ەكى تاراۋ بىرلەسىپ اۋىل شارۋاشىلىعىنىڭ جوعارى تەمپەراتۋرا، قۋاڭشىلىق حاۋىپ - قاتەرى ساقتىق سيگنالىن جاريالادى

حالىق گازەتىنىڭ 7 - ايدىڭ 21 – كۇنى بەيجيڭنەن بەرگەن حابارى. 7 - ايدىڭ 21 - كۇنى اۋىل شارۋاشىلىعى جانە اۋىل - قىستاق مينيسترلىگى مەن جۇڭگو اۋا رايى مەكەمەسى بىرلەسىپ اۋىل شارۋاشىلىعىنىڭ جوعارى تەمپەراتۋرا، قۋاڭشىلىق حاۋىپ - قاتەرى ساقتىق سيگنالىن جاريالادى: 7 - ايدان بەرى شانشيدىڭ ورتا وڭتۇستىك بولەگى، حىناننىڭ باتىس وڭتۇستىك بولەگى، حۋبەيدىڭ باتىس بولەگى، سىچۋان ويپاتى قاتارلى جەرلەردە اۋا تەمپەراتۋراسى 35 سەلتسي گرادۋستان اسقان ىستىق كۇن سانى 11 دە 15 كۇنگە جەتىپ، بۇرىنعى جىلدارداعى ۇقساس مەزگىلدەگىدەن 8 دە 14 كۇن كوپ بولدى. مەجەمەن 7 – ايدىڭ 22 – كۇنىنەن 24 – كۇنىنە دەيىن شانشيدىڭ ورتا وڭتۇستىك بولەگى، حىنان، حۋبەيدىڭ باتىس سولتۇستىك بولەگى، سىچۋان ويپاتى قاتارلى ورىنداردا 35 سەلتسي گرادۋستان جوعارى تەمپەراتۋرا جانە دە جالعاسادى، ەڭ جوعارى تەمپەراتۋرا 39 سەلتسي گرادۋستان 40 سەلتسي گرادۋسقا جەتەدى، توپىراقتىڭ دىمقىلدىعى تەز كەۋىپ، اۋىل شارۋاشىلىعىنىڭ جوعارى تەمپەراتۋرا، قۋاڭشىلىق حاۋىپ – قاتەرى جوعارى بولادى، شانشيدىڭ باۋجي، شيانياڭ، حىناننىڭ نانياڭ، جۋماديان، سىچۋاننىڭ گۋاڭ – ان، نانچۇڭ، باجۇڭ قاتارلى جەرلەرىندە قۋاڭشىلىق جاعدايى جارىققا شىعىپ، كۇزگى استىق وندىرىسىنە ءتيىمسىز بولادى. جوعارىداعى رايونداردىڭ ەگىس اتىزدارىنىڭ دىمقىلدىق وزگەرىسىن قاداعالاي باقىلاپ، دەر كەزىندە سۋارىپ، جوعارى تەمپەراتۋرانىڭ، قۋاڭشىلىقتىڭ ىقپالىن باسەڭدەتۋىن ۇسىنىس ەتەمىز.

كەلۋ قاينارى: حالىق تورابى