ىزدەۋ ـ قۇتقارۋدى عىلمي ۇيىمداستىرىپ، قاداعالاۋدى، ساقتاندىرۋدى جانە شارلاپ تەكسەرۋدى، قاتەردى الاستاۋدى كۇشەيتىپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىن شىنايى قامتاماسىز ەتۋ كەرەك

شينحۋا اگەنتتىگىنىڭ 7 ـ ايدىڭ 17 ـ كۇنى بەيجيڭنەن بەرگەن حابارى. 7 ـ ايدىڭ 17 ـ كۇنى ساعات 9دان 10 مينۋت مولشەرىندە چۇڭچيڭنىڭ پىڭشۇي اۋدانى حانجيا مالىسىندە تاۋ وپىرىلىپ، كوپ ادام كومىلىپ قالىپ، ءىز ـ دەرەكسىز كەتتى.

اپات تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا ءمان بەردى ءارى ماڭىزدى نۇسقاۋ بەرىپ، بىلاي دەپ اتاپ كورسەتتى: چۇڭچيڭنىڭ پىڭشۇي اۋدانىندا تۋىلعان تاۋ وپىرىلۋدان كوپ ادام ءىز ـ دەرەكسىز كەتتى، ىزدەۋ ـ قۇتقارۋدى عىلمي ۇيىمداستىرىپ، قوسالقى اپاتتىڭ تۋىلۋىنان ساقتانىپ، جارالىلاردى قۇتقارۋ ـ ەمدەۋ، سوڭعى جۇمىستاردى ىڭعايلاستىرۋ سياقتى قىزمەتتەردى ۇيلەسىمدى ويداعىداي ىستەۋ كەرەك. سەبەبىن تەز ارادا تەكسەرىپ انىقتاپ، بىرەۋى ارقىلى وزگەسىن تۇسپالداپ، گەولوگيالىق اپات سياقتى كومەسكى قاتەرلەردى ىشكەرىلەي ءبىر ـ بىردەن تەكسەرۋ، الاستاۋ كەرەك.

شي جينپيڭ بىلاي دەپ باسا دارىپتەدى: وڭىرلەر، قاتىستى تاراۋلار حاۋىپسىزدىك قىزمەتى جاۋاپكەرشىلىگىن ىشكەرىلەي تياناقتاندىرىپ، قاداعالاۋدى، ساقتاندىرۋدى جانە شارلاپ تەكسەرۋدى، قاتەردى الاستاۋدى كۇشەيتىپ، ءتۇرلى قىزمەتتەردى ناقتى، ەگجەي ـ تەگجەيلى يگەرىپ، حالىق بۇقاراسىنىڭ باس اماندىعى مەن مال ـ مۇلكىنىڭ حاۋىپسىزدىگىن شىنايى قامتاماسىز ەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، بىلاي دەپ اتاپ كورسەتتى: چۇڭچيڭ قالاسىنىڭ قۇتقارۋ، ءبىر جاقتى ەتۋ، جارالىلاردى قۇتقارۋ ـ ەمدەۋ، اپاتقا ۇشىراعان بۇقارانى حاۋىپسىز ورنالاستىرۋ سياقتى قىزمەتتەردى بار كۇشپەن ورىستەتۋىنە جەتەكشىلىك ەتۋ جانە كومەكتەسۋ، سونداي ـ اق قوسالقى اپاتتىڭ تۋىلۋىنان قاتاڭ ساقتانۋ كەرەك. جەر ـ جەردىڭ، قاتىستى جاقتاردىڭ جاۋاپكەرشىلىگىن اناعۇرلىم قاتايتىپ، حاۋىپ ـ قاتەرلەردى، كومەسكى كىناراتتاردى جاپپاي ءبىر ـ بىردەن تەكسەرىپ، اپاتتان ساقتانۋ جانە وعان توتەپ بەرۋدى تىڭعىلىقتى ويداعىداي ىستەۋ كەرەك.

شي جينپيڭنىڭ ماڭىزدى نۇسقاۋى مەن لي چياڭنىڭ تالابىنا ساي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى جاڭ گوچيڭ قاتىستى تاراۋلارداعى جاۋاپتى جولداستاردى باستاپ ناقتى ورىنعا بارىپ، قۇتقارۋ ـ كومەكتەسۋ، ءبىر جاقتى ەتۋ قىزمەتىنە جەتەكشىلىك ەتتى. چۇڭچيڭ كۇش ۇيىمداستىرىپ سول جەردە ىزدەۋ ـ قۇتقارۋ، جارالىلاردى قۇتقارۋ ـ ەمدەۋ جانە سوڭعى جۇمىستاردى ىڭعايلاستىرۋ سياقتى قىزمەتتەردى بار كۇشپەن ويداعىداي ىستەدى. قازىر قاتىستى قىزمەتتەر جۇرگىزىلۋدە.