”جوعارى ساپالى دامۋ بارىسىندا حالىق تۇرمىسىن قامتاماسىزداندىرۋ جانە جاقسارتۋ“ جاعداي، ساياساتى جونىندە جەلىلەس بايانداما جاساۋ جينالىسىنىڭ 5 - رەتكى بايانداما جاساۋ جينالىسى بەيجيڭدە وتكىزىلدى

«حالىق گازەتى»، 7 - ايدىڭ 21 - كۇنى، بەيجيڭ. ورتالىق كوميتەتتىڭ ۇگىت ءبولىمى، ورتالىق پەن مەملەكەت ورگاندارى قىزمەت كوميتەتى، وقۋ - اعارتۋ مينيسترلىگى، ورتالىق اسكەري ىستەر كوميتەتىنىڭ ساياسي قىزمەت ءبولىمى، بەيجيڭ قالالىق پارتكوم بىرلەسىپ وتكىزگەن ”جوعارى ساپالى دامۋ بارىسىندا حالىق تۇرمىسىن قامتاماسىزداندىرۋ جانە جاقسارتۋ“ جاعداي، ساياساتى جونىندە جەلىلەس بايانداما جاساۋ جينالىسىنىڭ 5 - رەتكى بايانداما جاساۋ جينالىسى 7 - ايدىڭ 21 - كۇنى بەيجيڭدە وتكىزىلدى.

مەملەكەتتىك دەنساۋلىق ساقتاۋ، سالاماتتىق كوميتەتى پارتيا باسشىلىق گرۋپپاسىنىڭ شۋجيى، مەڭگەرۋشى لي حايچاۋ ”سالاماتتى جۇڭگو قۇرۋدى جەدەلدەتۋ“ جونىندە ارناۋلى بايانداما جاسادى.

لي حايچاۋ بايانداماسىندا بىلاي دەپ اتاپ كورسەتتى: پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ سالاماتتىعىنا ايرىقشا ءمان بەردى، باس شۋجي شي جينپيڭ سالاماتتى جۇڭگو قۇرىلىسىن ءوزى جوسپارلاپ، ورنالاستىرىپ، حالىقتىڭ سالاماتتىعى − سوتسياليستىك وسىزامانداندىرۋدىڭ ماڭىزدى بەلگىسى دەگەندى ايقىن العا قويدى.

پارتيا ورتالىق كوميتەتىنىڭ پارمەندى باسشىلىعىندا، ەلىمىزدىڭ دەنساۋلىق ساقتاۋ، سالاماتتىق ىستەرىنىڭ دامۋىندا تاريحي تابىستارعا قول جەتىپ، دۇنيە جۇزىندەگى كولەمى ەڭ ۇلكەن ەمدەۋ قىزمەت وتەۋى، ءداستۇرلى ءدارى - دارمەك، اۋرۋدان ساقتانۋ - تىزگىندەۋ جانە ەمدەۋدى قامتاماسىزداندىرۋ جۇيەسىن قۇرىپ جانە ۇزدىكسىز بەكەمدەپ، دامىتىپ، كەدەيلەردىڭ نەگىزگى ەمدەلۋىن قامتاماسىزداندىرۋدى تاريحي جۇزەگە اسىرىپ، عاسىرلىق ىندەتتىڭ اۋىر سوققىسىنا توتەپ بەرىپ، حالىقتىڭ دەنساۋلىق ورەسىن ۇزدىكسىز جوعارىلاتتى، نەگىزگى دەنساۋلىق كورسەتكىشى ورتاشا، جوعارى كىرىستى ەلدەر مەن حالىق سانى 100 ميلليوننان اسقان ەلدەردىڭ الدىڭعى قاتارىنا ءوتتى.

لي حايچاۋ بىلاي دەپ اتاپ كورسەتتى: ”15 - بەسجىلدىق“ كەزى − سوتسياليستىك وسىزامانداندىرۋدى نەگىزىنەن جۇزەگە اسىرۋدىڭ نەگىزىن بەكەمدەيتىن، جاپپاي كۇش سالاتىن شەشۋشى كەزەڭ.

جاڭا جاعداي، جاڭا تالاپ الدىندا شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ ورنالاستىرۋلارىن مۇقيات تياناقتاندىرىپ، پارتيانىڭ دەنساۋلىق ساقتاۋ، سالاماتتىق قىزمەتىنە جاپپاي باسشىلىعىنا تاباندى بولىپ، دەنساۋلىق ساقتاۋ جانە سالاماتتىق ىستەرىنىڭ جۇڭگوشا دامۋ جولىمەن بۇلجىماي ءجۇرىپ، جاڭا داۋىردەگى پارتيانىڭ دەنساۋلىق ساقتاۋ جانە سالاماتتىق قىزمەتى باعىتىن بۇلجىماي دايەكتىلەندىرىپ، سالاماتتىقتى الدىمەن دامىتۋ ستراتەگياسىن اتقارۋدى جەتەكشى ەتىپ، دەنساۋلىق ساقتاۋ، سالاماتتىق ىستەرىنىڭ جوعارى ساپالى دامۋىن ىلگەرىلەتىپ، ”15 - بەسجىلدىق“ مەزگىلىندەگى سالاماتتى جۇڭگو قۇرىلىسىندا شەشۋشى ىلگەرىلەۋشىلىككە قول جەتكىزۋگە قۇلشىنۋ كەرەك.

لي حايچاۋ مىنالاردى ءبىلدىردى: پارتيا ورتالىق كوميتەتى تۇراقتاندىرعان ستراتەگيالىق نىسانانى دانەكەر ەتىپ، دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، ءبىر جوبانى سوڭىنا دەيىن جاساۋعا تاباندى بولىپ، ءتۇرلى مىندەتتەردىڭ تياناقتانۋىن تىڭعىلىقتى ىلگەرىلەتۋ كەرەك. اقاۋسىز، وركەنيەتتى تۇرمىس ءتاسىلىن دارىپتەپ، الەۋمەتتىك دەنساۋلىق ساقتاۋ جۇيەسىن اقاۋسىزداندىرىپ، ساپالى، جوعارى ءونىمدى ەمدەۋ قىزمەت وتەۋ جۇيەسىن ورناتىپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسى رەفورماسىن تەرەڭدەتىپ، جۇڭي شيپاگەرلىك، ءدارى - دارمەك ىستەرىنىڭ گۇلدەنۋى مەن دامۋىن ىلگەرىلەتىپ، تۋىتتى قولداۋ ساياسات جۇيەسىن كەمەلدەندىرىپ، دەنساۋلىق ساقتاۋ، سالاماتتىق، جاڭاشا وندىرگىش كۇشتەردى زور كۇشپەن دامىتىپ، سالاماتتىققا پايدالى ءوندىرىس، تۇرمىس ءتاسىلى مەن ەكونوميكالىق، قوعامدىق دامۋ ۇلگىسىن جەدەل قالىپتاستىرىپ، 2030 - جىلعا بارعاندا ادامداردىڭ ورتاشا مەجەلى عۇمىرىىن 80 جاسقا جەتكىزۋگە كۇش سالىپ، جۇڭگو ۇلگىسىندەگى وسىزامانداندىرۋدىڭ سالاماتتىق نەگىزىن بەكەمدەۋ كەرەك.

بايانداما جينالىسىن بەيجيڭ قالالىق پارتكومنىڭ ۇگىت بولىمىندەگى جاۋاپتى جولداس باسقاردى. بەيجيڭدەگى ورگان كادرلارىنان، ورتالىق كاسىپورىندارىنداعى كادرلاردان، جۇمىسشى - قىزمەتكەرلەردەن، استاناداعى جوعارى مەكتەپتەردىڭ وقىتۋشى - وقۋشىلارىنان جانە استاناداعى ءار سالا بۇقاراسىنىڭ ۋاكىلدەرىنەن 730 داي ادام بايانداما جينالىسىنا قاتىناستى.

كەلۋ قاينارى: حالىق تورابى