22 ميلليارد يۋان! تيجاراتتىق جۇك اۆتوموبيلدەرىنىڭ ەسكىرگەندەرىنە مەملەكەت  قوسىمشا قاراجات بەرەتىن بولدى 

7 – ايدىڭ 21 – كۇنى، قاتىناس – تاسىمال مينيسترلىگىنىڭ قاتىستى جاۋاپتىسى مىنانى ءبىلدىردى: 2026 – جىلى تيجاراتتىق جۇك اۆتوموبيلدەرىنىڭ ەسكىرگەندەرىن كەرەكتەن قالدىرۋ جانە جاڭالاۋ ارەكەتى جالعاستى اتقارىلادى، ەسكىرگەن تيجاراتتىق جۇك اۆتوموبيلدەرىن كەرەكتەن قالدىرۋ جانە جاڭالاۋعا 22 ميلليارد يۋاندىق ۇزاق مەرزىمدى ەرەكشە مەملەكەتتىك زايوم ورنالاستىرىلىپ، جاڭا ەنەرگيالى اۋىر جۇك اۆتوموبيلدەرىنە اۋىستىرۋعا ءتۇيىندى تۇردە قولداۋ كورسەتىلەدى، ”ەكىنى جاڭالاۋ“ ساياساتى ارقىلى جاڭا ەنەرگيالى اۋىر جۇك اۆتوموبيلدەرى بازارىنداعى تۇتىنۋدى جەبەۋگە كۇش سالادى.

مۇنان سىرت، مەملەكەتتىك جوعارى قارقىندى تاس جول، جاي مەملەكەتتىك تاس جول مەن ولكەلىك تاس جولدىڭ جۇك تاسىمالى قاربالاس بولىكتەرى، بەيجيڭ – تيانجين – حىبەي، چاڭجياڭ اتىراۋى، گۋاڭدۇڭ – شياڭگاڭ – اۋمىن ۇلكەن شىعاناق رايونى، چىڭدۋ – چۇڭچيڭ ءوڭىرى قاتارلى قالا شوعىرى مەن مەتروپوليتەن شەڭبەرى، جۇك تاسىمالى تورابى، پورت، كەن رايونى، زاۆود اۋماعى، باقشا رايونى قاتارلى ماڭىزدى تۇيىندەرگە نازاردى شوعىرلاندىرىپ، ەلەكترلى اۋىر جۇك اۆتوموبيلدەرىن زاريادتايتىن، باتەرياسىن الماستىراتىن 3000 نان استام بەكەت سالىنىپ، ەنەرگيا تولىقتايتىن جابدىقتاردىڭ ”ءبىر – بىرىمەن تۇتاستىرىلىپ جەلىگە اينالىپ، تور قۇراۋىن“ ىلگەرىلەتەدى. ءىرى تاسىمال كاسىپورىندارىن، جەدەل جولداما جانە زات اينالىمى كاسىپورىندارىن، كولەمدەنگەن جۇك تاسىمالى اۆتوموبيل اترەتتەرى قاتارلى نەگىزگى تاسىمال كاسىپورىندارىن نەگىزگى تاس جولدارداعى تاسىمال بارىسىندا جاڭا ەنەرگيالى اۋىر جۇك اۆتوموبيلدەرىن پايدالانۋعا باسىمدىلىق بەرۋگە جەبەيدى.

كەلۋ قاينارى: حالىق تورابى