومىر بويى ساقتاۋدى تالاپ ەتتى.

بەرىك مۇرات، سەنىم − اۋقىمدى بارلاۋدىڭ، وزگەرىسكە توتەپ بەرۋدىڭ، بولاشاققا كوز جىبەرۋدىڭ جول كورسەتكىش شىراعى.

باس شۋجي شي جينپيڭ بىلاي دەپ باسا دارىپتەدى: ”مەيلى وتكەندە، قازىر، الدە بولاشاقتا بولسىن، ماركسيزمگە دەگەن سەنىم،

جۇڭگو ۇلگىسىندەگى سوتسياليزم جونىندەگى سەنىم، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىندەگى سەنىم جۇڭگو حالقىنىڭ ەڭسە كوتەرۋىنە، بايۋىنا، قۇدىرەتتەنۋىنە جەتەكشىلىك ەتەتىن جانە تىرەك بولاتىن قۇدىرەتتى رۋحاني كۇش ەسەپتەلەدى“.

بيىل 3 - ايدا باس شۋجي شي جينپيڭ حىبەي شيۇڭ - ان جاڭا رايونىنا بارىپ قىزمەت تەكسەردى. ورتالىق كاسىپورىندارىنداعى جۇمىسشى - قىزمەتكەرلەر، جوعارى مەكتەپ وقىتۋشىلارى، ەمدەۋ قىزمەتكەرلەرى... شيۇڭ - انداعى جاڭا قالا تۇرعىندارىنىڭ جىگەرى تاسقىندادى. باس شۋجي بىلاي دەپ اتاپ كورسەتتى: ”سىزدەر ءبىرىنشى توپتاعى ءورىس اشۋشىلارسىزدار، پارتيانىڭ قاجەتىنە بويسۇنىپ، بۇيرىق بويىنشا اتتانىسقا كەلىپ، شيۇڭ - ان مەن بەيجيڭدى، تيانجيندى، حىبەيدى سايكەستىرە دامىتۋعا ۇلەس قوستىڭىزدار“.

توڭكەرىستىك سوعىس جىلدارىندا بۇكىل پارتيا، بۇكىل ارميا پارتيا ورتالىق كوميتەتىنىڭ بۇيرىعىن باتىل اتقارۋدان قۇرىلىس جىلدارىندا قاتىناس داشۋەسىندەگى نەشە مىڭ وقىتۋشى - وقۋشى ”سومكەسىن كوتەرىپ جولعا شىعىپ“، باتىس سولتۇستىككە بارىپ ەڭبەك ءسىڭىرىپ، ۇلەس قوسقانعا دەيىن، ونان جاڭا داۋىردەگى شيۇڭ - ان جاڭا رايونىنىڭ قۇرىلىسشىلارى ىرىقتىلىقپەن ءوتىنىش ەتىپ، ءبىرىنشى شەپتە شايقاس جاساۋعا دەيىن...

پارتياعا تاباندىلىقپەن ىلەسۋ، پارتيانىڭ قاجەتىنە بويسۇنۋ بەرىك مۇرات - سەنىمنەن باستاۋ الادى. باس شۋجي شي جينپيڭ بىلاي دەپ اتاپ كورسەتتى: ”تەك مۇرات - سەنىم بەرىك بولعاندا عانا، كوڭىلدە پارتيا بولعاندا، پارتياعا ادال بولعاندا عانا بەرىك يدەيالىق نەگىز بولادى“.

بەرىك مۇرات - سەنىم − جاڭا داۋىردەگى پارتيانىڭ جاڭالىق اشۋ نازارياسىن تەرەڭ ءتۇسىنۋدىڭ تابيعي تالابى.

ۇلى ءداۋىر ۇلى يدەيانى تۋىنداتادى.

باس شۋجي شي جينپيڭ بىلاي دەپ باسا دارىپتەدى: ”بۇگىنگى تاڭدا جۇڭگوشا سوتسياليزم ىستەرىنىڭ قارىشتاپ دامۋى مەن جالىندى ومىرشەڭدىگى ماركسيزمنىڭ عىلميلىعى مەن اقيقاتتىعىن تولىق سىننان وتكىزىپ، ماركسيزمنىڭ حالىقتىق سيپاتى مەن امالياتتىق سيپاتىن، ماركسيزمنىڭ اشىقتىعى مەن داۋىرلىك سيپاتىن تولىق ايگىلەدى“.

پارتيا 19 - قۇرىلتايىنىڭ بايانداماسىندا پارتيانىڭ 18 - قۇرىلتايىنان بەرگى پارتيانىڭ جاڭالىق اشۋ نازارياسىنىڭ باستى مازمۇنى ”سەگىزدى ايقىنداۋ“، ”ون تورتكە تاباندى بولۋ“ دەپ جيناقتالدى، پارتيا 19 - كەزەكتى ورتالىق كوميتەتى التىنشى جالپى ءماجىلىسىنىڭ جيناقتاۋى ارقىلى پارتيانىڭ 20 - قۇرىلتايىنىڭ بايانداماسى ”وندى ايقىنداۋ“، ”ون تورتكە تاباندى بولۋ“، ”13 جاقتاعى تابىس“ دەپ جيناقتالدى ءارى ”ەكىنى ۇشتاستىرۋ“، ”التىعا، ءسوز جوق، تاباندى بولۋ“ سياقتى پارتيانىڭ نازاريادا جاڭالىق جاراتۋىن ىلگەرىلەتۋدىڭ عىلمي ءادىسىن قورىتىندىلادى جانە تەرەڭ بايىمدادى. جاڭا داۋىردەگى پارتيانىڭ نازاريادا جاڭالىق اشۋى مەن امالياتتا جاڭالىق اشۋى بارىسىندا، جۇيەلىلەندىرۋ، عىلىمداندىرۋ بارىسىندا، شي جينپيڭ جاڭا ءداۋىر جۇڭگوشا سوتسياليزم يدەياسى ۇزدىكسىز بايىپ، دامىپ، كەمەلدى، عىلمي نازاريالىق جۇيەگە اينالدى.

”اقيقاتتى تانۋ، اقيقاتتى يگەرۋ، اقيقاتقا سەنۋ، اقيقاتتى قورعاۋ − مۇرات - سەنىمدى بەكەمدەۋدىڭ رۋحاني العى شارتى“.

پارتيا ىشىندە 9 رەت شوعىرلى تاربيەنى ورىستەتۋ جونىندە ورنالاستىرۋ جاسالدى؛ «جۇڭگو كوممۋنيستىك پارتياسىنىڭ پارتيا مۇشەلەرىن تاربيەلەۋ، باسقارۋ قىزمەت ەرەجەسى» باسىپ تاراتىلىپ، پارتيا مۇشەلەرىن تاربيەلەۋ، باۋلۋ قىزمەتىنىڭ 5 جىلدىق جوباسى ءۇرتىس 3 كەزەك جاساپ اتقارىلدى... جاڭا داۋىردەن بەرى ءبىر قىدىرۋ شارالار بارشا پارتيالى كادرلاردىڭ پارتيانىڭ جاسامپاز نازارياسىن ىشكەرىلەي ۇيرەنۋىن، جەتە ءتۇسىنۋىن پارمەندى ىلگەرىلەتىپ، رۋحاني ”كالتسيدى“ تولىقتاپ، يدەيالىق ”رۋحتى“ بەكەمدەپ، ”ەكىنى تۇراقتاندىرۋدى“ باتىل قولداپ، ”ەكىنى قورعاۋدى“ باتىل ورىندادى.

بەرىك مۇرات - سەنىم − تىنباي كۇرەس جۇرگىزۋدىڭ، قاجىماي - تالماي العا باسۋدىڭ قوزعاۋشى كۇش قاينارى.

ۋاڭ يۇيچاڭ 18 جاسىندا اسكەري لاگەرگە قاتىناسىپ، پارتيانىڭ قولباسشىلىعىنا بويسۇناتىن حالىقتىڭ پەرزەنت اسكەرى بولدى؛ وقاس سۇلەيمەن قالاشىقتا قىزمەت ىستەۋ ورايىنان ۋاز كەشىپ، تاۋ قويناۋىنداعى مال شارۋاشىلىق رايوندارىن كۇن سايىن ارالاپ تۇردى... بيىل 7 - ايدىڭ 1 - كۇنى باس شۋجي شي جينپيڭ ”1 - شىلدە وردەنىنىڭ“ يەگەرلەرىنە ءبىر - بىرلەپ وردەن ۇسىندى ءارى ولارمەن ىقىلاسپەن قول الىسىپ، قۇتتىقتادى.

سانا كوزگە كورىنبەيدى، شەشۋشى ساتتە ءتۇپ قاينارىن انىق اڭعارادى. ”جان تانىمەن، ىنتاسىمەن جانە حالىق ءۇشىن قىزمەت ىستەۋ ءتۇپ ماقساتىندا بەرىك تۇرا الا ما، جوق پا، جاپادا الدا، راقاتتا ارتتا تۇرا الا ما، جوق پا، قۇلشىنا ىستەپ، تازا، پاك كىرشىكسىز جانە كوپشىل بولا الا ما، جوق پا، مۇرات ءۇشىن جان قيارلىقپەن كۇرەس جاساي الا ما، جوق پا، ءوزىنىڭ بارلىق زەيىنىن تىرلىگىنە ارناي الا ما، جوق پا“. باس شۋجي شي جينپيڭ ءبىر كوممۋنيستىڭ، ءبىر باسشى كادردىڭ كوممۋنيزم ۇلى مۇراتىنىڭ بار - جوقتىعىن ولشەيتىن وبيەكتيۆ ولشەمدى وسىلاي جيناقتادى.

جاڭا ءداۋىردىڭ جاڭا جورىعىندا ءبىز ءدوپ كەلىپ وتىرعان حاۋىپ - قاتەر، سىن - سايىستار اۋىر بولادى، كەيدە ءتىپتى اساۋ تولقىندارعا، ءتۇرلى اۋىر حاۋىپ - قاتەر، سىن - سايىسقا ءدوپ كەلەمىز، ونىڭ كۇردەلىلىگى، قاتاڭدىعى بۇرىن بولىپ كورىلمەگەن دارەجەدە بولىپ وتىر. ”ءبىز بەرىك مۇرات - سەنىم مەن بەرىك توڭكەرىستىك جىگەردى ساقتاساق بولعانى، ءبىر - بىرلەگەن قامالداردى تۇگەلدەي باسىپ وتە الامىز، قانداي تۇزاق، قانداي قورشاۋ، قۋعىنداۋ، توسقاۋىلداۋ، قانداي قۇرساۋ جەلىسى بولسىن، ولاردى تۇگەلدەي ارتقا تاستاي الامىز!“

بيىل − ”15 - بەسجىلدىقتىڭ“ باستاما جىلى، جۇڭگو ۇلگىسىندەگى وسىزامانداندىرۋ نەگىزدى بەكەمدەۋدىڭ، جاپپاي كۇش سالۋدىڭ شەشۋشى كەزەڭىنە ءوتتى. جۇڭگو كوممۋنيستىك پارتياسى قۇرىلعاندىعىنىڭ 105 جىلدىعىن قۇتتىقتاۋ جينالىسىندا باس شۋجي شي جينپيڭ بۇكىل پارتياعا ”جاڭا تاريحي شۇعىلالى تابىستاردى قۇلشىنا جاراتۋ“ ۇلى ۇندەۋىن جاريالادى.

كوڭىلدە سەنىم بولعاندا عانا، الىسقا جەتۋگە بولادى. ”مۇرات - سەنىم وتى لاۋلاعان زاماندا ماڭگى سونبەيمىز“.

كەلۋ قاينارى: حالىق تورابى